# Harei 16-8, pak Hà Nội, Ban Tacei pato Trung ương ka bruk pacang caga  tham nhũng hu peih nyaom biai mbang ka 14 ala bruk tacei ba di ong  Nguyễn Phú Trọng, Tổng Bí thư, Akaok ban tacei pato, piah kiểm điểm, taong yaom bruk ngak ini hadei di 5 thun ngak bruk di Ban tacei pato saong ba tabiak bruk ngak dalam tukvak anak tal; taong yaom bruk ngak hu dalam 7 bilan akaok thun saong ba tabiak bruk ngak dom bilan puac thun 2018. Meng thun 2013 tal ini, pakat ủy saong ủy ban kiểm tra dom pakat hu pasang iek, kỷ luật labaih 4.300 urang jakar, urang đảng kayua tham nhũng, ngak suan. Pathau khan dalam mbang nyaom, ong Phan Đình Trạc, Bí thư Trung ương Đảng, Akaok ban Nội chính Trung ương ndom cambaih: “Oh hu labik pakuac, oh hu ngoại lệ, oh thau urang nan lac thei”.

# Tui pasak Dự báo Khí tượng Thủy văn Trung ương, dah page harei 17-8 libik ribuk ia xua ka 4 nao tame mbaok haluk tỉnh Thanh Hóa saong meda suy yếu jeng áp thấp nhiệt đới. Hadei nan áp thấp nhiệt đới daok nao tame dalam mbaok haluk saong suy yếu jeng sa libik áp thấp angaok bhum  Thượng Lào. Jeng di page ini, kayua áp thấp nhiệt đới yau nan ye libik mbaok haluk tapeng tasik dom tỉnh Thái Bình, Nam Định, Ninh Bình, Nghệ An angin khang pakat 6, giật pakat 7; Pasak Dự báo Khí tượng Thủy văn Trung ương, jeng tabiak panuac brei thau lac meda hu hajan praong di harei saong melam ini 17-8, di bhum gah Brak, dom tỉnh Hòa Bình, Sơn La, Thanh Hóa, Nghệ An daok hu hajan praong.

      # “Cảnh sát tasik nao gam haong urang taong ikan” nan lac angan di danak dak giao lưu tukvak pahadar 20 thun harei di gah Cảnh sát tasik saong pok paglaong mô hình dân vận "Cảnh sát tasik nao gam haong urang taong ikan" hu peih ngak di Sang daoh bol lin melam 16/8. Tapa nan, 20 urang jakar, urang lin Cảnh sát tasik, 12 urang taong ikan, 10 kapul nyaom chính trị XH saong dom doanh nghiệp hu buh talo pren yava, tukvak nao gam haong mô hình dalam dom thun tapa  hu urang pal akaok Bộ tư lệnh Cảnh sát tasik pok brei harak meyaom

# Bair harei kabroi (16/8), Đại tá Phạm Minh Thắng, Phó Giám đốc gam dang akaok jabat CSĐT Công an tỉnh Đắk Lắk brei thau, gah  nghiệp vụ công an tỉnh barau mek kareik 4 bilan saong pasang iek libik daok di 3 urang jakar ngak bruk di uy mban bhapbini xã Cư Elang, huyện Ea Kar (Đắk Lắk) piah duh ka bruk duah thau tội danh: Lợi dụng bruk ngak, quyền hạn dalam tuk thi hành công vụ saong oh hu trách nhiệm dalam khik ramik kinh tế ngak khat lihik trak. 3 nghi can mek kareik hu dom ông Lê Thành Nguyên ndih tapui thun 1983, Hoàng Trọng Nghĩa saong Lê Sơn gam ndih tapui thun 1984. Abih 3 urang ini dahlau nan jeng ngak bruk di uy mban bhapbini xã Cư Elang, saong gam daok di  xã Cư Elang, huyện Ea Kar, tỉnh Đắk Lắk.

# Urak ini ralo baoh sang urang nong Hậu Giang daok mek tame hu jien tỷ yaok thun  meng bruk pala panat Thái. Dom baoh sang urang nong ini ralo meng daok di huyện Châu Thành. Dom urang nong ini dahlau diah pala kruac bung min ruak kanjik hala ngak khat lahik trak. Dom thun dahlau, dom doanh nghiệp di Hà Nội caong hu panat piah pablei tapa darak pasar Trung Quốc nan ye hu đặt hàng ka urang nong salih tapa pala panat. Urak ini panat Thái hu urang duah blei pak bein yaom meng 40.000-50.000 đồng/kg.

Khaw tin dunya

     # Nyaom biai Robot dunya  (WRC) 2018 rah tabiak di Trung Quốc meng harei 15 tal 19-8 hu maong lac sa dalam dom bruk praong abih di gah công nghiệp robot dunya, tuk pren khang saong tầm ảnh hưởng di bruk cách mạng công nghiệp 4.0 (IR IV) daok dak harei dak kak kajap saong bruk patagok di dunya tukvak barau. Ngan saong kadha “ ba jalan trí tuệ ka sa kỷ nguyên barau di cởi mở saong lợi ích sẻ chia”, WRC 2018 yaih khan tal urang pandar rilo công nghệ barau siam lagaih karei daong jhul khang bruk cách mạng công nghệ saong salih công nghiệp di dunya.

# Mbaok aia tasik angaok dunya tagok glaong – kayua biến đổi khí hậu – meda ngak ka sóng thần nyu khang tagok saong bhian hu jang dalam harei hadei, mbuan ngak ka dom bal jaik taphia tasik lahik nao. Nan lac bruk roh duah bahrau hu sa nhóm urang khoa học Mỹ, Singapore, Đài Loan ba tagok angaok Tạp chí Science Advances (Mỹ). Bruk roh duah angaok nan pataom tame dom đặc khu hành chính Macau di Trung Quốc.  Tui kuhria, sa mbang megei baoh taneh khang meng pakat 8,8 tagok meda ngak ka Macau gaok kan kandah. Yaom lac yau nan, bruk nan meda karei nao meyah mbaok aia tasik ndik glaong jang dalam tukvak anak tal.

# Anh Đức - Văn Đức salih gauk ghi bàn saong kiến tạo, daong Olympic Việt Nam mek hu jayah 2-0 anak Olympic Nepal dalam mbang dit rah tabiak melam kabroi (16/08), di mblang Wibawa Mukti. Tui nan, dom anek saih di HLV Park Hang Seo hu drah samal mek hu vé tame vòng 16 đội di ASIAD 18 dahlau sa mbang caoh saong dang akaok bảng D ngan saong tuyển Olympic Nhật Bản. Di mbang caoh puac di harei 19/08, Olympic Việt Nam gaok Nhật Bản dalam mbang pakacah piah dang akaok bảng D, daok Olympic Nepal gaok  Pakistan di mbang pakacah daok veik./.