# Tui Mban tacei pato Trung ương ka bruk pacang caga bala meng langik tasik, hajan ribuk di dom tỉnh bhum ceik ngak brei 13 urang metai, 3 urang lahik. Dalam nan, Thanh Hòa lac tỉnh njauk khat lahik trak ka manuac urang ngan haong 9 urang metai, 3 urang lahik. Dom puk palei hu brei dom kapul urang jakar trun nao tapak dom labik njauk bala  piah ba drap ar, daong bhap bani pasiam veik dom khut khat. Taphia di nan ieu pataom dom gah saong phương tiện  pasiam veik dom khut khat kayua hajan ribuk abih di nyu nan lac pasiam veik jalan mbak di dom labik glut jaleih. Tal urak ini, dom Jalan Roya nao tapa dom tỉnh Sơn La, Hòa Bình, Yên Bái, Điện Biên, Thanh Hóa hu pasiam veik, radaih nao mai hu; dom jalan tỉnh, jalan huyện, jalan pambuak dom xã dom palei jeng daok ralo labik aia dauk, ngak gar jalan, oh ka pasiam veik hu, abih di nyu lac di huyện Mường Lát, tỉnh Thanh Hóa.

# Dalam 3 harei padeih lễ Quốc khánh, dalam negar rah tabiak  83 mbang radeih phaoh gauk, ngak brei 46 urang metai,  53 urang njauk rambuac. Tui Uỷ ban An toàn Giao thông pakat negar, bruk  nao mai angaok jalan mbak dalam 3 harei padeih  lễ 2-9 hu khik caga siam mekre, pabak hu bruk nao mai di bhap bini, patrun urang meta, urang njauk rambuac dut song tuk vak ni thun  2017; oh rah tabiak mbang radeih phaoh gauk trak; bruk pajeng ba tuai damuai hu patagok di angaok jalan mbak , jalan pasei , jalan kapan haoh, bruk an ninh, trật tự di dom mblang radeih, nhà ga, mblang kapal haoh, dom janih pajeng tuai damuai hu khik tani tanat, siam mekre.

# Page 3-9, gilai tấn công HMS Albion di Hải quân Hoàng gia Anh kayua Đại tá Tim Neild pan akaok hu nao tal pabah lamnge dunya bal raya HCM, peih bruk rivang 4 harei di Việt Nam. Mbang rivang ini di gilai HMS Albion nan lac sa dalam dom bruk ngak pahadar 45 thun harei padang talei rohim pambuak bruk Việt Nam – Anh  (11/9/1973-11/9/2018) saong peih ngak dom asal kadha pambuak bruk di urang pal akaok Mentri Quốc phòng dua negar, rik daong patagok talei rohim, jhul patagok talei pambuak bruk quốc phòng di dua negar. Thủy thủ đoàn hu 353 sĩ quan, hạ sĩ quan, binh sĩ saong urang ngak. Dalam mbang rivang bal raya HCM, angaok gilai Abion daok hu sa kapul thủy quân lục chiến hu 202 sĩ quan, hạ sĩ quan saong binh sĩ.

 # Thun ni di bhum taneran krong CL ia ndik praong, avar jang, bhap bini di bhum gah angaok krong  gaok rilo kan kandah dalam bruk YUAK padai tuk ia tagok glong, min tapen di nan, yaok ribau urang jeng duah hu jalan ngak mbang dalam bilan ia ndik yau tong chap ikan atau caik trúm chap lanun… Tui kuhria yaok urang tong chap kaya ikan yaok harei duah hu meng  300.000-500.000 đồng. Bruk njauk caik hatai, thun ni di dom tỉnh yau  An Giang, Đồng Tháp rah tabiak bruk palimek ikan  linh. Tui nan, rilo urang blei ikan linh anek, palao tame padai gam song hasit ikan pajaih bloh pacang halam piah rong ikan prong jang .

# Dom harei jaik di ini, dom sang iek ruak dalam bal raya HCM taduan raok yaok pluh uranaih njauk ruak sởi tame sang iek ruak. Dom chuyên gia brei thau lac, ruak sởi meda pambak prong meyah uranaih njauk ruak sởi oh ka tal umo klauk vaccine pacang caga atau klauk vaccine oh ginup. Dom sang hu uranaih umo ala 5 thun njauk ba uranaih nao klauk vaccine pacang caga ruak sởi, njauk ba anek kaman nao klauk vaccine pacang caga ruak sởi tuk uranaih bak 9 bilan saong  mbang ka dua njauk hu klauk tuk uranaih bak 18 bilan.

Khaw tin dunya

# Mesup harei ni (4/9) tui tukvak Việt Nam, urang pandar mạng xã hội Facebook song  Instagram di rilo negar di dunya oh tame hu song oh meda pandar hu dom  dịch vụ ni. Hu thau bruk nan rah tabiak meng  4h mesup tui tuk vak Hà Nội. Dom urang pandar  gaok bruk nan rilo meng daok di  châu Mỹ song  châu Âu. Di  châu Á, Ấn Độ song  Philíppin jeng gaok kan kandah gah kỹ thuật ngan song  2 mạng xã hội ni. Bruk padeih nan di  facebook dui atah labaih sa  1 tuk, dahlau di tuk nyu ngak bruk veik. Urak ni oh hu  panuac khan halei di 2  trang mạng xã hội prong ni ka bruk ni

 # Mbang IA SUA prong abih daok rah tabiak KHANG saong ngak khat lahik trak tal Campuchia. Harei kabroi (03/9) ribuk prong ngak jaleih sa mbaik tatua bê tông tapa kraong Sê Kông (Sekong) di tỉnh S_tâng Tờ Reng (Stung Treng), gah barak Campuchia, ini lac baoh tatua bahrau padang ngak, si ba tame pandar daok jaik taphia bhum tapen negar Lào - Campuchia. Mbaok aia kraong Mê Công nao tapa tỉnh S_tâng Tờ Reng urak ini tagok tal labaih 11 mét, jaik tal tanut nguy hiểm, dalam tuk nan hajan prong tui kuhria meda daok dui atah tal abih harei 9/9 angaok mblang taneh prong di ralo tỉnh gah baraj yau S_tâng Tờ Reng, Roát tờ nạ ki ri (Ratanakiri), Tờ bung Khmum (Tboung Khmum), Kro chés (Kratie).

# Mintri Y tế Ai Cập harei kabroi brei thau, dom urang di negar ni metai dalam bilan ngak ruhum  Ha-zi (Hajj) tal Méc-ca, Arập Xê-út hun ni tagok tal  68 urang.  Tong abih dom urang metai kayua gaok ruak ka jalan suak yava. Bvilan ngak rukum Ha-zi thun ni, Arập Xê-út pachreih hu  2,4 triệu menuac di dunya, dalam nan hu  labaih 84 ribau menuac  ngak rukum haji meng Ai Cập. Thun bloh,  Ai Cập hu labaih  70.000 menuac tal  Arập Xê-út song hu labaih  80 urang metai, rilo meng lac nyaom urang umo prong./.