# Harei 18/7, di Phủ Chủ tịch, akaok negar Trần Đại Quang raok Thượng tướng Xẻng-nuôn Xay-nha-lạt, Bí thư T.Ư Đảng, phaok akaok Quốc hội negar CHDCND Lào daok rivang Việt Nam. Dalam van raok, akaok negar Trần Đại Quang caong dua gah pataom tame patagok bruk pasang iek saong palagheih ka dom dự án pambuak bruk đầu tư di dua negar, brei ka bruk cak rok patagok kinh tế - xã hội di yaom negar. Việt Nam saong Lào njauk pachrei dom salih bahrau, pabak dom cơ chế, sarak saong adat hukum piah jhul pakhang bruk pambuak gauk pablei salih, đầu tư; pambuak gauk peih ngak samar, hiệu quả Bản kanar hadar ka công trình Sang Quốc hội Lào, grap tanat chất lượng saong tukvak ngak di dự án.

  # Brei panuac di mbang nyaom đinh kỳ Hội đồng Tư vấn sarak jien padai pakat negar, harei kabroi (18/7), Thủ tướng Nguyễn Xuân Phúc brei thau, 2 thun tapa, kinh tế tagok siam, dalam nan 6 bilan akaok thun ni, tagok di tanut glong di abih  dalam 7 thun tapa. Min, hu rilo bruk njauk ba tabiak, jiak di ni, hu dom bruk dok tavak tavaiy ba tal rilo duh hatai. Njauk lac, panuac di dom chuyên gia độc lập ka dom bruk caik tabiak meng sarak jien padai lac jalan khau tin piah rajaei langyah njauk tuk vak jang dom bruk dok rah tabiak.

# Akaok mentri pato megru Phùng Xuân Nhạ hu tabiak dua Quyết định padang Tổ ngak bruk di Ban tacei pato pakacah THPT negar  2018 piah pasang iek duah thau ka bruk bất thường di kết quả thi pak Hội đồng pakacah Sở Pato megru Sơn La saong Sở Pato megru Lạng Sơn. Dahlau di nan, tuk Mentri pato megru brei thau ka điểm pakacah, tui bảng thống kê dalam top 15 thí sinh hu điểm glaong abih mbang pakacah THPT negar thun ini, hu 2 thí sinh di Sơn La. Abih di nyu lac điểm brei thau di 2 thí sinh ini jeng njauk atah dut haong điểm pakacah iek dahlau nan rah tabiak di sang bac. Dom chuyên gia jeng langyah kết quả điểm pakacah di thí sinh tỉnh Sơn La saong duah mboh kết quả oh njauk di dua môn toán saong vật lý.

# Ribuk ka12 puac thun 2017, ngak khat lihik trak ka tỉnh Khánh Hòa. Urak ni dok jiak 3 ribau boh sang rong pala kaya ikan di vịnh Vân Phong, huyện Vạn Ninh oh ka hu dong, kayua oh ginup tanut tui sarak di rajaei ka bruk dong gah ngak nong piah pasiam veik bruk ngak mbang pala drak ka bhum taneh khat lihik kayua bala, jit ruak. Dom boh sang ni hu pathau tagok, rilo mbang pataom rilo menuac, caong tỉnh Khánh Hòa pasang iek dong ba. Thường trực Tỉnh ủy Khánh Hòa hu tacei ka Uỷ ban bhap bini  tỉnh pok panuac tagok Thường trực Hội đồng bhap bini tỉnh pasang iek dong ba mik va. Tui nqan, tỉnh Khánh Hòa dong ka bhap bini 7 triệu đồng/ sang. Bruk dong ni hu langyah samar, phun jien mai meng dom kapul nyaom, menuac urang rik dong, dong ka urang di bhum ia sua song sa binah pok jien meng kadung jien karja palei pala.

# Việt Nam hu labaih 3 triệu urang njauk ruak ma-ik saradang, min tok bahrau duah mboh hu 31% saong khik iek điều trị jaik 29%. Dom jalan ba tal ruak ini hu pakao hala, menyum alak bia, mbang takik njam, mbang ralo sara jeng yau takik ma-in thể thao. Njauk caik hatai, mức độ pandar sa-ar nan lac yếu tố quan prong ba tal ruak oh pambak ini. Di Việt Nam, mức độ pandar sa-ra glaong jang 2 mbang dut haong panuac kakei di WHO.

# Anak kan kandah di jit ruak sởi – rubella, dalam 2 bilan 7 song bilan 8, tỉnh Lào Cai peih bruk klauk jru pacang caga ka labaih 145 ribau uranaih  meng 1 tal 10 thun.  Abih tih yaom jien ka bruk ni lac labaih 4 tỷ đồng.

Khaw tin dunya: 

         # Biar harei 18/7, taong abih 12 urang dalam kapul ,caoh mbanh uraniah Thái Lan gam haong huấn luyện viên tabiak sang iek ruak saong hu van họp báo akaok meti. Dom adei hu brei nao sang dalam melam nan hadei di sa adit daok tui iek saong điều trị dalam sang iek ruak. Dalam van họp báo, akaok sang iek ruak labik dom adei daok điều trị brei thau, xét nghiệm darah di dom adei hu brei kết quả siam saong dom adei hu tagok 3 kilo dalam tukvak hu mong iek. Daok tui bác sỹ khám ka dom adei, taong abih 12 urang dalam đội bóng njauk khik hu tinh thần siam kuhria meng tuk daok dalam hang.

8 # Sa roh duah ilamu hu peih ngak di Hàn Quốc song  Hy Lạp brei thau dom urang kamei ndih tapui meng 5 anek tagok, mbuan si ruak An-dây-mơ (Alzheimer) – ruak patrun glaow akaok di urang prong thun, glong jang tal 70% dut song dom urang kamei ndih tapui takik anek jang. Njauk di nyu dom urang kamei ndik tapui meng 5 anek tagok bo oh njauk  ruak patrun glaow akaok, ye bruk nhận thức di urang nan beir jang dut song dom urang kamei ndih tapui takik anek. Roh duah hu peih ngak abih tih labaih  3.500 urang kamei dok di Hàn Quốc song  Hy Lạp di umo labaih 60 thun song tui kuhria lac 71 thun. Abih di nyu nan lac, bruk roh duah mboh lac dom urang kamei hu tapa sa mbang atau 2 mbang metain oh ginup mbuan si ruak An-dây-mơ beir jang dom urang kamei oh ha mbang lei metain. Ni lac kết quả biak bất ngờ, karei jang song hatai khin camereip di dom urang roh duah .

         # Sa siam lagaih ka bruk iek ruak An-dây-mơ, di Trung Quốc, sa nyaom roh duah dalam sang bac Đại học Đại dương, Viện Nguyên liệu Y tế Thượng Hải dalam Viện hàn lâm Khoa học saong Công ty Dược “Thung lũng Xanh” Trung Quốc bahrau brei thau lac patagok hu sa janih jru iek ruak An-dây-mơ (Alzheimer) – ruak suy giảm trí nhớ umo taha, hadei di 21 thun roh duah. Janih jru ini hu angan lac GV-971. Dalam bruk ngak iek, dom urang hu mbaok hu menyum 450 mg GV-971 dua mbang yaok harei dalam 36 adit. Bruk ngak iek ini hu brei mboh baoh jeng siam mekre dalam cải thiện glo akaok saneng. Jru ini hu ngak tabiak meng tảo nâu, piah điều trị dom urang njauk ruak di vaktu njauk ruak An-dây-mơ meng njuan tal mbiah./.

Thúy Linh/VOV-TPHCM