# Page ini (20/7), kapul urang ngak bruk di Mentri GD&ĐT hu tamat blaoh van ngak bruk akaok meti ka nghi vấn điểm thi biak glaong di ralo thí sinh pak Lạng Sơn. Tỉnh Lạng Sơn njauk nghi vấn tuk 35 thí sinh tự do thi gam sa labik sang bac di bal hu điểm dom môn Ngữ văn, Lịch sử, Địa lý glaong ralo. Đề thi Lịch sử saong Ngữ văn hu taong yaom lac kan, điểm thi di ralo thí sinh biar, min taong abih điểm di nyaom ini daok dalam tanut meng 24-27 điểm. Ong Sái Công Hồng Phaok Cục trưởng Cục Quản lý Chất lượng - Bộ GD&ĐT, akaok kapul ngak bruk brei thau, meda kham merat piah samar hu thông tin ka  bruk peih ngak saong pakacah, chấm thi di Lạng Sơn.

# Harei kabroi (19/7), lambaok mintri Ngoại giao hu jao ka Đại sứ Nhật Bản di Việt Nam pok jien dong di rajaei Việt Nam yaom 100.000 USD dong ka bhap bini Nhật Bản pasiam veik khat lahik hadei di mbang hajan ribuk rah tabiak di Nhật Bản meng bloh. Đại sứ Nhật Bản hu panuac dar phol hatung hatian saong bruk pachreih daong di rajari song bhap bini Việt Nam brei ka rajaei  song bhap bini Nhật Bản.

# Ralo thun tapa, 71 baoh sang di palei Thọ Vức, xã Hoà Kiến, thành phố Tuy Hoà, tỉnh Phú Yên daok dalam ô nhiễm kayua mblang hareik Thọ Vức ba mai. Mblang hareik Thọ Vức prong 8 hecta hu padang ngak atah di ini 11 thun. Ini lac mblang hareik gam lac labik xả chất thải hầm cầu min peih ngak tui công nghệ xử lý thô, nan ye hadei di tuk ba tame pandar ngak jeng ô nhiễm trak. Jaik abih dom baoh bingun aia di bhap bani palei Mỹ saong palei Chùa dalam thôn Thọ Vức njauk ô nhiễm, ngak ka bhap bani duh hatai. Ong Võ Ngọc Kha, akaok UBND thành phố Tuy Hòa, tỉnh Phú Yên brei thau: UBND thành phố Tuy Hòa hu ngak salah blaoh labik daok bahrau prong labaih 3,1 hecta di palei Thượng Phú (xã An Phú) atah labik daok di dom baoh sang jaik sa mbaik cây số ngan haong phun jien labaih 14 tỷ đồng. Jalan ngak di bal sit nan lac dalam bilan 7 saong bilan 8 peih bruk kuhria yaom jien đền bù saong dalam bilan 9 meda peih bruk panuan ba 71 baoh sang di labik ini nao daik di labik bahrau.

# Tui kuhria mboh di gah y tế dunya, dalam yaok 1.000 anek kama ye hu 1,5 tal 3 uranaih tangaoh meng tian maik. Dom uranaih mbuan si tangaoh lac ndih tapui kurang bilan, anek kamar ndih tapui tabiak teik trak ala 2,5kg, anek kamar metian livik harei jang… Dok tui kuhia mboh di dom sang iek ruak  phụ sản di Việt Nam jeng brei thau, hu meng 25 tal 50 uranaih dalam nyaom mbuan si tangaoh ye hu sa 1 anek kamar tangoh. Meyah oh hu  can thiệp y học samar, anek kamar tangaoh, kamlo tal luac rai. 

# Sa urang likei umo 52 thun palei daok di bal Cần Thơ njauk jaleih radaih tuk langik hajan, mbaok glam trun jalan ngak ka hốc meta pataom ralo mbaok gai, nhiễm trùng trak. Dom bác sĩ Sang iek ruak Chợ Rẫy, TPHCM hu blac riah ka urang ruak ini dahlau di tuk njauk viêm tắc, mbuan ba tal metai lahik. Hadei di ka blac raih, meta iuw di urang ruak phục hồi siam, oh daok mboh dấu hiệu nhiễm trùng, bruk tuh taneh oh daok saong thị lực oh njauk ảnh hưởng. Bác sĩ Hoàng Bá Dũng, Akaok Khoa Tai Mũi Họng, Sang iek ruak Chợ Rẫy brei thau: Kasa nan lac dị vật nan nyu daok dalam baoh meta, klauk di meng gah ngaok puk meta, dị vật ndih di gah hadei nhãn cầu, daok meta ye hu mong iek bình thường. Piah mek hu dị vật bo khik siam hu thị lực di urang ruak nan biak kan.

Khaw tin dunya:

# Urang dang akaok gah tình báo negar  Mỹ Đan Cốt (Dan Coats) harei  (19/7) brei thau, gah  kỹ thuật ye Cộng hòa Dân chủ bhap bini Triều Tiên meda klaak danak dak vũ khí hạt nhân di drei dalam 1 thun, song bruk ni anak meta meda lac oh rah tabiak. Brei panuac di Diễn đàn An Ninh A-xpen ở Cô-lô-ra-đô (Colorado) tuk hu tangi sua ka panuac khan bahrau ni di Cố vấn an ninh negar Mỹ Giôn Bôn-tơn (John Bolton) lac Triều Tiên meda phi hạt nhân hóa dalam sa thun, ong Đan Cốt ndom lac, gah  kỹ thuật ye meda hu, min nyu oh rah tabiak.

      # Nhật Bản bahrau pok sap iew dom negar thành viên di Hiệp định Đối tác Xuyên Thái Bình Dương (TPP), urak ini salih angan lac Hiệp định đối tác taong abih gah saong tiến bộ xuyên Thái Bình Dương (CPTPP), patagok dom kham merat piah ba hiệp định nao tame hiệu lực dalam thun 2019. Panuac ieu nan hu ba tabiak tuk akaok kapul ginum biai di 11 negar hu nyaom biai 2 harei di Ka-cô-nê (Hakone) gah Tây Tôkiô (Nhật Bản). meng bilan 3, dom negar thành viên njauk hatai ramik veik văn kiện, hadei di tuk Mỹ tabiak truh Hiệp định. Tal ini, Mêhicô saong Nhật Bản hu ngak salah blaoh dom harak ba-ar dalam negar piah mboh tangin tame Hiệp định. CPTPP meda hu peih ngak meyah hu bruk phê chuẩn di takik abih 6 dalam số 11 negar thành viên.

      # Ê-ti-ô-pi-a bahrau bổ nhiệm đại sứ camereip di Ê-ri-tơ-ri-a dalam 20 thun tapa, jalan ngak bahrau di abih ka bruk 2 negar tapen gauk di bhum  châu Phi pasiam veik talei pambuak bruk hadei di mbang mesruh metak bak darah Tui  Hãng thông tấn châu Phi FANA, ong Rét-oan Hu-si-en (Redwan Hussien), urang dahlau deih ngak đại sứ E-ti-ô-pi-a tại Ai- len, meda ngak  Đại sứ của Ê-ti-ô-pi-a di  A-sma-ra (Êritơria). Adit dahlau, dom urang pal akaok E-ti-ô-pi-a và E-ri-tơ-ri-a hu mbaoh tangin tame "Tuyên bố chung ka bruk sron mbon song hữu nghị”, peih tabiak jalan pasiam veik talei rohim di 2 gah ./.