# Harei ini (31/8) pak Hà Nội, Mentri Ilamo padhih saong rivang ma-in peih nyaom biai mek panuac ka dự thảo Chỉ thị di Thủ tướng raja-ei patagok jalan diuk rai văn minh di urang jakar, công chức, viên chức dalam bruk ngak nam likah, ndam metai. Pak nyaom biai, dom urang lambaok ndom lac bruk caong khin di Chỉ thị ka bruk patagok peih ngak jalan diuk rai văn minh di urang jakar, công chức dalam bruk ngak ndam metai, ndam likhah. 

# Danak dak Vu Lan “ Dhar phol saong Bangsa” kayua Giáo hội Phật giáo Việt Nam peih ngak di Nhà hát lớn Hà Nội. Danak dak hu pok meyaom 10 urang naih gheih di grauk labik dalam taneh ia tui palih ruah di Phật giáo di dom palei saong Kapul urang kumei 63 tỉnh, ban. Mbang ini, 20 paok pandap hu sổ patak pataom 100trieu dong, yaok sổ 5 triệu đồng hu alin brei ka dom baoh sang sarak karja saong urang hu buh prein tame ka taneh ia ka CM di ban Ine Ha Noi.

        # Bình Dương hu jaik 1 triệu urang ngak daok diuk rai saong ngak bruk. Piah grap tanat an toàn giao thông ka manuac sia saong radaih nao mai dalam tukvak padeih lễ Quốc khánh 2/9, Công an tỉnh Bình Dương patagok bruk pasang iek an toàn angaok jalan aia nội địa, bến gilai pajeng tuai rivang ma-in; parabha jalan nao ka nyu laghaih, oh caik rah tabiak ùn tắc jalan, abih di nyu lac di dom labik ma-in, giải trí saong dom canah jalan trọng điểm yau negar quốc lộ 13.

# Di quận Liên Chiểu, ban Đà Nẵng, Liên đoàn lao động ban ini pambauk bruk saong Sở Công thương ban Đà Nẵng peih nyaom darak pasar “ Công nhân, Sinh viên”. Nyaom darak pasar hu jaik 60 labik pablei pandap saong duah bruk ngak, palih tame ngak bruk, tacei pato saong duah bruk ngak jeng yau dom bruk jum pataom, main sambai ka dom dam dara, sinh vien saong cong nhan. Di nyaom darak ini, công nhân, sinh viên hu tacei pato hukum oh abih jien, pato ngak pandap mbang, pato cih mbaok meta ka siam, pakacah daoh karaoke.

        # Pak huyện pulao Lý Sơn, UB bhap bani tỉnh Quảng Ngãi peih ngak Lễ taduan mek bằng xếp hạng di inem mek ilamo dak rai sajarah  pakat tỉnh nan lac Lân Vĩnh Hòa ( Dinh Chàm ) saong Giếng Xó La di xã An Vĩnh. Angaok huyện đảo Lý Sơn urak ini hu yaok rituh inem mek dakrai sajarah, ilamo. Ong Lê Văn Ninh, Phaok akaok UB bhap bani huyện Lý Sơn brei thau: bruk taduan mek bằng công nhận inem mek ilamo dak rai sajarah nan lac dấu mốc quan trọng ngan haong bhap bani huyện pulao Lý Sơn dalam bruk khik ramik dom yaom ilamo di dom inem mek di ong ame caik veik.

# Sở Lao động -Thương binh saong Xã hội Thành phố Hồ Chí Minh peih bruk pathau khan chuyen đe ka bruk salih birau công nghiệp 4.0 ngan saong pato bruk ngak. Tui kuhria di Kapol Lao động Dunya, Việt Nam nan lac sa dalam dom tanreh ia hu urang ngak apah gaok kan kandah rilo di abih. Cong nghe ngak salih birau bruk ngak, tui kuhria dahlau hu 86% urang ngak gah jik, kalik takhaoh saong 75% urang ngak gah điện tử di Viet Nam meda gaok kan kandah kayua ba cong nghe birau tame ngak.

# Mbang akaok meti di Việt Nam, Sang iek ruak Hùng Vương bal raya Hồ Chí Minh peih ngak danak dak "Hành trình vượt cạn" ka dom urang metian atau urang pasang, piah kuhria caga biak tani tanat ka rup babhap saong tinh thần ka urang metian si ndih tapui. Sang iek ruak peih ngak “danak dak vượt cạn” meng 9 tuk 30 tal 11 tuk 30  dalam harei jip yaok adit ka adei sa-ai kumei saong urang dalam sang.

Khaw tin dunya

     # Tui kết quả duah thau dư luận di Pasak roh duah ICM brei thau bahrau ini, tok hu 13% urang hu sua tangi brei thau dom urang nan pachreih mbang nao rivang di Tổng thống Mỹ Đô-nan Trăm (Donald Trump) tal negar Anh, dalam tuk nan hu tal 31% urang hu sua tangi oh njauk hatai haong mbang nao rivang, 27% brei mboh thái độ thờ ơ saong 4% brei thau dom urang nan meda trun jalan piah phản đối urang pal akaok Mỹ. Labaih dua ribau urang hu mbaok dalam mbang khảo sát angaok nan.

# Thị trưởng bal Niu Yoóc (New  York), Mỹ Bin đê Bla-xi-ô (Bill de Blasio) bahrau quyết định tagok 24% yaom pablei pakao hala pak bal  tal tối thiểu 13 đôla sa pok (10,08 ơ-rô). Ini tok lac sa dalam biak ralo jalan ngak bo rajaei bal ini ba tabiak ngak dakam tukvak tapa piah cakak trun samar manuac urang njuk pakao meng ini tal thun 2020, ngan haong mục tiêu pamong tal nan lac paglaong pren yava di bhap bani jeng yau cộng đồng./.