# Biar harei 16/7, Phaok akaok negar Đặng Thị Ngọc Thịnh gam haong kapul urang jakar hu van ngak bruk haong Thường trực Tỉnh ủy saong UBND tỉnh Đăk Nông ka bruk ngak mbang kinh tế xã hội saong bruk dak padang Đảng, karja di tỉnh. Di van ngak bruk, Phaok akaok negar pandar tỉnh pataom tame ngak siam bruk cải cách hành chính, palaghaih ka dom doanh nghiệp, bhap bani peih prong bruk ngak mbang, pablei salih. Taphia di nan, tỉnh njauk patui ngak dom bruk ba tabiak, abih di nyu nan lac jalan ngak nong, pala glai, khik glai; patui veik pasang iek, quán triệt, peih ngak siam dom chỉ thị, nghị quyết di Trung ương. Phaok akaok negar Đặng Thị Ngọc Thịnh brei thau: “Ndom ka tình hình an ninh trật tự ye dahlak pandar dom đồng chí yaom lac ngak siam paje min juai chủ quan. Ndom ka bruk dak padang đảng, ye ini lac bruk njauk sangka, bruk ngak then chốt, kayua nan ye bruk nhắc nhở urang jakar đảng viên peih ngak 19 kadha đảng viên oh ngak, nghị quyết 04 saong bac megru ngak tui jalan diuk rai siam mekre chủ tịch Hồ Chí Minh, khaol drei mong ini yau bruk ngak thường xuyên ka yaok harei, yaok urang, hu jeng bruk ngak tự giác ka yaok urang đảng piah jeng urang naih gheih ba akaok nao dahlau”.

# Bruk cách mạng công nghiệp 4.0 dok tác động tal tong abih dom gah song dom bruk ngak karei di negar drei. Ni hu mong lac nền tảng ka bruk ba tabiak dom “sang mac thông minh” atau “sang máy số”. Min, tui pathau khan di dom  chuyên gia ye dom đột phá ka công nghệ ni pambak prong tal tuk vak salih cơ cấu ngak bruk urak ni. Tui pasang iek di Tổ chức Lao động dunya  (ILO) hu ba tabiak, dom đột phá ka công nghệ meda ngak ka labaih 80% urang ngak di Việt Nam mbuan lahik bruk ngak glong, hu ndom tal lac dom bruk ngak karei yau: sản xuất song  lắp ráp ô tô; điện song điện tử; jik song klik tagaok; pablei salih pah langiu song blei rai ….

# Hadei di thau tin hu 02 urang taong ikan njauk bala di labik pulao Thuyền Chài angaok pulao kaoh Trường Sa, page mesup 16/7, yaom lac langik tasik oh siam, Cục daong duah urang njauk bala, Mentri Quốc phòng hu brei trực thăng cứu hộ gam haong dom urang bác sĩ sang iek ruak Quân Y 175 di bal raya Hồ Chí Minh taom gaok haong urang njauk bala samar drah. Dua urang njauk bala nan lac Phạm Thanh Bằng (SN 1997) saong Lê Văn Tĩnh (SN 1990). Tuk dom urang taong ikan ini daok taong mek ikan jaik di pulao Thuyền Chài, trên tàu cá Bình Thuận, sa cần cẩu jaoh kateik tagok dua urang nan, ngak chấn thương biak trak. Đại tá bác sĩ Trịnh Văn Thảo - Akaok khoa Bụng, Sang iek ruak Quân y 175, brei thau, anak meta, dom bác sỹ dak padang dom jalan truyền darah, pabak dịch, truyền kháng sinh ka urang ruak. Taphia di nan caik nội khí quản ka urang ruak thở máy.

