# Ngan song kadha “Gavang tangin ayut sahabah”, trại hè uranaih 3 negar Việt Nam - Lào - Campuchia pachreih hu 205 adei uranaih 3 negar song 41 urang jakar phụ trách – lac dom kreih camin hadah krah dalam bruk bac da-a song dom bruk ngak ka uranaih. Trại hè rah tabiak meng harei 31-7 tal harei  4-8 di ban raya HCM song dom bruk lac: am cuh gilau, pok bingu tagok Chủ tịch Hồ Chí Minh di Nhà Thiếu nhi ban raya; ravang iek Muinyim Hồ Chí Minh – dhar ban raya HCM, Labik inem krung sajarah Địa đạo Củ Chi; mong iek ban raya meng angaok glong; ndik radeih buýt di jalan krong song hu mbaok tame dom bruk taom gaok ndom nyai nao mai ka ilamu di dom negar song melam lửa trại. Trại hè thun ni hu mbaok di uranaih ban raya HCM song dom tỉnh hu jalan tapen negar song negar CPC yau Kon Tum, Bình Phước, Tây Ninh, Long An song Kiên Giang...

# Cục khik ramik Jru tavao – mintri Y tế barau hu harak brei padeih pablei jru oh njauk tiêu chuẩn chất lượng dalam ban raya HCM saong Cần Thơ. Tui nan, di ban raya HCM, jru asar khang Fenbrat 200 Miligram, ka tut angan VD-27136-17, số lô 0118, tukvak pandar tal harei  1/2/2021, kayua Công ty cổ phần dược phẩm saong sinh học y tế ngak tabiak njauk padeih pablei kayua oh njuak tiêu chuẩn chất lượng ka chỉ tiêu độ hòa tan. Daok di Cần Thơ, Cục khik ramik Jru tavao brei padeih pablei jru cốm ROVAGI 0,75 IU, ka tut angan VD-22798-15, số lô 051117, tukvak pandar 3/11/2020, kayua Công ty Cổ phần dược phẩm Agimexpharm ngak tabiak, kayua oh njauk tiêu chuẩn chất lượng ka chỉ tiêu định lượng. Cục khik ramik jru tavao pandar gah y tế puk palei drah samal mek veik dom jru ini, langyah dom libik ngak suan tui adat.

# Sở Quy hoạch-Kiến trúc ban raya HCM bahrau hu harak caong Ubbhap bini  ban raya HCM pasang iek, tong yaom piah ba Dinh Thượng Thơ (daok di labik 59-61 jalan Lý Tự Trọng, quận 1, ban raya HCM, urak ni lac labik ngak bruk di Sở Thông tin -Truyền thông tame angan dom labik hu roh duah khik ramik cảnh quan kiến trúc đô thị. Taphia nan, brei duah pataom tài liệu, tong yaom piah hu jalan khik ramik ngan song công trình ni. Langiu di nan, ban raya jeng hu panuac ieu Sở Quy hoạch-Kiến trúc  pambuak bruk song dom sở, dom gah karei pasang iek pataom mek  tài liệu thaot binguk, tong yaom, meng nan ba tabiak jalan khik ramik catang ngan saong công trình..

# Hadei di 4.000 tuk par siam mekre selamat saong rah tapa tukvak pasang iek catang tui quy chuẩn dunya, Lê Thị Bích Hồng, urang kumei ndih tapui thun 1985, barau jeng urang kumei cơ trưởng akaok meti di Hãng kapal ahaok Jetstar Pacific. Lê Thị Bích Hồng dahlai diah tui bac Ngữ văn Pháp di ĐH Khoa học Xã hội Nhân văn ban raya HCM, hadei di nan tapa Australia bac thạc sĩ Quan hệ quốc tế blaoh mai veik taneh ia thi tuyển saong hu ba nao bac ngak phi công di New Zealand. Harei 22/12/2013 Bích Hồng peih kapal haok thương mại saong urak ini jeng Cơ trưởng. Urak ini Jetstar Pacific hu 41 phi công urang Việt Nam daok par gam saong dom urang phi công taneh ia lingiu, di umo 33 thun, Bích Hồng lac cơ trưởng kimei ranaih umo abih di VN.

# Dom urang takre sajarah hu taom gaok veik khan ao di Patao VN tapa danak  Anh Hoàng di sa auyt ranaih umo 9X  lac Vũ Đức. Urak ni danka dak Anh Hoàng pachreih hu labaih 6.000 mbang tui iek di mạng xã hội tapa Facebook - Anh Hoàng. Brei thau ka hatai sahaneng piah ngak danak dak  Khan ao Patao VN (triều Nguyễn), Vũ Đức brei thau: “Hu biak rilo yaom glong di saman phong kiến bo điển hình lac triều Nguyễn dok njauk var klaak. Abih di nyu lac gah khan aow ngui cuk”.

Khaw tin dunya

# Gah Y tế dunya barau brei thau sa mbang jit Ebola barau patuh tabiak di gah Pai Cộng hòa Dân chủ Congo. Ini lac mbang ka 10, Congo njauk tabiak panuac lac hu jit Ebola kayua dom urang ruak tagok drah samal, ngak brei 33 urang metai saong tabiak truh bruk pasang iek di gah y tế. Hadei di tuk tabiak panuac lac hu jit ruak, gah Y tế dunya hu ba menuac urang saong ba pandap panda nao tal libik gaok kan kandah kayua jit ruak Ebola piah pacang, caga. Ủy ban khẩn cấp di Gah Y tế dunya hu taong yaom jit Ebola di Congo daok di tanut 3 –tanut cảnh báo glaong abih saong mbuannjom mbak tapa dom taneh ia jaik tabhia.

# Jabat điều phối dom bruk ngak pahla Liên hợp quốc brei thau lac halan hatain dong ka dom negar Đông Nam Á gaok kan kandah kayua njauk ia sua trak. Tui kuhria mboh, bilan hajan ia sua thun ni ngak ka 148 ribau urang di Mianmar njauk panduan ba nao labik karei dok. Di Campuchia, jeng hu labaih 4.700 boh sang gaok kan kandah di mbang ia sua, takik di abih 2 urang metai. Ia ndik glong di krong Mekong jeng mbuan ba tal bala. Dok di Lào, dom mbang hajan khang ngak jaleih đập thủy điện Xepien-Xenamnoi, ngak ka labaih  20 urang metai song labaih 100 urang lihik. Liên hợp quốc dok pambuak bruk catang song rajaei dom negar  piah dong. 

# Gah hàng không vũ trụ Mỹ - NASA barau ba tabiak thaot chụp sa thiên hà praong barau chụp hu meng vệ tinh. Thiên hà ini hu angan NGC 6744, hu ngak jeng meng dom baoh Patuk, hành tinh saong dhur lơ lửng, praong jang dua mbang dải ngân hà di kol drei saong daok ngak bruk. Tui panuac khan di NASA, ini lac sa thiên hà biak kheih mekre, vik tam dar hu pacang meng dom mbuk druh sambo màu màu hồng saong xanh dương hu thaik dreih yau dom gah tangin xoắn ốc saong hu điểm xuyến meng dom cụm patuk. Tui kuhria, abih 200 rabau thun ánh sáng piah nao abih thiên hà ini./.