# Biar harei 29/8, dom cầu thủ di Đội tuyển Olympic caoh mbal dak blaong likei Việt Nam hu pakacah abih drei anak đương kim vô địch ASIAD Hàn Quốc saong caoh tame tha bàn thắng biak gheih meta. Hadei di mbang caoh, Thủ tướng Nguyễn Xuân Phúc hu payua panuac pok meyaom tinh thần pakacah kiên cường di dom cầu thủ, huấn luyện viên Đội tuyển Olympic brei ka màu cờ sắc áo. Thủ tướng caong khin dom cầu thủ ranaih di kheol drei “bại oh nản”, pataom tame bruk pasiam veik pren yava piah pakacah trận anak tak haong quyết tâm biak glaong, mek hu huy chương Đồng pabak hu hatai caong khin di cổ động viên negar drei. Thủ tướng Nguyễn Xuân Phúc jeng hu payua panuac pok meyaom tal dom vận động viên di Đoàn thể thao Việt Nam hu kham merat pakacah mek hu Huy chương Ameh, Huy chương pariak saong Huy chương bal di ASIAD, ba vinh quang mai ka thể thao Việt Nam.

    # Di nyaom  biai mbang ka 7 pakat akaok mintri dom negar bhum krong  Mekong bahrau ni, Pasak khí tượng Asean (ASMC) hu panuac brei thau dahlau ka bruk hajan dui atah tal bilan 11/2018 dahlau di tuk salih tapa bilan thu tuk hu hangin Đông Bắc. Ia hajan tui kuhria di tanut bình thường, min nhiệt độ meda glong jang tanut bình thường hasit dalam dom bilan anak tal. Bruk trung tính (oh El Nino oh La Nina) tui kuhria daok hu tal bilan 10 thun ni, min 60-70% mboh lac hu El Nino tagok tal puac thun. 

     # Harei 29-8, angaok jalan roya 9 labik nao tapa xã Tân Long, Huyện Hướng Hóa, tỉnh Quảng Trị, Đội trinh sát đặc nhiệm pambuak haong đội đặc nhiệm pacang caga ma túy saong tội phạm Bộ đội Biên phòng tỉnh Quảng Trị hu duah mboh saong cap khik mbang pajeng ba suan adat hukum sa lượng prong alak saong pakao hala lậu. Tapa pasang iek angaok radaih hu mboh 5 két alak dalam nan hu 30 kalaok alak Chivas 18 saong 1500 pok pakao Jet. Dom janih pandap ini oh hu harak ba-ar brei thau cambaih asal di nyu mai meng halei ngan haong taong abih yaom jien tui kuhria jaik 50 triệu đồng. Bruk ini daok hu dom gah lực lượng chức năng pasang iek, ngak brei cambaih laih.

# Hadei di 3 thun peih ngak dom danak dak pakat negar, Đăk Lăk hu 30/152 xã mek hu tanut chuẩn palei pala bahrau, abih thun ni, kham merat hu 10 xã mek hu chuẩn palei pala bahrau. Urak ni, oh dok xã dalam nyaom kan kandah  ala 5 tanut. Mbaok meta palei pala, jalan mbak nao mai hu padang ngak siam. Ngan song danak dak pakat negar patrun kathaot khang kajap, sang kathaot dalam tỉnh trun, meng labaih 19% (thun 2015) dok labaih 15% (thun2017). Oh dok  huyện hu  boh sang kathaot  meng 50% tagok.

# Harei 29/8, muyim Hồ Chí Minh hu taduan mek labaih 80 thaik binguk, harak ba-ar tài liệu, hiện vật, tác phẩm nghệ thuật, ấn phẩm,… ndom ka Chủ tịch Hồ Chí Minh meng dom cá nhân, kapul nyaom dalam saong langiu negar, mboh ralo dalam nan lac harak ba-ar tài liệu, hiện vật asar biak hu yaom. Dalam nan, nyaom hiện vật di aruah akaok Mentri Y tế Hoàng Tích Trý kayua urang lambaok baoh sang ong alin brei: 4 Thư Chủ tịch Hồ Chí Minh payua ka Akaok mentri Hoàng Tích Ký thun 1947; 5 Chứng minh thư Chủ tịch Hồ Chí Minh payua ka akaok mentri Hoàng Tích Trý hu akhar vak, akhar mboh di Gait, phao Colt Chủ tịch Hồ Chí Minh brei ka Akaok mentri  Hoàng Tích Trý pandar dalam vaktu 1950-1958,… Abih di nyu, Muyim Hồ Chí Minh daok roh duah, pataom mek blah cih sơn dầu chân dung Chủ tịch Hồ Chí Minh kayua họa sĩ Petrov (urang  Bungari) cih thun 1958; 8 blah rup cih Chủ tịch Hồ Chí Minh kayua ong Đào Trọng Lý (Việt kiều pak Thái Lan) alin brei.

Khaw tin dunya:

     # Jiak sa bilan, hadei di tuk rah tabiak mbang megei boh taneh akaok meti di palao Lombok di Indonesia, yaok rituh ribau urang di angaok palao oh ka hu sang danaok, oh hu ginup pandap mbang, labik dok,song ia hacih. Rilo mbang megei boh taneh di palao du lịch ni ngak ka bruk dong ba gaok rilo kan kandah. Tui nan, rilo menuac eng drei daong ka drei. Urak ni, dom urang ngak pahla dok ba gauk dong ka urang di palao Lombok tani tanat rai duik. Po sa nhà hàng song kalup kapul di Gili Trawangan, ong Brendan Muir, pataom hu 25.000 USD, dong pandap mbang song ia menyum ka bhap bini. Bruk ngak ni hu panuac ieu di angaok blah facebook, ong Brendan Muir rik pataom hu gac 20.000 USD.

  # Labaih 50.000 urang di kreh negar Myanmar njauk panduan nao daok di labik karei hadei di mbang talah binek dalam page harei 29-8 ngak aia duak abih 100 puk palei saong ngak kan kandah ka bruk nao mai angaok  tuyến jalan cao tốc. Dalam số ini hu dom urang oh njauk ảnh hưởng tapak min kayua huac aia sua nyu tagok glaong. Tui Mentri An sinh xã hội Myanmar, lực lượng chức năng hu padang ngak dom baoh kajang tạm ka bhap bani daok. Makna ba tal talah binek nan kayua hajan prong dalam dom harei tapa ngak ka aia dalam binek Swar Chaung di labik Bago talah, ngak duak abih dom puk palei di bal sit Swar saong dom labik jaik taphia nan.

# yaom lac Langik pandiak, min yaok ribau urang Mỹ dang dalam rilo tuk vak piah palao Thượng nghị sĩ John McCain di bang Arizona harei 29/8. Harei 29/8, linh cửu di Thượng nghị sĩ John McCain hu ba tal tòa nhà nghị viện di Phoenix, bang Arizona song sa adat pahadar hu rah tabiak di labik ni Dalam harei 31/8, linh cửu Thượng nghị sĩ John McCain hu ba tal tòa nhà quốc hội Mỹ di Đồi Capitol, Washington piah bhap bini. Sirah. Lễ truy điệu Thượng nghị sĩ John McCain tui kuhria hu rah tabiak dalam harei 2/9 di nhà nguyện dalam Học viện Hải quân Mỹ - labik bo ong  McCain bhian hu bac./.