# Cục Cảnh sát pasang iek tội phạm ka ma túy (C47) mintri Công an bahrau pambuak bruk song dom đơn vị nghiệp vụ di ban raya Hồ Chí Minh tong chap sa labik sản xuất suan hukum ma túy prong. Ni lac sa labik kayua Didonna Quốc Anh Phillip (ndih tapui thun 1992, quốc tịch Pháp) pal akaok. Đường dây ni hu trinh sát mintri Công an tui iek meng lavik ye. Yau nan ye, meng di tuk urang nan song Vũ An (ndih tapui thun 1990) pablei salih 1 kg ma túy bahrau sản xuất bloh di sa  chung cư di Quận 8 njauk trinh sát pagui chap mek. Tuk vak mesruh peih bruk pasang iek di labik, gah chức năng pataom hu  85 ribau asar ma túy song dom tang vật pandar piah sản xuất ma túy. Tui jabat pasang iek, băng nyaom ni pah sang chung cư di Quận 8 piah duah thau công thức song sản xuất yaok ribau asar ma túy tổng hợp meng tapung patau, tui kuhria labaih 20 ribau asar/sa melam.

# Jabat Cảnh sát điều tra Mentri Công an bahrau tabiak quyết định truy nã ngan haong urang angan Vũ Hoàng Oanh (ndih tapui 1957, palei daok di Hải Phòng) sa urang hu mbaok meta piah pasang iek ka bruk pablei salih suan adat hukum chất ma túy. Đại tá Lê Thanh Liêm, Phaok Cục trưởng Cục Cảnh sát điều tra tội phạm gah ma túy (C47) – Mentri Công an brei thau: Vũ Hoàng Oanh nan lac urang pal akaok jalan talei pablei salih ma túy xuyên negar. Tapa bruk pasang iek điều tra brei mboh, Oanh gam haong dom urang karei ba ma túy meng Campuchia nao tapa biên giới Tây Nam (Long An) piah ba tame bal raya Hồ Chí Minh. Oanh nan lac sa urang kamei giang hồ daneiy angan daok iew lac Oanh “Hà”  kayua giat nan lac sa-ai hatian di Dung Hà, sa urang kamei trùm xã hội đen daneiy angan jaman Năm Cam. Hadei di sa tukvak padam trun Oanh meng gah Barak nao tame gah Meraong blaoh nao tapa labik biên giới di Việt Nam -  Campuchia peih sòng bạc saong gam haong đàn em, yau: lac Trần Văn Cường (daok di Hải Phòng) saong Vũ Quang Trung (Quận 10, TPHCM) pal akaok jalan talei pablei salih ma túy, bảo kê, brei mesre trak jien jhung...  Biar harei 16/7 Oanh chính thức njauk cảnh sát dunya interpol truy nã. 

Patui di ini khaw tin dunya 

# Dung nham pandiak sre meng ceik pui Ki-lao-ia (Kilauea) pruh tabiak harei kabroi (16/7) njauk rambuac takik di abih 22 urang di angaok sa kapan du lịch dok peih di langiu Đảo Lớn di  Ha-oai (Hawaii). Dom urang njauk rambuac samar hu ba tal sang iek ruak jiak di abih piah iek ruak. Ceik pui. Ki-lao-ia, glong 1246 mét, lac sa dalam dom ceik apui rah tabiak khang abih di dunya, song lac sa dalam dom 5 ceik di angaok Đảo Lớn di Ha-oai. Ceik pui ni dok pruh khang meng di bilan 5, ngak ka yaok ribau urang nao tabiak truh  dom boh sang di angaok ceik.

# Thủ tướng Nhật Bản Sin-dô A-bê (Shinzo Abe) bahrau brei thau raja-ei negar ini meda doang brei jien padai ka dom khu vực di gah Pai Nhật Bản njauk ảnh hưởng trak meng dom mbang hajan prong dalam dom harei tapa. Urang pal akaok Nhật Bản hu brei thau ka pok dom jalan ngak daong brei jien padai akaok meti di mbang nyaom di lực lượng đặc nhiệm samar drah di rajaei rah tabiak harei kabroi 16/7. Pok jalan ngak ini hu gam bruk daong brei dom khoản mesre oh mek jien jhung ka urang nong saong urang taong ikan njauk pambak meng bala langik tasik dalam 5 thun. Nyu jeng hu gam bruk peih prong lệnh hoãn bayar sre ka dom doanh nghiệp sit jang./.