# Mesup harei 6-8, di  Vĩnh Phúc, Mintri ngak nong song patagok palei pala  Việt Nam peih Nyaom biai pakat negar pataom iek veik danak dak ilamu Khoa học Công nghệ duh ka bruk padang ngak palei pala bahrau tuk vak 2012-2017 song peih tabiak jalan ngak  tuk vak 2018-2020.

  Hadei di 5 thun peih ngak danak dak palih ruah hu 69 kadha (dalam abih tih  jiak 1.000 bruk ba tabiak) piah ngak, tui dom bruk daok pamaong ngak, lagaih song bruk padang ngak palei pala bahrau; padang ngak hu 147 mô hình ba pandar ilamu kỹ thuật bahrau song pambuak gauk ngak – pablei kaya nong di rilo gah karei karei. Tapa nan, dong labaih 5.000 boh sang urang nong  di jiak  100 xã dok di 40 tỉnh hu kein laba, dong dom tỉnh, HTX salih janih phun pala,  athur raong, mek hu kein laba  KT-XH cambaih laih; rik dong prong dalam bruk padang ngak palei pala bahrau di taneh ia ngan song i 3.370 xã mek hu chuẩn palei pala bahrau. Langiu di nan, danak dak jeng hu peih ngak pato pakai, pasram megru ka labaih 11 ribau urang hu pabak ilamu ka bruk khik ramik  sản xuất tui chuỗi, pandar ilamu kỹ thuật , công nghệ bahrau  

# Meng akaok thun tal ini, gah chức năng ban sit Buôn Ma Thuột, tỉnh Đắk Lắk hu duah mboh 110 mbang urang ngak suan di gah padang ngak saong pandar taneh, rilo meng lac padang sang daok suan hukum angaok taneh ngak nong. Dalam nan, 80 mbang njauk uy mban bhapbini ban sit tabiak bruk taong phạt vi phạm hành chính, ngan saongyaom jien abih tih jaik 420 triệu đồng.

   # Công ty TNHH pandap mbang Amazon bahrau peih pakak song ba tame pandar sang máy ngak tabung cacao song  kẹo chocolate hu angan Bapula daok di  xã Tân Hải, ban sit Phú Mỹ, tỉnh Bà Rịa-Vũng Tàu. Sang máy hu  dây chuyền ngak tui công nghệ Bỉ hu công suất labaih 1 tấn/ bilan. Janih ca cao piah ngak chocolate hu blei di mik va urang nong huyện Châu Đức. Langiu di bruk ngak nan,  labik ni dok hu padang ngak lac  labik padeih takai piah tuai damuai mai rivang iek, duah thau ka bruk ngak chocolate. 

# Sang bac Trung học Cơ sở Phước Thái, huyện Long Thành (t.Đồng Nai) lac sang bac mek hu chuẩn negar hu padang ngak khang kajap saong hu ginup pandap bac ba-a, praong abih di huyện Long Thành ngan saong 44 tan bac saong labaih 1.800 anek saih. Ini lac sang bac pakat 2 hu padang ngak piah pandar dalam jaik 30 thun min barau ba tame pandar 14 thun bo mbaih mbaoh trak. Maong iek meng meta meda mboh, dom haduk bac saong hội trường jeng hu dom klaih praong meng tabung laik trun grauk libik, sàn bê tông kaong trun, geng hành lang ra-ai talah biak nguy hiểm. Urak ini daok dalam tukvak padheih hè, anek saih oh nao bac yau nan ye oh ka hu bala halei rah tabiak.

 # Harei 6/8/2018, di ban sit  Huế, tỉnh Thừa Thiên-Huế hu peih Giải vô địch cờ tướng uranaih umo pakat negar thun  2018. Hu mbaok di  giải thun ni hu labaih  260 vận động viên likei, kamei, mai meng  11 tỉnh ban  dalam taneh ia. Giải pakacah rah tabiak tal abih harei  15/8/2018. 

Khaw tin dunya:

# Hàn Quốc daok rah tapa sa bilan hè biak pandiak. Dom tuai duah nao tal dom bể bơi saong mblang tasik kayua yau nan ye tagok biak rilo. Min pak di labik nan, urang mboh yau drei daok njauk cuh khuah kayua sa janih pandap karei lingiu ia harei, nan lac dom mac quay padauk gindauk meda quay veik mek dom thaot binguk dom urang nan dalam hở hang. Piah daong ka bhapbini hu sahnang hatai, gah cảnh sát hu padang dom kapul ngak bruk ngan saong dom pandap panda barau meda duah mboh mac quay hu padauk dalam dom haduk phlaih khan ao saong haduk manaiy công cộng.

   # Cảnh sát Chicago-Mỹ  brei thau, dalam 3 tuk vak meng  1tuk meteh mesup harei 5-8 rah tabiak  10 mbang  xả súng di  bang ni ngak brei 2 urang metai Langiu di nan, hu takik di abih sa mbang patuh phao mong tame rilo menuac angaok jalan. Dalam dom urang njauk siu phao hu sa uranaih umo 11 thun .. Dom bruk dalam dom mbang cuh phao ni lac dom labik hu pamong dahlau  song pambuak tal dom băng đảng di dom labik nan. Tui kuhria mboh, meng di bilan 1-2013 tal ni , hu labaih  280 mbang patuh phao di grauk labik dalam negar  Mỹ, kuhria rah tapa, yaok adit sa mbang.

  # Mbang megaiy baoh taneh khang 7 độ richter ngak megaiy libik lingiu tasik gah Brak pulao Lombok saong Bali di Indonesia biar harei melam 5/8. Kuhria tal page harei 6-8, hu takik di abih 82 urang metai saong yaok pluh urang karei njauk rambuac kayua mbang magaiy baoh taneh khang 7.0 độ rích-te ngak megaiy dom pulao Bali saong Lombok di Indonesia. Urak ini dom gah chức trách daok ba yaok rabau menuac nao tal dom libik daok gah lingiu piah plaih./.