# Tukvak pahadar 73 thun Quốc khánh Nước Cộng hòa xã hội chủ nghĩa Việt Nam (2/9/1945 – 2/9/2018), melam 30/8, di Pasak Nyaom biai Dunya, Hà Nội, Thủ tướng Nguyễn Xuân Phúc saong hadiuk di gait hu peih bruk payak dom tuai dunya. Lambaok urang pal akaok Đảng, Karja, Rajaei saong bhap bani Việt Nam, Thủ tướng Nguyễn Xuân Phúc hu panuac ndua dhal phuen saong caong khin patui veik mek hu dom tình cảm siam gheih, bruk pachreih tui, pambuak bruk siam mekre di raja-ei, bhap bani dom taneh aia, dom gah pambuak bruk, ayut sahabat dunya; taphia di nan jia lac, dom vị Đại sứ, urang lambaok dom kapul nyaom dunya patui veik patagok bruk ngak di drei, rik daong tame ralo jang bruk jhul pakhang talei pambuak bruk nao mai di Việt Nam saong ayut sahabat, đối tác...

# Ủy ban An toàn giao thông pakat negar bahrau brei thau số điện thoại jalan talei pandiak piah taduan panuac khan di bhap bini ka bruk pajeng ba, bruk nao mai angaok jalan dalam tuk padeih Lễ Quốc khánh 2-9. Tui nan, piah khan brei thau ka bruk ngak suan gah pajeng ba di angaok jalan mbak, jalan pasei, jalan krong ribong, bruk trật tự an toàn giao thông, gar jalan, bhap bini ieu phone tal Cục Cảnh sát giao thông tui talei phone: 0995.67.67.67; 0692.342.6082. 

   # Luac van biar harei saong melam kabroi (30/8), di bal Sơn La, tỉnh Sơn La hajan prong ngak ka ralo labik daok di bhap bani, tuyến phố chính di bal Sơn La dauk dalam aia. Ralo labik, aia dauk tame takai jalan saong nduac tame sang. Yaok rituh baoh sang medeih luac melam piah ba manuac urang saong drap ar tal labik siam mekre. Tal 7 tuk ini, langik oh daok hajan, aia daok trun min ralo labik jeng daok dauk dalam aia, ralo labik gluh bhaok daok kandaong angaok jalan mbak, ngak kan kandah tal bruk nao mai angaok jalan, abih di nyu nan lac tukvak manuac urang nao ngak. Dom sang bac daok brei anek saih padeih bac. 

# Danak dak “Harei pataom pandap mbang huak” kayua Pasak  Xúc tiến Du lịch Đà Nẵng song  Hướng nghiệp Á Âu hu rah tabiak di harei kabroi 30/8 di mblang bein gah timur Cầu Rồng, quận Sơn Trà, ban  Đà Nẵng. Hu yaok pluh  gian hàng parang pablei dom janih pandap mbang di ban Đà Nẵng yau: tapei racam papaok rilo pabui; Bánh xèo – Nem lụi; Mỳ quảng; Bún chả cá; Bò tơ xứ quảng...kayua dom đầu bếp chuyên nghiệp di dom nhà dok di ban phố Đà Nẵng ngak. Langiu di nan, tuk mai rivang Hội thi, tuai damuai daok hu sở hữu labaih 200 voucher brei saoh piah mbang dom pandap mbang đặc trưng atau pandar dom dịch vụ du lịch tuk hu ma-in minigame di harei pataom ni.

  # Meng caong khin đội tuyển Olympic Việt Nam mek hu jayak dalam mbang caoh puac abih meblah thứ hạng 3-4 di ASIAD 18, saong jeng lac  caong khin di ralo CĐV, urang pang rayo, iek papar binguk, puac harak báo di Rayo, Urang pal akaok rayo sap ndom VN tabiak bruk thưởng brei 1 tỷ đồng ka Đội tuyển Olympic VN meya mek hu huy chương Bar. Mbang meblah thứ hạng 3-4 rah tabiak di 15h harei 1/9 anak tal di Olympic Việt Nam saong Dom tiểu vương quốc Ả-rập thống nhất UAE.

Khaw tin dunya

  # Lambaok rajaei Mỹ, Ngoại trưởng Mai Pom-pê-ô (Mike Pompeo) hu payua panuac tadhau yut tal bhap bini Việt Nam tuk harei Quốc khánh 02/09. Ong Pom-pê-ô tacei tabiak dom jak jeng di 2 negar mek hu dalam dom thun tapa saong brei thau cong khin di Hoa Kỳ lac jhul pakhang jalan pambuak bruk song Việt Nam dalam tuk vak anak tal. Ngoại trưởng Mai Pom-pê-ô brei thau, dalam thun ni ong mong mboh bruk patagok biak siam dalam jalan pambuak bruk di 2 negar jang yau bruk salih bahrau biak samar di Việt Nam. Ong ndom lac Việt Nam biak njauk pok meyaom lac sa negar khang kajap, sami samar song hu rilo ilamu biak gheih gam saong pambuak bruk praong dalam hong ayut sahabbah dalam khu vực

    # Pasak pacang caga saong pasang iek jit ruak châu Âu (ECDC) brei thau jit ruak kayua vi-rút Tây kraong Nin (Nile) daok tamuh khang di ralo taneh aia châu Âu tuk manuac urang njauk saong metai lahik tagok glaong. Kuhria tal harei 23/8, jit ruak nan tamuh khang di 6 negar dalam Liên minh châu Âu, lac I-ta-lia, Hy Lạp, Hung-ga-ry, Ru-ma-ni, Pháp saong C-rô-át-tia ngan haong 410 urang njauk ruak. I-ta-lia hu urang njauk ruak ralo abih lac 183 urang, patui di nan lac Hy Lạp 106 urang, Hung-ga-ry saong Ru-ma-ni hu 56 urang.

# Harei 30/8, sa trực thăng quân sự di Ethiopia laik trun di bhum Oromia tuk dok par di angaok jalan meng ban Dire Dawa tal căn cứ Bishoftu, gah đông nam ban ine Addis Ababa. Tong abih 18 urang di angaok sruh kapan haoh nan metai, dalam nan hu 2 uranaih. Dom urang gaok bala lac 15 urang lin song 3 rahra. Makna di bala dok hu dom urang jakar negar ni pasang iek./.