# Tổng công ty jalan pasei VN bahrau brei thau, kuhria meng harei 2-9, dom jalan pasei Hà Nội- Đồng Đăng, Hà Nội- Thái Nguyên, Yên Viên-Hạ Long meda hu pasiam veik, nduac yaok harei piah duh ka bruk nao mai di bhap bani. Yaom jien harak vé meng 20.000 đồng tal 80.000 đồng tui jalan. tuai damuai blei harak vé nao mai dom đoàn tàu ini meda hu brei trun 10% yaom harak vé  nao mai. 

# Sở Jalan mbak Pajeng ba tỉnh Thanh Hóa bahrau hu harak pandar dom  doanh nghiệp pajeng tuai dalam tỉnh oh brei tagok yaom harak, caga ginup radeih, pabak ginup bruk nao mai di bhap bini dalam dom harei lễ Quốc khánh 2/9. Tui nan, Sở jalan mbak pajeng ba tỉnh Thanh Hóa hu panuac ieu dom doanh nghiệp oh klaak chuyến piah mek radeih  nao pajeng hợp đồng atau taduan tuai di gah langiu bến xe, mek yaom harak glong jang quy định. Meyah mboh ngak suan, gah pasang iek pajeng ba ngak biên bản langyah song pok panuac tagok pakat angaok brei mek veik phù hiệu, brei padeih bruk pajeng tuai tui adat hukum.

# Sở Ilamo, Padhih saong rivang ma-in Bình Phước bahrau brei thau quyết định di Thủ tướng Raja-ei công nhận Bảo vật negar Capi patau Lộc Hòa. Capi patau Lộc Hòa kayua ong Bùi Hữu Triều daok di ấp 8, xã Lộc Hòa, huyện Lộc Ninh, tỉnh Bình Phước duah mboh di thun 1996 dalam tuk nao ngak apuh. Tal harei ini, dom yaom glaong di capi patau Lộc Hòa hu brei mboh. Meng kỹ thuật ngak biak gheih, hu umo meng labaih 3.000 thun, sap yava di nyu nduk bak âm hưởng di ceik glai saong alat ragam di bangsa. Tỉnh Bình Phước hu ba tabiak dom jalan ngak piah khik caga siam mekre ka bảo vật, patagok yaom glaong di capi patau.

# Festival tasik  Bà Rịa - Vũng Tàu thun 2018 hu peih pakak di melam kabroi (28/8), di mblang bein Cột cờ TP Vũng Tàu. Harei pataom ilamu tasik hu rah tabiak tal abih harei 3/9, hu mbaok di  388 đơn vị song jiak 1.000 gian hàng. Pak ini, ttuai damuai hu mong iek dom bruk yau, parang iek thaot binguk, nyaom darak pasa, parang iek kalan nghệ thuật dunya, rija Carnaval jalan mbak, lễ hội sambo màu – parang iek aow tah Việt Nam song  thời trang dunya, pakacah bingu lan, sinh vật cảnh, pandap mbang Việt Nam song dunya quốc tế, lễ hội bia… Ông Đặng Đình Thám, tuai mai meng  Đồng Nai lac: Peih Festival biak siam, tuai mai rivang iek, bhap bini hu thau dom janih di dom puk palei, hu rilo pandap bahrau ngak ka urang thau pandap pandap sản xuất urak ni, atau rilo jalan pablei pandap bahrau, rilo janih pandap sangka tal pren yava, kaya nong hu ngak tui jalan  Viet GAP yau nan jeng tagok rai duik ka bhap bini.

# Tui sa roh duah di dom urang khoa học angaok dunya, bruk pandar trí tuệ nhân tạo piah chẩn đoán ung thư tiền liệt tuyến, buồng trứng, phổi saong tung taha di tukvak akaok mereip, meda daong brei patrun 10% bruk metai lahik ngan haong dom janih ruak ini dalam 15 thun tal. Ralo bruk kuhria dahlau jeng tacei tabiak cambaih laih, yaom darak pasar trí tuệ nhân tạo dalam gah y khoa angaok dunya meda tagok tal 11 tỷ đô la dalam thun 2024 saong nyu tagok 7% sa thun. Tui ong Trần Nguyên Vũ – Akaok Kapul  jalan ngak phần mềm, Tập đoàn IBM Việt Nam, sa dalam dom jabat ba akaok nao dahlau ba dom ứng dụng trí tuệ nhân tạo tame dalam gah y tế, ye ini lac gah bo Việt Nam njauk mong iek saong hu jalan ngak brei patagok di anak tal.

Khaw tin dunya

# Mintri pato megru Arập Xê-út bahrau ni hu payua sa blah thư điện tử (email) tal dom  học viên y khoa di negar ni dok tui bac song roh duah di dom cơ sở y tế song sang bac y di Ca-na-đa. Blah thư brei thau labaih  1000 học viên hu adat dok veik Canađa mbiah tal tuk duah hu sa labik dang tương ứng di sa negar karei. Bruk ni hu palagaih ka dom học viên y khoa Arập Xê-út hu tuk vak kuhria duah bruk song dom sang iek ruak Ca-na-đa oh kuhria bruk kurang menuac chip”

# Kadung jien Uranaih Liên Hợp Quốc (UNICEF) harei 28/8 brei thau, hu jaik  250 sang bac daok di dom labik njauk jit ruak Ê-bô-la di Cộng hòa Công-gô, ngan haong jaik 82.500 anek saih. Urak ini UNICEF daok daong piah hu sa thun bac bahrau siam laghaih brei ka dom anek saih di labik ini. Tui nan, UNICEP daok tacei pato dom hiệu trưởng sang bac saong labaih 1.750 gru pato thau ka mức độ nguy hiểm, dom kadha brei thau njauk ruak jeng yau dom jalan ngak pacang caga ruak Ê-bô-la. UNICEF jeng hu daong ka dom sang bac pagam dom thiết bị rao tangin ka anek saih saong ba brei dom áp phích brei thau ka jalam pacang caga ruak dalam sang bac.

# Trung Quốc lac negar rilo menuac abih di dunya, dok kuhria padeih sarak patrun bruk ndik tapui di dom haduik pasang. Tui gah truyền thông  Trung Quốc, tong abih asar kadha  ka bruk  kế hoạch hóa gia đình hu tah klak dalam sa bản dự thảo ka hukum dân sự dok hu dom nhà lập pháp dang akaok negar ni peih ngak. Trung Quốc hu palagaih sarak kế hoạch hóa gia đình dalam dom thun jiak di ni min oh ka chính thức luật hóa. Makna kayua bruk ndik tapui takik song gah  ngak bruk patrun./.