# Pak Hà Nội, Mentri Quốc phòng dang tabiak, pambuak haong Ban Tuyên giáo Trung ương saong Thành ủy Hà Nội bahrau peih nyaom biai khoa học: “Đại tướng Văn Tiến Dũng haong cách mạng Việt Nam saong bhummi Hà Nội”, tukvak pahadar 100 thun harei menek Đại tướng Văn Tiến Dũng (2-5-1917 - 2-5-2017). Pak nyaom biai, dom tham luận di dom TƯỚNG lĩnh, sĩ quan pakat glaong, lambaok dom tỉnh ủy, thành ủy, dom urang khoa học dalam saong langiu quân đội hu pataom tame ngak brei cambaih jang dom kadha lac: Đại tướng Văn Tiến Dũng – kareih camin di urang cộng sản abih hatai haong taneh aia, haong bhap bani, luac rai mesruh metak brei ka lý tưởng di Đảng saong cách mạng Việt Nam; sa dalam dom urang anek di bal ine Hà Nội, urang tướng Việt Nam hu angan je hadah hadai saman Hồ Chí Minh.

       # Mentri Y tế bahrau tabiak Thông tư tacei bruk peih ngak hóa trị, xạ trị, hóa trị pambuak xạ trị tuk harei pak labik iek ruak. Tui nan, hóa trị tuk harei, xạ trị tuk harei saong pambuak dua janih nan, lac dom jalan điều trị ruak nội trú dalam tukvak ngak bruk tuk harei di dom labik iek ruak. Bruk tacei ka urang ruak hu điều trị tui jalan ndom angaok nan kayua bác sĩ điều trị tacei saong tok pandar ka urang ruak daok dalam tỉnh, bal labik iek ruak daok ngak bruk.

     # Thành đoàn bal raya Hồ Chí Minh bahrau peih Harei nyaom “Hướng nghiệp, dạy nghề” mbang ka 5 saong pataom iek, pok brei giải Nyaom pakacah anek saih, sinh viên naih jioy thun 2017. Pak harei nyaom, dom sinh viên, anek saih, urang đoàn, dam dara hu mbaok tame dom bruk ngak yau: “Brei thau dom  bruk pato pakai”, “mblang ma-in bruk ngak”, “Sinh trắc dấu vân tay - định hướng nghề nghiệp”. Tapa nan, Ban Tổ chức hu pok harak meyaom ka  11 anek saih, sinh viên naih jioy mek hu thành tích glaong pak mbang pakacah Tay nghề trẻ ASEAN mbang ka 11 saong 37 harak meyaom brei ka gru pato bruk ngak naih jioy di dom sang bac cao đẳng, trung cấp di bal raya Hồ Chí Minh.

      # Bruk parabha kadung jien trung ương saong jien đối ứng di kadung jien karja tỉnh, ban peih ngak danak dak padang ngak palei pala bahrau tukvak 2016 - 2020 bahrau hu Thủ tướng ba tabiak. Tui nan, dom phun jien daong brei meng kadung jien Trung ương hu parabha ka dom bộ, ngành Trung ương saong tỉnh, ban piah peih ngak dom bruk di dandak dak padang ngak palei pala bahrau tukvak 2016 - 2020 saong ngak njauk tui quy định di Hukum Đầu tư công, Hukum Kadung jien karja saong dom văn bản pháp luật pambuak pagam tal.

       # Cục Thú y (Mentri ngak nong saong patagok palei pala) brei thau, bahrau duah mboh sa sruh jit cúm menuk ada A/H5N1 di dua baoh sang raong glang dalam phường Ngọc Xuân, bal Cao Bằng, tỉnh Cao Bằng, ngan haong tapon menuk ada njauk ruak metai saong ba nao am cuh abih tih labaih 2.000 drei. Yau nan, urak ini dalam negar jeng daok 8 sruh jit cúm menuk ada A/H5N1 saong cúm A/H5N6 di dom tỉnh: Cao Bằng, Vĩnh Long, Đác Lắc, Quảng Ninh, Thừa Thiên - Huế saong bal Cần Thơ oh ka tapa 21 harei.

