# Kuhria meng harei 15/9 tal, taong abih dom janih pandap oh hu ngak di Đà Lạt (Lâm Đồng) jeng oh hu adat ba tame darak kaya nong Đà Lạt. Ini lac sa jalan ngak piah pacang cakak bruk urang blei dom janih kaya nong yau bei prang, lasun prang, cà rốt meng Trung Quốc ba tame darak kaya nong Đà Lạt bloh nhuộm haluk meriah, ngak ka nyu dreih yau pandap di Đà Lạt, mek angan pandap Đà Lạt bloh hadei di nan pajeng mai dom darak praong di TPHCM piah pablei. Tok kuhria taeng janih bei prang, meng kreh bilan 6/2018 tal urak ini, dom urang pablei salih ba tame darak kaya nong Đà Lạt jaik 600 tấn bei prang Trung Quốc.

 # Dak jaik tal tukvak salih dom SIM akaok ka 11 số tapa 10 số di harei 15/9, darak pasal SIM số đẹp dak chreih chrai. Pasang iek angaok darak pasal daok parabha jeng dua phân khúc: SIM 11 số hu yaom cambaih saong dom SIM số đẹp hu yaom jien yaok tỷ. Dalam nan ngan saong dom SIM 11 số hu brei thau lac kheih hadei mbang salih jeng giao dịch hu biak khang jaik 1 bilan ini mai. Bruk njauk caik hatai nan lac, SIM 11 số hu yaom hu yuk tagok tanut yaok ratuh, hu tuk yaok tỷ ngak po 4 baoh, ngũ quý, tam hoa, số tiến, đối xứng... hu rilo urang blei pilih ruah.

      # Labaih 5 thun tapa, urang nong xã Phước Hải, huyện Ninh Phước (Ninh Thuận) ngak hu siam bruk raong dông angaok cuah piah pablei. Tapa nan, urang nong pak ini hu jien mek tame biak rilo, hu jalan tabiak truuh kan kathaot. Bruk ngak nan nyu peih tabiak jalan cakrok janih raong bahrau b amai kein laba glaong ka bhap bini daok di dom bhum palei pala dalam tỉnh Ninh Thuận. Taeng palei Hòa Thủy, xã Phước Hải hu 592 sang, tal urak ini hu jaik 50 sang raong dông angaok cuah praong abih tih 2 ha, mek tame hu meng 50 tal 80 triệu đồng yaok thun yaok 1.000 m2 var ro, yaok thun pabak labaih 2 tấn dông ka darak pasar dom tỉnh Ninh Thuận, Bình Thuận, Khánh Hòa, TP Hồ Chí Minh. …

 # Parang iek “Hoài niệm Hà Nội phố “ kayua Cục Văn thư saong Lưu trữ Nhà nước, mintri Nội vụ Việt Nam saong Đại sứ quán Pháp pambuak bruk peih ngak di Hà Nội.  Parang iek yaih khan 130 tài liệu, thaot binguk, dalam nan rilo tài liệu bản gốc urak ini daok khik di pasak khik piah negar I hu ngak veik bruk ngak mbang ngak huak, ilimo, agama di urang bhapbini Hà Nội; Nan lac khu phố cổ - libik khik dấu ấn di sa “Hà Nội 36 phố phường” mengkan; Thành cổ Hà Nội; Văn Miếu Quốc tử Giám; thắng cảnh Hồ Tây gam rilo inem mek sajarah vik taom dar. Dom tài liệu saong tư liệu khik piah hadah trah, dalam nan dom mbang akaok meti hu ba tal ka bhapbini dom  hồi ức kheih ka sa Hà Nội mengkan, rabau thun ilamu.

        # Harei 7-9, Công an tỉnh Sóc Trăng brei thau, gah điều tra hu khởi tố, oh brei tabiak truh labik daok ngan saong 3 bị can di sang bac Cao đẳng Cộng đồng  Sóc Trăng piah duah thau bruk Lợi dụng chức vụ, quyền hạn  dalam tuk ngak bruk. Nan lac Đoàn Thiện Tài – dahlau daih ngak Hiệu trưởng, Trần Thị Mộng Trinh – dahlau daih ngak Kế toán trưởng saong ong Phạm Ngọc Quan, urang pan akaok pasak Ngoại ngữ - Tin học di sang bac. Tui gah điều tra, meng bilan 8/2014 tal bilan 11/2016, dom urang nan pandar meneing dom jien lệ phí oh njuak bruk, brei oh njauk menuac, oh njauk sarak ka 13 urang lac menuac pan akaok, gru pato di sang bac, ngak khat lihik drap ar di sang bac labaih 908 triệu đồng.

Khaw tin dunya

      # Sa bruk cứu hộ praong hu peih ngak di đảo Hokkaido hadei di mbang megaiy taneh khang 6,7 độ Richter ngak tabiak bruk glut jaleih haluk lon rilo sang danaok, ngak rambuac saong rilo urang gaok gar dalam. Dahlau nan, Nhật Bản barau gaok khut trak hadei mbang ribuk Jebi lac mbang ribuk khang abih tuh tame gah Pai Nhật Bản di 25 thun tapa ngak metai 11 urang saong ngak ka yaok ratuh urang njauk rambuac, yaok rabau urang tuai gaok gar di mblang par dunya Kansai.

       # Kapul khik ramik phi lợi nhuận voi không biên giới, ieu katut lac  EWB, bahrau duah mboh 87 drei limen njauk pametai di Cộng hòa Botswana – sa negar dalam Châu Phi, hadei di mbang pasang iek meng kapal haooh bahrau ini. Dom drei limen metai nan lac praong abih di châu Phi kuhgria meng dahlau mai. Jaik abih dom drei limen metai hu duah mboh daok jaik labik khik ramik athur glai di Okavango saong nyu lahik abih bala. EWB mboh lac, dom drei limen metai meda hu rilo jang kayua bruk pasang iek bahrau ngak hu sa meteh. Botswana lac taneh ia hu rilo lamen abih di dunya ngan saong 130 ribvau drei. Dahlau daih, Botswana hu sa kapul pacang man pateok limen hu pan phao ndao saong hu adat cuh metai dom urang man pataok limen mek bala. Min kapul ini oh daok ngak bruk meng di bilan 5 meng bloh. 

# Di beir bách thảo Ấn Độ daok hu sa phun đa taha praong labaih 250 thun. Ngan saong halui hala pacang 14.493m2, phun  đa hu diuk tapa dua mbang angin ribuk thun 1864 saong 1867. Bruk lạ lac phun oh ngak tabiak dom dhar bo meng labaih 3.000 gha tamuh tagok hai oh. Mban khik ramik beir bách thảo hu dak padang sa baoh jalan vik taom dar phun piah tuai damuai maong taneh praong di nyu. Bruk pasang iek phun đa praong glaong ini njauk hu kapul 13 urang pambauk gauk. Lingiu bruk khik caga pren yava ka phun phun, dom urang ini daok pasang iek gha phun hu cakrok njauk hei oh