# Pahadar 71 thun Harei negar, Kapul urang lambaok dom ban, ngành, kapul nyaom tỉnh Thái Bình peih ngak lễ cuh gilau pahadar Chủ tịch Hồ Chí Minh pak labik pahadar Wa Hồ, xã Tân Hòa, huyện Vũ Thư, Thái Bình; cuh gilau pahadar dom Anh hùng, Liệt sĩ pak Đền thờ liệt sĩ tỉnh saong cuh gilau pahdar ong Nguyễn Đức Cảnh pak quảng trường 14/10 bal Thái Bình. Dom urang lambaok pok kakuh anak  anh linh Chủ tịch Hồ Chí Minh, dom Anh hùng, Liệt sĩ; pahadar saong tri ân sâu sắc pren rik daong di dom rai rah nao dahlau van drei brei ka taneh aia.

      # Pak quảng trường Võ Nguyên Giáp, tỉnh Thái Nguyên, Trung ương Kapul urang nong Việt Nam pambuak haong tỉnh Thái Nguyên peih pakak Nyaom darak parang iek gah ngak nong – pablei salih bhum Đông Bắc thun 2016 ngan haong kadha "Ngak nong – urang nong – palei pala patagok khang kajap". Nyaom darak hu 250 gian hàng di jaik 200 jabat, kapul nyaom, doanh nghiệp saong di Kapul urang nong 15 tỉnh, bal dalam labik hu mbaok tame dalam mbang parang iek meyaih khan. Ban tổ chức Nyaom darak hu pok brei 10 pok pandap alin ka 10 baoh sang hu rai diuk kan kandah dalam tỉnh Thái Nguyên.

      # Palei Ilamo, Rivang ma-in dom bangsa Việt Nam, pak Hà Nội bahrau peih ngak chương trình "Bilan bui Tết Độc lập" dalam bilan 9. Hu mbaok tame danak dak, dom nghệ nhân, taha palei, akaok puk dalam dom tỉnh: Sơn La, Nghệ An, Hòa Bình, Thái Nguyên, Điện Biên, Đác Lắc, Gia Lai, Sóc Trăng... ngan haong ralo kadha daoh tamia biak karei. Điểm nhấn di danak dak meda brei mboh gilac không gian ilamo ndung bak sambo màu dom bangsa gah Tây Bắc, Đông Bắc ngan haong không gian ilamo darak Tây Bắc tui angan "Sơn La mbang darak uan raok Tết". Không gian darak hu pambuak lễ hội haong daoh kadha daoh bhap bani, ma-in kadha ma-in bhap bani, pandap mbang.

      # Trung ương Đoàn Dam dara cộng sản Hồ Chí Minh bahrau peih mbang parang iek "Dam dara naih gheih ngak tui panuac Wa". Ngan haong labaih 200 thaik binguk, harak ba-ar, pandap panda. Mbang parang iek hu brei hatai jia, jalan saneng, bruk mong mboh, taong yaom di Chủ tịch Hồ Chí Minh ka labik dang, bruk ngak di rai rah dam dara dalam cách mạng labaih 90 thun tapa. Taphia di nan, mbang parang iek meyah khan daom rik daong siam gheih di rai rah dam dara dakam bruk salih bahrau di taneh aia.

      # Kapul nyaom dam dara Việt Nam tỉnh Bến Tre bahrau pambuak haong Ban An toàn giao thông tỉnh saong Công ty sa thành viên Huỳnh Thành peih ngak harei nyaom Dam dara haong ilamo nao mai angaok jalan tỉnh Bến Tre thun 2016. Tukvak ini, Ban tổ chức jeng hu pok brei 10 pok pandap ka dom anek saih hu rai diuk kan kandah; peih ngak diễn đàn "Dahlak ranam Negar dahlak"; ginum biai ka jalan patagok vai trò đoàn viên, dam dara dalam bruk dak padang ilamo nao mai angaok jalan, mboh tangin sanya oh ngak suan adat hukum nao mai angaok jalan...

      # Pak sang uranaih bal Vị Thanh, tỉnh Hậu Giang, bahrau rah tabiak danak dak "Truac hadah hatai caong khin dam dara Hậu Giang" saong alin brei pok jien bac ka anek saih, sinh viên hu rai diuk kan kandah, yam tapa kan kandah bac megru naih jioy thun 2016. Tui nan, Ban tổ chức danak dak hu pok brei 50 pok jien bac ka anek saih hu rai diuk kan kandah, kham merat bac megru naih jioy pak dom sang bac dalam bal Vị Thanh, taong abih phun jien 25 triệu đồng.

      # Ban khik iek Inem mek saong Rivang ma-in Mỹ Sơn, tỉnh Quảng Nam brei thau, Labik Inem mek Mỹ Sơn meda hu mbaok tame ruk parang iek 13 hiện vật pak mbang parang “Báu vật khảo cổ học Việt Nam" hu peih ngak pak Cộng hòa Liên bang Đức meng harei 6.10.2016 tal harei 3.01.2018. 13 hiện vật Mỹ Sơn hu mbaok nan lac: Rup patau Siva, limo thần Nanđin, Gajasimha, rup patau Laksmi, tượng Dikpala, linga saong dom binah kiến trúc hu trang trí meng taneh am... Ini lac mbang parang daok dalam khuôn khổ pambuak bruk ilamo di dua negar Việt Nam saong Cộng hòa Liên bang Đức.

      Khaw tin dunya:

     # Pak sang daoh Chaktomuk pak bal ine Phnom Penh bahrau rah tabiak Adit Ilamo Việt Nam pak Campuchia kayua Mentri Ilamo, Padhih saong Rivang ma-in Việt Nam pambuak haong Mentri Ilamo saong Nghệ thuật Campuchia peih ngak. Dalam tukvak rah tabiak adit ilamo, dom danak dak adaoh tamia meyaih khan ka taneh aia saong anek manuac Việt Nam, hu daong ka bhap bani Campuchia hu thau jang ka Việt Nam, ngak ka tình hữu nghị di bhap bani dua negar dak harei dak pakajap saong cakrok patagok. 

     # Nhật Bản saong Hàn Quốc brei thau meda peih bruk ginum biai ka panuac sanya hoán đổi tiền tệ bahrau piah jhul tagok khả năng ứng phó di dua negar anak dom srau dhau meng darak pasa jien padai angaok dunya. Dua negar hu patagok giá trị hoán đổi tagok tal 70 tỷ USD dalam thun 2011. Yau nan min, dom bất đồng chính trị di dua negar hu ba tal bruk sanya ini oh hu dui atah tukvak hadei di tuk abih hạn meng bilan 2-2015.

       # Nyaom biai dunya Tô-ki-ô mbang ka 6 Patagok Phi (TICAD) bahrau peih talaih pak bal ine Nai-rô-bi di Kê-nia, ngan haong bruk Nhật Bản sanya daong 30 tỉ đôla Mỹ patagok cơ sở hạ tầng pak châu Phi dalam 3 thun tal. Nyaom biai ini hu mbaok di 34 urang pal akaok châu Phi saong labaih 10 ribau urang lambaok. Nhật Bản urak ini daok sangka tal dom negar hu ralo pren khang tự nhiên yau châu Phi, abih di nyu lac hatai caong khin blei tame khí cuh tự nhiên saong menjek tagok hadei di mbang bala hạt nhân Phu-cư-si-ma (Fukushima) 2011. Taong abih phun jien buh tame tapak di Nhật Bản pak châu Phi nan lac 1, 24 tỉ đôla Mỹ dalam thun 2015./.