# Rami ramik chip urang ngak bruk khik ramik uranaih  di pakat xã- Ni lac sa dalam dom jalan ngak hu Thủ tướng Nguyễn Xuân Phúc ndom tal di nyaom biai pakat negar ka bruk khik ramik uranaih mesup harei 6.8. Nyaom biai kayua Ủy ban pakat negar ka uranaih peih ngak tapak tal  675 điểm cầu di pakat huyện, xã, song hu mbaok di labaih 18.000 urang. Tui kuhria di mintri LĐ-TB-XH mboh lac, yaok thun di  VN hu labaih 2.000 uranaih njauk xâm hại dalam nan uranaih njauk xâm hại tình dục meblah labaih 60%.  Thủ tướng ndom lac: “Tong phaoh, xâm hại uranaih, abih di nyu nan lac xâm hại tình dục lac oh meda chấp nhận hu meng gah adat hukum tal đạo đức xã hội”.

# Dom harei tapa di dom tỉnh bhum taneran kraong Cuu Long harei halei jeng hajan, gam ia ndih meng gah angaok kraong tuh mai ngak ka ia kraong Tiền saong kraong Hậu tagok samar. Tui nan, ia kraong harei 6/8, di kraong Tiền pak Tân Châu lac 3, 25met; di kraong Hậu pak Châu Đốc lac 2,60 m. Anak bruk ia ndih daok rah tabiak khang, gah chức năng dom tỉnh bhum taneran kraong Cuu Long daok pataom prein yawa tame kuhria caga. Dom urang roh duah kakei lac, tui kuhria mboh dahlau ia ndih di bhum taneran kroang C.Long thun ini sumu atau glaong jang ia ndih pakat 2 lac oh praong; yau nan min njauk brei hu jalan pacang caga saong hajan ribuk, langik hajan hangin oh lagaih, piah takik khat lahik.

      # Việt Nam ba tabiak jalan ngak lac kim ngạch xuất khẩu di tong abih gah  thun  2018 mek hu 3,5 tal 3,7 tỉ đô la Mỹ, dang ka sa di dunya ka chế biến pablei tabiak negar langiu asar paoaok blait. Min tui Hiệp hội paaok blait Việt Nam, kayua yaom blei tame  paaok blait tagok khang, tui kuhria yaok tấn  labaih 2 ribau đô la Mỹ ngak ka doanh nghiệp oh khin blei tame, ba tal bruk rilo sang mac sản xuất, ngak paaok blait dalam negar dok ngak meteh dhi kayua kurang pandap. Piah gah paoak blait dalam negar tagok khang kajap song mek hu jalan ba tabiak ye gah paoak blait njauk mong iek veik, patrun bruk blei paoak blait tamo . Lingiu di nan, padang bhum pala paoak blait pataogk tani tanat.

# UB bhap bini Ban raya HCM birau tacei pato brei ngak chip, eiw Công an Ban raya brei pasang iek dom bruk pachot bleik saleik jien ảo đa cấp di Ban  dalm tukvak tapa, njauk ndem tal bruk pablei salih jien ảo đa cấp di Hợp tác xã Bầu trời công nghệ piah langyah catang dom bruk ngak suan adat hukum. Ub bhap bini Ban raya HCM lac, tui Gilang pariak karja, dom janih jien ảo oh njauk lac jien biak cai pandar hu saong jeng oh njauk lac pandap pablei salih tui hukum di Viet Nam. Yau nan ye, bruk buh jien tame ngak mbang, hu jien ảo, pablei salih, pandar dom janih jien ảo piah pabeli salih atau bayar ye mbuan gaok rilo kan kandah, khat lahik ka bhap bini, oh hu dalam hukum karja saong oh khik daong ka drei hu.

   # Tỉnh Trà Vinh bahrau brei kaoh klak  13 phun  dầu  dok rah tui jalan  roya 54 di ban sit  Châu Thành, huyện Châu Thành, anak bruk biak damen di bhap bini labik ni. Ni lac jalan phun hajao pacang halui song hacih saat  môi trường ka ban sit ni labaih 100 thun ni mai. Hu rilo phun binah hu gha praong labaih 1,3 m. Ong Đồng Bảo Nguyên, Chủ tịch Ubbhap bini  ban sit  Châu Thành brei thau, bruk kaoh klak phun  labaih  100 thun ni lac piah peih prong  jalan roya  54; lingiu di nan, kayua phun taha ni nyu prong thun mbuan si jaleih tame sang dok, abih di nyu nan lac dalam bilan hajan ribuk. Danak dak pala bahrau phun hajao dalam ban sit hu yaom  3,5 tỷ đồng. Tuk nan ban sit hu siam veik hajao mekre hacih saat jang.

  Khaw tin dunya:

# Jabat Khik iek Khẩn cấp Negar Mông Cổ khan lac: tal tuk vak ini, hajan ribuk ngak brei 63 urang metai, dalam nan hu 15 uranaih. Urak ini, hajan ribuk jeng daok rah tabiak, oh ka mboh padeih. Dom urang ngak praong hu brei panuac karei dahlau, ia di dom kraong praong tagok tal tabung glaong saong jak ba bhap bini daok jaik kraong brei pacang caga tui rilo jalan. Dom mbang hajan khang di Mông Cổ meng akok bilan7, ba tal ia sua ia dauk praong di rilo labik. Dalam tuk nan, tui kuhria dahlau, langik daok  hu dom mbang hajan khang tra tal kreh bian 8 ini.

  # Gah  Y tế dunya  (WHO) hu brei thau  sa jaaln ngak ka  U-gan-đa (Uganda) piah pacang caga jit Êbôla meng negar dok jiak tapen lac Công-gô njom mbak tapa negar ni tuk urang metai di  Công-gô tagok labaih 33 urang. Dahlau di nan, harei 2/8, urang dang akaok gah  Phản ứng chip di  WHO Pi-tơ Xa-la-ma (Peter Salama) jeng hu panuac lac , jit ruak  Êbôla di labik jalan tapen negar  Công-gô meda njom mbak tapa yaok pluh kilômét song  labik njauk sangka di abih lac tapen negar song  U-gan-đa.

#  2181 cảnh sát Philippin njauk brei padeih bruk dalam 2 thun tapa. Bruk nan hu gah cảnh sát pakat negar Philippin khan brei thau di mabng họp báo harei karoi 6/8. Tui urang brei panuac di Tổng thống Philippin, dom cảnh sát njauk brei padeih bruk nan daok dalam 6.400 cảnh sát ngak suan njauk kaok tui hukum meng tuk ông Rô- đi- gô Đu- téc- tê( Rodrigo Duterte) tagok ngak tổng thống di bilan 6 thun 2016 saong jhull pakhang bruk  ngak hacih gah cảnh sát. Dalam dom cảnh sát njauk brei padeih bruk nan hu labaih 1.800 urang ngak suan hukum trak saong jaik 400 urang pablei matuy suan hukum./.