# Biar harei 27/8, Akaok negar Trần Đại Quang hu mbang ginum biai haong Thủ tướng Ai Cập Mốt-ta-pha Mát-bu-ly (Mostafa Madbouly). Ong Trần Đại Quang taong yaom glaong bruk ngak di Raja-ei Ai Cập dalam bruk grap tanat rahra xã hội saong cakrok patagok kinh tế samar drah dalam tukvak tapa, ba Ai Cập jeng sa dalam dom nền kinh tế dang akaok châu Phi, ngan haong GDP mek hu jaik 1 ribau 200 tỷ đô la Mỹ, jalan patagok kinh tế khik hu di tanut labaih 5%. Akaok negar Trần Đại Quang caong khin mbang rivang ini meda ngak brei patagok talei pambuak bruk di dua negar, abih di nyu lac gah ngak mbang kinh tế, samar peih ngak hu bruk ba yaom jien mek tame meng bruk pablei salih dua gah hu labaih 1 tỷ đô la Mỹ dalam thun 2020.

# Hadei  di tuk  mbang  dit tứ kết Asiad 2018 di Đội tuyển Olympic Việt Nam song Đội tuyển Olympic Syria tamat bloh haong  tỷ số 1-0,ba jayah ka Đội tuyển Việt Nam, Thủ tướng Nguyễn Xuân Phúc hu panuac pok meyaom Huấn luyện viên trưởng Park Hang Seo, Ban Huấn luyện song tong abih cầu thủ di Đội tuyển Olympic Việt Nam. Tapa rayo sap ndom Việt Nam, rayo papar binguk Việt Nam, Rayo papar binguk Kỹ thuật số VTC, Thủ tướng Nguyễn Xuân Phúc payua panuac tadhau ayuh siam mekre di abih  tal  Ban Huấn luyện song dom  cầu thủ Đội tuyển Olympic Việt Nam. Jeng hadei di mbang jayah di đội tuyển, Rayo sap ndom VN  hu thưởng 500 triệu đồng piah pachreih ba  đội tuyển.

# Hợp tác xã Thương mại dịch vụ Laba Phú Sơn, huyện Lâm Hà, tỉnh Lâm Đồng bahrau pablei tabiak negar langiu 30 tấn patei Laba akaok mereip tapa darak pasar Nhật Bản hadei di sa thun mboh tangin tame harak pambuak bruk pablei salih haong Nhật Bản. Dahlau di tuk pablei tabiak, gah Nhật Bản hu brei manuac tapa tal labik pala pasang iek chất lượng, dư lượng jru khik caga phun pala, bruk paik baoh, tame kadung… Tui jabat ini, hadei di lô pandap akaok meti pablei tabiak siam mekre, gah Nhật Bản đặt hàng yaok bilan ba brei meng klau tal pak công-ten-nơ patei Laba (20 tấn sa công-ten-nơ). Ini lac kadha bui sambai brei mboh angan je, chất lượng patei Laba di Lâm Đồng saong ba mai labik pablei  tani tanat ka urang pala patei. 

# Tui pasak khí tượng thủy văn pakat negar, ia ndik gam song ia tagok glong dok ngak ka ia di  krong CL tagok glong. Tui kuhria mboh dahlau, meng harei 12 tal harei  14 bilan 9, ia di gah angaok krong Cửu Long meda tagok tal tanut  báo động 3, di dom bilai hạ lưu krong Cửu Long tagok tanut báo động 2 tal báo động 3, hu labik angaok tanut báo động 3. Mbuan si dauk ia di bhum taneh beir song mbuan glut jaleih ar pacang di dom tỉnh bhum taneran krong Cửu Long.

# Harei pataom sap daoh cải lương pakat negar 2018 meng harei 5- 19/9/2018 hu peih tabiak di bal Tân An, Long An. Harei pataom ini, lac sa pathau khan tagok Tổ Nghề hadei di 100 thun nghệ thuật sân khấu cải lương. Thun ini, langiu di dom jabat công lập, kadha bahrau njauk caik hatai di harei pataom thun ini lac pachreih dom jabat xã hội hóa hu mbaok tame pakacah. Tui panuac khan meng Ban tổ chức, urak ini hu jaik 25 jabat ngan haong jaik 30 vở diễn hu tut angan tame pakacah.

Khaw tin dunya:

# Mintri ilamu  song Công nghệ Ấn Độ tabiak panuac brei thau, mbang par  pandar nhiên liệu sinh học kayua negar ni ngak tabiak hu par tagok meng mblang kapan haoh Dehradun, bang Uttarakhand song kapan haoh di hãng hàng không SpiceJet pandar  nhiên liệu ni hu par trun mblan kapan haoh  di ban ine New Delhi. Akaok mintri ilamu song Công nghệ Ấn độ, Tiến sĩ Harsh Vardhan brei thau ni lac sa harei sajarah song  nhiên liệu sinh học meda lac sa janih nhiên liệu piah salih kayua nyu oh  ngak tabiak  khí thải gây hiệu ứng sang camin, oh hu carbon nan ye patrun hu  nerak  không khí.

# Bruk kurang kadung jien karja daok ngak jhak tal dom kham merat di Kadung jien Khí hậu hijao (GCF) dalam bruk daong ka dom negar kathaot pacang caga biến đổi khí hậu. Ini lac panuac brei thau bahrau di urang dahlau diah ngak Tổng Thư ký Liên hiệp quốc (LHQ) Ban Ki-moon. GCF hu padang tagok di thun 2010, tuk LHQ ginum biai ka bruk biến đổi khí hậu angaok dunya piah jhul patagok bruk pandar siam mekre yaom jien 100 tỷ USD yaok thun bo dom negar kaya meda hu mboh tangin sanya rik daong ka dom taneh aua daok cakrok patagok meng tukvak nan tal thun 2020 piah patrun lượng khí thải carbon, jeng yau patrun dom kadha oh siam di biến đổi khí hậu. 

# Tui blah báo China Daily harei 27.8, ia sua trak di  tỉnh Sơn Đông, gah timun Trung Quốc, ngak takik di abih 14 urang metai song ngak khat lihik labaih 10 tỉ nhân dân tệ (labaih 34.000 tỉ đồng). Karja di labik ni hu ba rilo kapan haoh oh hu menuac peih piah pruh  dung dịch khử khuẩn pacangcakak jit ruak hadei di tuk hajan ia sua./.