# Harei 17/7, akaok Quốc hội Nguyễn Thị Kim Ngân hu nao rivang saong alin hadaih pandap ka thương bệnh binh, gauk gar liệt sỹ, baoh sang hu kong dalam tỉnh Hà Nam tukvak pahadar 71 thun Harei Thương binh-Liệt sỹ. Ndom biai haong dom thương binh, gauk gar urang hu kong, Akaok Quốc hội brei thau, tukvak anak tal Quốc hội saong raja-ei meda pataom tame ngak salah dom sarak ưu đãi brei ka urang hu kong piah khik caga rai diuk urang hu kong dak harei dak siam jang.

    # Gilang pariak Standard Chartered bahrau ba tabiak bruk kuhria mboh dahlau lac kinh tế Việt Nam meda  tagok khang di tanut 7% dalam thun  2018, tagok dut song 6,8% di  Standard Chartered ba tabiak dahlau di nan. Taphia di nan, tanut tagok ni mek hu kayua bruk tagok di tong abih dom pren khang dalam negar, abih di nyu nan lac padang ngak song sản xuất tui kuhria lac 2 bruk ngak hu tanut tagok glong di abih dalam thun ni.

# Page harei 17/7, Cục Y tế dự phòng, Mentri Y tế peih Nyaom biai peih ngak dự án patagok bruk khik iek tagok huyết áp, ma-ik saradang di balai y tế xã saong truyền thông patrun mbang sara. TS Trương Đình Bắc, Phaok akaok Cục Y tế dự phòng brei thau, tui kuhria Việt Nam hu 12 triệu urang tagok huyết áp, min bahrau duah mboh hu 43% saong tok 14% hu mong iek điều trị, daok 56,9% oh duah mboh hu. Ngan haong ma-ik saradang, Việt Nam hu labaih 3 triệu urang njauk, bahrau duah mboh hu 31% saong khik iek điều trị jaik 29%. Daok veik 68,9% oh ka duah mboh, nan jeng brei thau oh hu kiểm soát, điều trị. Sa dalam dom makna ba tal bruk nan kayua kurang dom dịch vụ dự phòng, duah mboh, khik iek ruak oh brei ka nyu pambak di tuyến xã.

    # Meng harei 19 tal harei 26/7, thí sinh dalam negar hu salih hatai khin tut angan tame palih ruah Đại học, Cao đẳng 2018 meng jalan trực tuyến. Dom chuyên gia pato pakai hu panuac kakei lac, kayua dok sa jalan puac di abih piah salih hatai khin, nan ye dom thí sinh sahaneng ka cambaih dahlau di tuk ba tabiak bruk pasalih piah ngak habar ka nyu lagaih. Tui muk Nguyễn Thị Kim Phụng, Vụ trưởng Vụ pato megru Đại học, Mintri pato megru, mboh  lac điểm trúng tuyển thun ni  di dom sang bac top nan dok glong , kayua yau nan ye, piah tut angan tame sa sang bac njauk hatai khin di  thí sinh njauk sangka tương quan điểm di dom sang bac.

# Hội đồng tuyển sinh Đại học Huế bahrau brei thau điểm sàn xét tuyển đại học hệ chính quy thun 2018 tame dom ngành đào tạo dalam Đại học Huế. Tui nan, thun ini, 11 sang bac đại học, Khoa saong phân hiệu dalam Đại học Huế tuyển sinh labaih 12 ribau chỉ tiêu iek tui kết quả mbang pakacah THPT Negar 2018. Tapa pataom iek, tanut điểm sàn đầu vào biar abih  di Đại học Huế nan lac 13 điểm, glaong abih lac 20 điểm. 

        Patui di ni dom khau tin dunya:

       # Pandar nding pruh ia piah pruh bein phun kayau, rao radeih, salih ia danao caluai ia, oh brei ngak di bhum Tây Bắc negar Anh meng harei 5 bilan 8 anak tal Công ty pabak ia prong di  Anh (United Utilities) hu tabiak adat oh brei ngak ni piah caga langik pandiak bhang, pandiak dui atah dok rah tabiak di labik ni. Ni lac mbang pandiak dui atah lavik di abih dalam labaih 40 thun tapa di negar Anh.

# Sa urang dalam Ủy ban bầu cử Negar Campuchia (NEC) bahrau brei thau jaik 70.000 nhân viên an ninh meda hu mbaok di taong abih 22.967 labik buh phiếu dalam mbang palih ruah urang ka Quốc hội anak tal. Dalam mbang palih ruah urang ka Quốc hội khóa 6 tui kuhria rah tabiak harei 29/7 tới, cử tri Campuchia meda buh phiếu palih ruah 125 nghị sĩ. NEC hu khan brei thau 20 đảng chính trị hu mbaok tame dalam mbang palih ruah ini, ngan haong jaik 8,38 triệu cử tri. Bruk jak bak tranh cử Quốc hội mbang ini rah tabiak dalam 20 harei, meng harei 7 - 27/7.

       # Dom urang pal akaok  Nhật Bản song Liên minh châu Âu (EU) harei 17/7 hu taom gaok gauk song mbaoh tangin tame sa  thỏa thuận tự do pablei salih piah tagok bruk pablei salih di 2 gah dalam tuk vak dok catang tagok bruk pablei salih dunya. Bruk mbaoh tangin tame harak rah tabiak DI Văn phòng Thủ tướng Nhật Bản di ban ine Tokyo, hu mbaok Thủ tướng Shinzo Abe, Akaok Ủy ban châu Âu (EC) Jean-Claude Juncker song akaok Hội đồng châu Âu Donald Tusk. Tui dom asar kadha dalam thỏa thuận, Nhật Bản klaak kak je  ngan song 94% janih pandap blei meng EU, dalam nan hu 82% dom pandap  ngak nong, ngak ikan. Bruk ni dong ka pho-mát, alak vang song rilaow pabui  di EU hu yaom lap jang di darak pasa Nhật Bản.

# Urang jakar ngak praong gah hải quân Hàn Quốc brei thau, sa sruh kapar haok trực thăng di gah hải quân laik di sa căn cứ quân sự pak bal Pohang di Đông Nam Hàn Quốc harei 17/7, ngak brei 5 dalam 6 urang angaok kapal haok nan metau, urang daok veik njauk rambuis./.