       # Pak sang bac tiểu học Ðông Phương Yên, xã Ðông Phương Yên, huyện Chương Mỹ, bal ine Hà Nội, Mentri ngak nong saong patagok palei pala pambuak haong lambaok UNICEF bahrau peih bruk pachreih tui Adit Negar ka aia hacih saong vệ sinh môi trường thun 2017, ngan haong kadha "Aia hacih saong vệ sinh môi trường brei ka bruk patagok taong abih gah di uranaih". Danak dak piah jak ba dom kapul nyaom, menuac urang ba gauk pacang khik môi trường, pandar patak pataom  halau aia, patagok khang kajap aia hacih, vệ sinh môi trường palei pala dalam negar.

       # Pak bal Ðà Lạt, tỉnh Lâm Ðồng, Pasak pachreih nong Negar peih diễn đàn Khuyến nông @ nông nghiệp, ngan haong kadha "Pambuak gauk dalam cakrok patagok cà-phê khang kajap". Pak diễn đàn, dom urang lambaok pataom tame langyah saong ba tabiak ralo jalan ngak dalam bruk sản xuất; tổ chức, khik iek dalam bruk pambuak gauk ngak saong pablei cà-phê; caik hatai  tal bruk ngak cà-phê tui tiêu chuẩn dunya, piah padang gah cà-phê Việt Nam cakrok patagok, khik kajap tani tanat mblang taneh 600 ribau ha, dalam nan  80% mblang taneh pandar quy trình sản xuất khang kajap, ngan haong năng suất mek hu 2,7 tấn/ha, sản lượng 1,6 triệu tấn sa thun, ba  jien tame meng bruk pablei caphe tabiak negar langiu meng 3,8 tal 4,2 tỷ USD sa thun.

        Khaw tin dunya: 

       # Pak bal ine Bắc Kinh, dom urang jakar di Trung Quốc saong Ca-na-đa bahrau peih bruk ndom biai nao mai ka bruk kinh tế saong jien padai, ngan haong panuac sanya peih prong talei pambuak bruk pablei salih, đầu tư, jien padai saong khoa học, ngak jeng pren khang ka talei pambuak bruk di dua negar. Bruk ndom biai nan di Ca-na-đa - Trung Quốc hu urang dang akaok dua taneh aia ba tabiak di thun 2016. Dua gah njauk gauk brei paglaong yaom pablei salih nao mai di dua gah rilo jang 2 mbang di thun 2025, meng 55,7 tỷ USD dalam thun 2015. Dahlau di nan, pak bal ine Ốt-ta-oa di Ca-na-đa, dua gah jeng hu  peih vòng thảo luận thăm dò mbang ka dua ka thỏa thuận thương mại tự do (FTA).

     # Bruk đối thoại chính trị pakat negar di Mi-an-ma dui atah klau harei pak bal Ta-un-ghi, pasak bang San, gah meraong negar ini bahrau tamat bloh. Dom gah hu ginum biai 57 văn kiện, ndom tal dom kadha chính trị, kinh tế, taneh riya, pacang khik môi trường saong tài nguyên meng lingik tasik. Dom văn kiện ini kayua lambaok di dom tapon nyom bol pan phao kraong hu mboh tangin tame harak sanya padeih cuh gauk dalam negar (NCA) saong dom chính đảng; daok hu pathau khan anak Nyaom biai Pang-long abap 21 mbang ka dua, tui kuhria hu peih ngak di harei 24-5 tal. Bruk di mbang ndom biai nan hu khan tagok Nyaom biai Pang-long anak tal.

      # Bol lin Phi-li-pin brei thau bahrau pametai hu 37 menuac di kol IS dalam sa mbang taong praong tame labik di kol vũ trang Mau-te angaok pulao Min-đa-nao, gah meraong Phi-li-pin. Dalam dom urang metai nan, hu klau urang In-đô-nê-xi-a saong sa urang Ma-lai-xi-a. Tướng E.A-nô, Tổng tham mưu trưởng dom lực lượng vũ trang Phi-li-pin brei thau, dalam tapon labaih 150 urang dalam kapul vũ trang  Mau-te hu ralo urang negar langiu.  Dalam nan, hu dom urang lac menuac di kol phiến quân Giê-ma-a I-xla-mi-a (JI) di Đông - Nam Á – lac nyaom taong bom bak darah di Ba-li (In-đô-nê-xi-a) thun 2002./.