# Labaih 43 tỷ đồng lac pok jien kayua dom jaba, đơn vị, doanh nghiệp, dom kapul nyaom agama bangsa song menuac urang rik brei kadung jien “Kayua tasik palao palei negar – Kayua tuyến đầu Tổ quốc” di  Ủy ban Mặt trận negar ban raya HCM di danak dak doh tamia  nghệ thuật “Pamong tal palao tasik, palei negar” mbang ka  6 thun 2018, rah tabiak melam 2/8 di Nhà hát rayo papar binguk ban raya. Ni lac bruk ngak siam piah pabak pren khang iek glang pachreih ba urang jakar, urang lin tasik, urang lin Biên phòng, Kiểm ngư, Cảnh sát tasik, urang tong ikan song bhap bini dok di dom bhum tapen negar, palao tasik di taneh ia. 

# Dom harei tapa, kayua hajan praong dui atah di gah angaok halau pambuak bruk saong bruk patuh binek thủy điện Sepien Senamnoy, tỉnh Attapeu, (Lào) ngak ka ia xua akaok tabung tuh mai dom tỉnh bhum taneran kraong CL aval jang saong glaong jang duk saong dom thun dahlau. Di dom puk palei jaik tabhia negar Campuchia ye  Tịnh Biên, Tân Châu, An Phú (An Giang), Hồng Ngự (Đồng Tháp), bhum Đồng Tháp Mười (Long An) ia xua tagok jaik tal mbaik ar, rilo taneh pala drak lingiu ar pacang lihik abih. Min tui nan, bilan ia xua jeng lac bilan bo bhum palei ini hu rilo pandap panda dân dã, dalam nan hu ikan riel (cá linh), takuh hamu... meng livik mai hu jeng đặc sản bilan ia xua di bhum taneran kraong Cửu Long.

# Tui khau tin meng Sở pato megru Hòa Bình, tapa pasang iek bruk iek pakacah, chấm thi di mbang pakacah  THPT pakat negar thun 2018 duah mboh hu bruk bleih saleik  tuk  chấm thi trắc nghiệm. Urak ni gah chức năng dok pasang iek dom bruk bất thường ni di labik pakacah di Hòa Bình. Tui nan, mboh bruk oh njauk dalam tuk vak chấm thi trắc nghiệm song máy tính hu pandar piah chấm thi trắc nghiệm. Urak ni Tổ chấm thi trắc nghiệm hu 5 người dok hu gah chức năng daa tagok ngak bruk. 

# Cục thuế ban raya HCM barau tabiak bruk phạt, truy thu saong suai kak je 4 tỷ 100 triệu đồng jien ngan saong sa urang di ban raya HCM. Hu thau, ini lac sa urang likei ngak bruk vak danakdak mein tải tagok Facebook, Google, Youtube saong nduac quảng cáo angaok dom danakdak ini, hu bayan labaih 41 tỷ đồng dalam dua thun 2016 saong 2017 min oh kê khai saong ka je. Bruk ini hu duah mboh tuk Cục thuế ban raya pambuak bruk saong gilang pariak pasang iek dom jien meng Facebook, Google, Youtube… hu ba mai Việt Nam saong duah mboh rilo urang mek jien tame biak glaong meng dom công nghệ ini min oh ka kê khai thuế. Ini lac mbang akaok meti, sa urang mek jien tame meng taneh ia lingiu gaok truy thu jien je ngan saong paok jien praong yau nan. 

# Gam song yaom blei tame tagok, yaom salih jien USD tagok dalam tuk vak tapa ngak ka yaom  gas dalam negar  tui kuhria mboh dahlau lac meda tagok khang dalam dom harei anak tal. Tui nan, yaom dom angan gas yau Saigon Petro (SP), Gia Đình Gas, Petro VietNam... tui kuhria meda tagok meng  8.000 đồng- 10.000 đồng/ bình 12 kg. Tui yaom bahrau hu khan bloh, yaom gas tui kuhria tal tangin urang pandar  lac meng 356.000 - 366.000 đồng/ bình 12 kg. Yau nan, gam song mbang tagok yaom tui kuhria ni, meng akaok bilan 5-2018 mbiah tal ni, yaom gas dalam negar hu 5 mbang ramik veik song yaom tagok abih tih lac labaih  40.000 đồng/ bình 12 kg.

Khaw tin dunya 
# Tui bảng brei thau di takai Tháp Eiffel, công trình ini anak meta brei kareik bambang kayua dom nhân viên tabiak bruk đình công di harei 2-8 piah phản đối bruk tame bambang ravang iek ngak phiền toái ka tuai damuai. Dom nhân viên oh njauk hatai haong bruk lac meng bilan 7-2018 caik meteh dom vé tame bambang yaok harei ka tuai blei vé trực tuyến dahlau saong pilih ruah tukvak ravang iek di urang. Dahlau si ba tabiak bruk nan, tok hu 20% dom vé ravang iek tòa tháp glaong 324 m ini hu caik pablei dahlau angaok mạng.

# Báo in di dunya dok angaok jalan laik trun anak pren khang di công nghệ thông tin. Rilo blah mbao prong di Mỹ hu meng yaok rituh thun ni mai jeng daok dang anak bruk mbuan kreik pambah mbang atau cakak trun urang ngak tuk jien mek tame meng bruk pablei mbao song yaik khan dok trun khang. Min, Ấn Độ dok nao cagar veik jalan ngak di dunya dalam bruk trun urang mong iek  báo in, di Ấn Độ, báo in hu urang takre jang internet song dom gah truyền thông phát sóng.
 
# Sa urang jakar di gah Y tế dunya harei kabroi (02/8) brei thau, jit Ebola di gah pai Cộng hòa Dân chủ Công-gô meda pambak praong tabiak yaok pluh kilômét, ba tabiak bruk mbuan hu jit ka bhum kayua sruh jit barau biak jaik saong negar taneh ia tabhia Uganđa. Tui mintri Y tế Công gô, hu 4 urang dut iek mboh lac dương tính saong Ebola di libik tabhia Man-gi-na, sa ban sit oh atah di negar Uganđa, 100 kilomét. Jeng di libik ini, hu 20 urang karei metai kayua ruak pandiak tabiak darah oh ka cambaih makna. Sruh jit barau hu mboh tuk bo adit dahlau, Cônggo pacang hu sruh jit patuh meng bilan 4 di bhum tây bắc hadei di tuk ngak brei 33 urang metai. Mbang jit praong Ebola patuh tabiak di Tây Phi meng thun 2013 tal 2016 ngak ka labaih 11.300 urang metai./.