# Lễ giỗ Đức Quốc Tổ Lạc Long Quân saong pok gilau pahadar Tổ Mẫu Âu Cơ bahrau rah tabiak di Kalan Đức Quốc Tổ Lạc Long Quân angaok ceik Sim, Đền thờ Tổ Mẫu Âu Cơ angaok ceik Vặn, dalam Khu inem mek dakrai sajarah Đền Hùng, Phú Thọ. Dalam praong prang di harei giỗ Tổ, urang pal akaok tỉnh Phú Thọ saong dom urang lambaok hu cuh gilau, pok bingu, pandap panda brei mboh hatai thau dhal phol Đức Quốc Tổ Lạc Long Quân saong Tổ Mẫu Âu Cơ, patui veik saong pambak prong ilamu “Menyum aia hadal tal halau”, gul pataom sa hatung hatai haong gauk, patui veik bruk ngak di ong akaok ong kei, dak padang palei negar dak harei dak kaya meda.

      # Harei 6/4, pak labik pahadar dom Pô Hùng, Mblang bein Dakrai sajarah – Ilamo bangsa, phường Long Bình, Quận 9, Thành ủy, Hội đồng bhap bani, Uỷ ban bhap bani, Ủy ban Mặt trận negar Việt Nam bal raya Hồ Chí Minh peih ngak Lễ giỗ Tổ Hùng Vương - thun Đinh Dậu 2017 ngan haong ralo bruk ngak yau diễu hành rước lễ, cuh gilau, pok bingu, peih ngak dom adat meng kan di dom Ban quý tế cúng Đình Đền. Dalam harei ini, Ban khik iek Mblang bein dakrai sajarah – Ilamo bangsa pambuak haong Thành đoàn, Quân đoàn 4, Bộ Tư lệnh bal raya, dom sang bac đại học, cao đẳng saong dom quận, huyện Đoàn dalam bal raya peih ngak Hội trại truyền thống “ Tự hào but pajaih Tiên Rồng” mbang ka IX; kadha ma-in bhap bani, dom bruk  nghệ thuật meng kan yau tamia rối aia, đờn ca tài tử, quan họ Bắc Ninh.  

     # Peih ngak sarak cakrok patagok, paglaong pren khang ngak bruk ka kapul urang jakar lac bhap bani urang bangsa takik, dom thun tapa, huyện Buôn Đôn, tỉnh Đắk Lắk hu caik hatai tal bruk palih ruah, pato pakai saong paglaong ilamu ka urang jakar. Dalam huyện urak ini hu 1.535 urang jakar, công chức, dalam nan hu 323 urang lac bhap bani bangsa takik.

      # Meng tari tareng, kham merat tabiak truh kathaot, sa-ai Nguyễn Hữu Nhân, daok pak xã Đông Hoàng, huyện Đông Sơn, tỉnh Thanh Hóa hu peih ngak siam mô hình trang trại hacih saong yam tagok ngak meda. Urak ini sa-ai ngak po 2 trang trại prong ngan haong jien mek tame labaih 1 tỉ đồng sa thun saong ba bruk ngak ka 12 urang ngak ngan haong jien mek tame 4-5 triệu/ sa urang dalam sa bilan.

       # Urang nong tỉnh Phú Yên daok laik tame kan kandah tuk yaok rituh hecta padai Đông Xuân jaik yuak ye njauk aia dauk, jaleih abih. Sa-ai Lê Thị Nhị daok pak phường Phú Đông, bal Tuy Hòa brei thau: phun padai daok tasak, dom harei tra lac yuak min jaleih abih saong aia dauk. Thun dahlau baoh sang yuak hu 400 kg/sào min urak ini năng suất trun takik jang meteh.

       # Tui Sở Ngak nong saong patagok palei pala tỉnh Bến Tre, bruk ngak sara dalam dom bilan akaok thun 2017 dalam tỉnh gaok ralo kan kandah, kayua yaom sara trun biar saong langik tasik oh siam ghaih (hajan suan bilan daok mboh ralo) nan ye urang ngak sara njauk klaak taneh saoh oh daok ngak sara  atau salih tapa raong kaya ikan dalam aia. 

     # Piah paglaong pato pakai, khik kajap Đề án Phổ cập giáo dục Mầm non ka ranaih umo 5 thun, dom thun tapa, tỉnh Bạc Liêu hu ralo jalan ngak piah ieu pataom uranaih dalam umo tabiak bac, mai meng nan bo uranaih dalam umo tabiak tal bac dalam dom thun tapa hu jaik 52%, daok uranaih umo 5 thun tabiak bac hu  99,9%.

       Patui di ini khaw tin dunya: 

      # Urang vak di rayo sap ndom Việt Nam daok pak Thái Lan brei thau: Bol lin Thái Lan bahrau hu RAJAEI NEGAR INI brei tapa bruk blei pabak 10 sruh radaih tăng VT-4 di Trung Quốc ngan haong bản hợp đồng jaik 58 triệu đôla. Dom sruh radaih tăng ini hu ba tame biên chế chip piah salih ka dom sruh radaih klaak di Mỹ.

     # Gah Y tế Dunya brei thau, 10 urang njauk Hội chứng viêm jalan suak yava di Trung Đông (MERS) pak sa sang iek ruak di Ả-rập Xê-út. Yau nan min, Gah Y tế Dunya oh brei thau, jalan pambak ruak. Gah Y tế dunya jeng khan lac mbuan hu sa mbang jit bahrau saong hu panuac ieu paglaong bruk pacang cakak jit pak dom sang iek ruak.

      # Hãng tin AP saong Reuters bahrau brei thau, takik abih 100 urang metai saong labaih 400 urang njauk rambuis dalam sa mbang tấn công meng vũ khí hóa học pak tỉnh tây bắc I-lip (Ilib) di Xyri harei 4/4.