# Mesup harei ni  (10/9),  mbang nyaom ka 27 di  Uỷ ban Thường vụ Quốc hội hu peih tabiak.  Mbang Nyaom rah tabiak meng ni tal harei  20/9  ngan song rilo asar kadha prong, dalam nan hu bruk pasang iek pathau khan bruk mek phiếu tín nhiệm ngan song dom bruk ngak kayua  Quốc hội palih ruah,  phê chuẩn di mbang nyaom ka 6.  Di mbang nyaom ni, Ủy ban Thường vụ Quốc hội brei panuac ka bruk thi hành Hiến pháp, Hukum,  Sarak di  Quốc hội ka bruk langyah khiếu nại, tố cáo thun 2018; dom pathau khan di rajaei , TA bhap  bini tối cao, VKS bhap bini  tối cao ka bruk langyah  khiếu nại, tố cáo thun 2018; pathau khan ka bruk  pacang caga tội phạm song ngak suan adat hukum , bruk  thi hành án, bruk pacang caga  tham nhũng thun 2018; pathau khan ka bruk ngak  thun 2018 song jalan kiểm toán thun 2019 di  Kiểm toán Karja

# Page ini (10/9),  di Lạng Sơn  rah tabiak bruk brei thau dua-dua cửa khẩu dunya Chi Ma (Việt Nam) – Ái Điểm (Trung Quốc ) ngan saong bruk hu mbaok di Phó Thủ tướng Vương Đình Huệ.  Bruk dua-dua cửa khẩu hu ramik pasiuam jeng dua cửa khẩu di dua gah meda peih tabiak jalan pablei salih pandap panda nao mai tapa cửa khẩu Chi Ma dak harei dak chreih chrai jang. Saong ini lac jalan piah huyện Lộc Bình jeng ye tỉnh Lạng Sơn pamedheih pren khang, patagok kinh tế – xã hội.. 

# Hđbhap bini ban raya HCM pambuak bruk song rayo papar binguk  ban raya bahrau peih danakdak tui pang song ndom nyai nao mai hu angan "dong yaom radei buýt – Siam lagaih song jalan ngak". Di danak dak ni , rilo  panuac ndom lac ban raya njauk khik bruk dong yaom radeih buýt piah pachreih bhap bini pandar janih radaih ini song jeng lac sa dalam dom sarak  an sinh xã hội. Min, dong yaom njauk ngak siam song kein laba. Ban raya HCM urak ni hu  141 tuyến radeih  buýt, dalam nan hu  103 tuyến hu dong yaom song  38 tuyến oh hu dong yaom, ngan  saong abih tih  2.478 radaih. Meng 45 tuyến hu dong yaom thun  2002 mbiah tal urak ni hu dong yaom  ka  103 tuyến. Pok jien dong meng 40 tỷ đồng/sa thun urak ni lac labaih 1000 tỷ đồng/sa thun

#Harei kabroi (9/9), di mblang beir bến Ninh Kiều,  UB bhapbini ban Cần Thơ saong Học viện Công Nghệ Châu Á (AIT) peih ngak danakdak nduac takai padang kadung jien ngak tatua palei pala ngan saong kadha “Run for Charity 2018”, pataom hu jaik 180 vận động viên. Ini lac mbang akaok mereip danakdak nduac takai padang kadung jien ngak tatua palei pala kayua Học viện Công Nghệ Châu Á (AIT) peih ngak di ban Cần Thơ. Dom vận động viên hu nduac tamat dua cự ly lac 2,4km saong 4,8 km, nduac tui dom canah jalan pasak di ban ye: Hai Bà Trưng, đại lộ Hòa Bình saong hadei nan salah di Bến Ninh Kiều piah alin giải. Dom jien rik daong di danakdak meda caik piah padang ngak tatua palei di Ấp Thới Phước 2, Xã Tân Thạnh, Huyện Thới Lai, ban Cần Thơ.

 #Labaih sa bilan  ni mai , ruak pandiak tabiak drah rah daok tamuh veik di  tỉnh Khánh Hòa. Meng akaok thun tal ni, tỉnh ni hu labaih  1.500 mbang urang ruak pandiak tabia kdrah , hu 1 urang metai . Dom urang ruak tame sang iek ruak tuk ruak trak hu dom  cơ sở y tế gah ala ba tagok . Urak ni, tỉnh Khánh Hòa daok tame bilan hajan , lagaih ka jamuk patagok,  tui kuhria mboh dahlau, urang ruak pandiak drah meda hu rilo jang. Piah samar pacang caga ruak, Gah Y tế tỉnh Khánh Hòa peih dom mbang pruh  jru pametai jamuk di dom puk palei mbuan si rah tabiak jit ruak,  jhul pakhang bruk pathau khan piah ka bhap bini jhui iek lap ruak pandiak tabiak drah.

Khaw tin dunya

# Mintri ngak nong Nhật Bản harei 9/9 brei thau lac mbang njaom kum pabui akaok meti di taneh ia ini dalam 26 thun tapa, saong brei padeih pablei tabiak negar lingiu raloaw pabui di taneh ia. Tui mintri ngak nong Nhật Bản, janih kum pabui ini karei saong kum pabui châu Phi daok patuh di Trung Quốc. Mbang patuh ini hu mboh di sa trang trại di tỉnh Gi-phu (Gifu), gah kreih negar Nhật Bản.

# Rajaei Hàn Quốc bahrau tagok tanut  cảnh báo jit ruak  MERS meng tanut beir di abih lac tanut cảnh báo  "hajao"  tagok tanut "katam" nan lac tanut "pasang iek" hadei di tuk sa urang likei umo  61 thun harei  8/9 meng bloh hu chẩn đoán njom virus MERS - CoV hadei di mbang ngak  bruk rilo harei di  Cô-oét (Kuwait). Pasak pasang iek song pacang caga jit ruak  Hàn Quốc  hu padang sa  trụ sở pasang iek  jit pasak piah pacang cakak bruk njom mbak di jit ruak kan kandah ni.  Akaok mintri  Y tế song Phúc lợi Hàn Quốc Pắc Ni-âng Hô (Park Neung-hoo)  jeng brei thau,  rajaei  Hàn Quốc  brei ngak dom jalan patagok yau kham merat pasang iek song ba menuac chuyên trách piah tagok bruk khik ramik ngan song dom urang taom gaok yaok harei song urang njom MERS.

#Harei kabroi ( 9/9), takik di abih  sa urang metai, 47 urang karei njauk rambuac di mbang juak tagok gauk anak sa mbang pakacah caoh blong di ban ine An-ta-na-na-ri-vô (Antananarivo) di Ma-đa-gát-xca (Madagascar). Bruk pandik harao nan rah tabiak di sân vận động Ma-ha-ma-xi-na (Mahamasina) libik đội caoh blaong taneh ia po sang Ma-đa-gát-xca pakacah saong đội blaong di Xê-nê-gan (Senegal), peih akaok Cúp caoh blong châu Phi 2018 rah tabiak 14 tuk 30 (tukvak puk palei, lac 18 tuk 30 minit Việt Nam./.