# Biar harei 6-9, hadei di tamat mbang ngak bruk di tỉnh Kon Tum, Thủ tướng Nguyễn Xuân Phúc hu nao ravang bein tea praong di tỉnh Gia Lai. Bein tea nan praong labaih 1.100 ha, hu pala meng jalan hữu cơ. Bein tea hu ba bruk ngak ka labaih 1.600 sang gam saong 7.000 urang ngak dalam palei. Thủ tướng Nguyễn Xuân Phúc hu kakei pô đầu tư, oh lac sangka tal kein laba di doanh nghiệp bo daok brei caik hatai tal raidiuk urang pala tea. Piah patagok khang kajap, njauk khik kajap bruk đầu tư meng hữu cơ, khik kajap tanut VietGAP, ngak tabiak brei khik kajap siam mekre, haci hacih.

# Harei ini, rilo kapul urang jakar di mintri, mban nganh trung ương saong dom puk palei hu nao ravang saong tadhau yuh rayo sap ndom Viet Nam di jabat 58 Quán Sứ- Hà Nội saong jabat ngak bruk di dom libik dalam taneh ia, lingiu taneh ia dalam tuk pahadar 73 thun harei padang tabiak (7/9/1945 – 7/9/2018). Abih di nyu nan lac, harei ini rayo sap ndom Việt Nam hadah mbaok taduan mek angan Anh hùng tapon nyom bol pan phao kraong bhap bini kayua akaok taneh ia alin ka rayo paparsap Giải phóng. Ini lac bruk pok meyaom di Đảng, karja saong bhapbini ka dom rik daong praong di rayo sap ndom Viet Nam dalam bruk paeih paha bangsa saong dak padang taneh ia.

# Cục Hàng không Việt Nam bahrau brei thau, dalam 8 bilan akaok thun 2018, dalam taneh ia hu 60 mbang sự cố hàng không, tagok 17,6% dut saong tukvak ini thun dahlau. Dalam nan hu 1 bruk biak trak, 7 bruk uy hiếp an toàn cao  saong 52 bruk mbuan ba tal uy hiếp an toàn. Jeng dalam 8 bilan akaok thun 2018, Tổng công ty khik iek bruk par Việt Nam hu tacei ba labaih 600.000 mbang par, dalam nan hu labaih 300.000 mbang par nao saong mai, saong labaih 300.000 mbang par quá cảnh, jeng tagok jang dut saong dom bilan ini thun 2017.

# Page ini (7/9), Công an tỉnh Khánh Hòa brei thau barau mek 2 nghi phạm patuh phao meblah jien di Phòng giao dịch gilang pariak Thương mại Cổ phần Ngoại thương Việt Nam (Vietcombank) di jalan 2 bilan 4, ban sit Ninh Hòa di jala pandiak harei 5/9.  2 nghi phạm lac Trần Hoàng Nhật Hùng (36 thun saong Đàm Minh Quang (30 tthun jeng daok di phường Ninh Hiệp, ban sit Ninh Hòa).  Pasang iek libik daok, công an hu mek khik 4 mbaik phao ngak eng gam yaok pluh asar đạn greih yau tang vật hu klak veik di hiện trường. Tapa nan, jabat công an jeng mek khik hu labaih 3 tỷ đồng lac paok jien hu lam padauk di baoh sang balau atah di libik daok jaik 1 km. Hu thau, sa dalam 2 nghi phạm lac nghiện ma túy. Urak ini, gah công an daok duah thau ngak cambaih bruk.

# Tapa rilo bilan tui iek, Công an TPHCM bahrau taong tayah sa jalan talei kumei me-in bán dâm yaom yaok ribau USD di pasak TPHCM. Jalan talei ini pataom dom sinh viên, takai atah, hot girl, MC, người mẫu, Á Hậu… Ini lac jalan talei hu taong yaom lac praong abih meng dahlau mai njauk công an taong tayah. Yaom kumei me-in ini lac 300-5.000 USD sa mbang sa urang. Gah Cảnh sát điều tra Công an TP.HCM jeng bahrau khởi tố bị can, cap kreik Kiều Đại Dũ (tự Bi, 22 thun, palei daok di Quy Nhơn, tỉnh Bình Định, tạm trú huyện Hóc Môn). Dũ lac urang dang akaok, ba jalan ka dom kumei me-in saong dom đại gia dalam jalei talei kumei me-in nan.

# Ông Phạm Văn Quang daok di 59 Hàng Quạt, quận Hoàn Kiếm, Hà Nội meda lac urang duy nhất di phố cổ urak ini jeng daok ngak dom baoh khuôn ahan trung thu, khuôn ndiuk, oản meng kayau mengkan. Ông  Quang brei thau, bhian pandar dom janih kayau phun make, kayau xà cừ lac janih kayau khang, khik hu bingu di kayau tuk bào, đục. Tuk dom khuôn nhựa rilo janih pablei bak darak pasal, ông Quang jeng mboh dah hambaok lac meda brei tabiak mbaok hu dom baoh khuôn karei, sáng tạo, oh jamraik halei ngak hu. Bruk njauk damen lac dom anek taco di ông Quang oh hu thei tui bruk ini.

Khaw tin dunya

# Harei 5-9, Gah Lương Nông Liên hiệp quốc (FAO) hu peih nyaom biai khẩn cấp di ban ine Bangkok (Thái Lan) piah ginum biai ka jalan pacang caga jit cúm lợn châu Phi mbuan tamuh tabiak di châu Á dalam tuk jit daok rah tabiak samar di Trung Quốc saong mbuan jeng jit praong. Nyaom biai rah tabiak dalam 3 harei, hu mbaok dom chuyên gia gah jit ruak ahur, jeng yau dom jabat sarak ngak nong meng 9 taneh ia daok jaik Trung Quốc. FAO brei thau, jit ruak mbuan pambak tabiak dom taneh ia jaik taphia haong Trung Quốc nan ye njauk caga pacang. Mbiah tal urak ini, jit ruak pambak tabiak gah meraong ngak ka urang jakar njauk am cuh klaak labaih 38.000 drei pabui raong di taneh ia dang akaok gah raong galng saong mbang ralo pabui ini.

     # Ban ine Praha (Cộng hòa Séc) barau yam tapa bilan hè pandiak bhang abih dlaam 244 thun tapa ngan saong nhiệt độ trung bình 22,7 độ C. Viện khí tượng thủy văn Cộng hòa Séc ba tabiak panuac ini harei kabroi. Dahlau nan, bilan hè pandiak abih hu brei thau di thun 2003 ngan saong nhiệt độ trung bình lac 22,4 độ C. Taong Abih klau bilan hè pandiak abih dalam 244 thun tapa di Praha jeng rah tabiak dalam abap ini.

# Nhật Bản brei thau urang metai akaok meti kayua nhiễm xạ di Fukushima.  Urang bhian ngak bruk di sang mac hạt nhân Fukushima hadei di mbang bala khang thun 2011. Adit bloh, Bộ Y tế, Lao động saong Phúc lợi Nhật Bản brei thau, gauk gar di urang metai kayua nhiễm xạ hadei di tukvak ngak bruk di sang mac điện hạt nhân Fukushima  njauk hu bayar jien./.