# Tui pambuak bruk di Ubbhap bini tỉnh Ninh Thuận song Viện Hàn lâm Khoa học song Công nghệ Việt Nam bahrau hu mbaoh tangin, Viện Hàn lâm Khoa học song Công nghệ Việt Nam hu dong ka tỉnh Ninh Thuận jhul khang bruk peih ngak, ba pandar dom ilamu khoa học song công nghệ tame patagok kinh tế - xã hội di tỉnh tuk vak thun 2018-2022. Bruk mbaoh tangin pambuak bruk song Viện Hàn lâm Khoa học song Công nghệ Việt Nam peih tabiak jalan ngak bahrau ka tỉnh Ninh Thuận dalam bruk ba pandar dom ilamu khoa học công nghệ tame sản xuất piah peih ngak hu siam lagaih di palei pala dong jhul patagok kinh tế - xã hội khang kajap gam song bruk khik iek môi trường sinh thái.  

# Anak bruk lam ia nerak suan hukum di Công ty TNHH Chin Well Fasteners Việt Nam, barau ini akaok uy mban bhapbini tỉnh Đồng Nai barau mbaoh tangin tame harak taong phạt vi phạm hành chính paok jien 9,7 tỷ đồng; Tabhia nan pandar Công ty Chin Well Việt Nam ramik pasiam veik. Urak ini kapul ngak bruk dom gah tỉnh Đồng Nai daok pasang iek bruk ramik pasiam dom kanjah jhak meng bruk lam ia nerak suan hukum di Công ty Chin Well. Dahlau nan, bilan 7/2016, Công an Đồng Nai pambuak bruk saong Sở Tài nguyên haong alam Môi trường hu duah mboh Công ty ini lam ia nerak tacuak oh ka tapa xử lý di 4 libik ngan saong jaik 1.600 tấn. Tapa dut iek brei mboh, mẫu haluk vil taom dar libik duah mboh lam ia nerak gaok njaom hóa chất. 

  # Mesup harei 3/8, ong Nguyễn Ngọc Ẩn daok di phường Mũi Né ban  Phan Thiết, tỉnh Bình Thuận hu nao tal Bà Rịa-Vũng Tàu piah jao brei 376 pandap klaak hu meng 500 – 700 thun dahlau Công nguyên ka Muinyim tỉnh piah khik ramik, parang iek duh ka bhap bini. Bộ sưu tập pandpa klaak kayua ong Nguyễn Ngọc Ẩn roh duah, hu rilo janih hu chất liệu karei di gauk yau pandap piah ngak mbang, pala drak lac: kapac patau, mũi tên, patau thah to thongi; pandap sinh hoạt: bình, panyim, jam; pandap trang sức yau kon takuai, kon tangin, parik, karah….Rilo pandap hu meng 500-700 thun dahlau Công nguyên song dalam ilamu: Sa Huỳnh, Đông Sơn, Óc Eo; atau  meng  abap ka X tal akaok abap XX song dom pandap klak di dom saman Lý, Trần, Lê, Mạc, Chămpa song Nguyễn di  Việt Nam. Dalam bộ sưu tập jao brei dok hu dom pandap meng saman Hán, Minh song Khang Hy (Trung Quốc). Urak ni, urang roh duah Nguyễn Ngọc Ẩn hu 18 mbang jao brei labaih 5.500 pandap ka dom tỉnh, ban dalam negar.

    # Dalam tuk pahadar 30 thun harei metai lihik di tác giả angan je Lưu Quang Vũ (1988-2018), piah thau dhar phor sa urang naih gheih hu angan je praong di kịch nghệ Việt Nam, Nhà hát Tuổi trẻ peih harei pataom dom tác phẩm Lưu Quang Vũ” di Hà Nội dalam dom melam thanecar meng harei ini 4/8 tal harei 1/9. Nhà hát Tuổi trẻ meda payua tal bhapbini takre sân khấu, takre kịch di Lưu Quang Vũ dom vở diễn: “Lời nói dối cuối cùng”, “bingu cúc hijao dalam đầm lầy”, “thei lac thủ phạm?”, “Lời thề ka 9”. Ini lac sa danak dak ba mai rilo cảm xúc kheih, ia meta, sap klao gam dom drut drui ka dom urang takre sân khấu, takre kịch Lưu Quang Vũ.

# 400 vận động viên  mai meng 19 tỉnh, ban dalam negar hu mbaok tame  Giải caluai ia  anek saih thanh thiếu niên song nhi đồng pakat negar “Jalan pakacah hajao” 2018 di kalup kapul caluai ia  2/9 (Đà Nẵng). Giải caluai ia “Jalan pakacah hajao” dok dalam danak dak caluia ia siam mekre pacang caga palung ia uranaih 2018 kayua Tổng cục Thể dục Thể thao, Mintri ilamu Thể thao song Du lịch pambuak bruk song mintri pato megru, Trung ương Đoàn dam dara Cộng sản Hồ Chí Minh peih ngak, hu mbaok di Nestlé MILO, Giải hu peih tabiak ka anek saih 3 pakat tiểu học;trung học cơ sở; trung học phổ thông. Harei ni, 04.08, giải thưởng hu jao ka menuac urang song tong abih kapul naih gheih. 

Khaw tin dunya

# Nyaom biai akaok mintri Ngoại giao ASEAN mbang yaka 51 hu peih tabiak di pasak nyaom biai parang iek Expo-Singapore, ngan saong bruk hu mbaok di dom akaok mintri Ngoại giao mai meng 10 taneh ia dalam Asean. Sa dalam dom asal kadha praong hu ba tabiak di nyaom biai mbang ini lac paglaong bruk jum pataom, khik kajap libik dang kreh di ASEAN di bhum saong di talei pambuak bruk haong dom đối tác, dalam nan hu bruk soạn thảo bộ Quy tắc ứng xử di Biển Đông di ASEAN saong Trung Quốc. Dom bruk rah tabiak jaik ini di Biển Đông hu pachreih bruk sangka di menuac sia, tabhia nan ngak ka bhapbini dunya biak duh hatai.

# Mintri pajeng ba song Hạ tầng Saudi Arabia brei thau lac taduan hu labaih 120.000 harak likau bằng lái xe bahrau meng urang kamei di negar ni meng di tuk hu adat klaak pakauk urang kamei peih radeih hu ba tabiak di bilan 9/2017. Urak ni Careem – sa  ứng dụng taxi công nghệ glong, đối thủ prong abih di Uber di Trung Đông – dok pamong tal bruk salih bahrau sa  dalam dom  xã hội bảo thủ  abih di dunya  meng bruk palih ruah urang kamei  Saudi Arabiapeih radeih ka hãng.

# Gah Y tế dunya barau brei thau, Công-gô daok dang anak jit ruak rah tabiak khang: hu dua pluh urang metai kayua ruak pandiak tabiak darah di libik rilo bhapbini Ma-gi-na (Mangina) tukvak tapa. 4 urang mboh lac njaom virus Êbôla, dalam nan hu 2 urang jakar y tế. Bruk kan kandah lac gah y tế taneh ia ini oh ka thau hu chủng loại Êbôla bo dom urang ruak barau gaok. Gah Y tế dunya jeng hu panuac lac jit ruak mbuan pambak praong di Cộng hòa dân chủ Công-gô saong dom taneh ia jaik tabhia. Min, bruk pambak tabiak dunya lac biak bair./.