# Pak Hà Nội, Thủ tướng Nguyễn Xuân Phúc haong urang lambaok dom mentri, ngành saong bal ine Hà Nội mai hu mbaok saong pok gilau pak lễ hội Gò Đống Đa, pahadar jayak Ngọc Hồi - Đống Đa taong tayah labaih 290 ribau quân Mãn Thanh atah di ini 228 thun. Jayak Ngọc Hồi - Đống Đa (1789) hu nao tame dakrai sajarah di bangsa, brei mboh jayak prong di patao Quang Trung gam haong dom tướng lĩnh, bol lin Tây Sơn saong dom urang anek taneh aia Việt khang hatai mesruh metak, van klaak rup drei pacang cakak kaol meblah mek taneh aia, peih paha Kinh thành Thăng Long meng kan piah hu Hà Nội ribau thun văn hiến. 

# Jeng dalam tukvak ini, pak Muyim negar Quang Trung, bal sit Phú Phong, huyện Tây Sơn, urang pal akaok tỉnh Bình Định hu peih ngak dalam prong prang bruk pahadar 228 thun jayak Ngọc Hồi - Đống Đa (1789-2017). Pak ini daok hu ralo bruk ngak ilamo, daoh tamia, padhih… pamere ka tuai damuai mai ma-in akaok thun bahrau.

# Tỉnh Tây Ninh bahrau peih mbaok Hội Xuân ceik Bà Đen thun 2017 pak Khu du lịch negar ceik Bà Đen. Hội Xuân thun ini meda hu peih ngak dalam prong prang ka jalan ngak, hu ralo asal kadha, gam pabak hu hatai caong khin sinh hoạt ilamo, tín ngưỡng, gam rik daong pato pakai ilamu meng kan, ba brei bui sambai saong grap tanat an toàn ka tuai damuai mai rivang labik unem mek luac dalam tukvak rah tabiak lễ hội.

 # Lễ hội Gầu Tào meng kan di bhap bani bangsa Mông gah đông huyện Mường Khương, tỉnh Lào Cai jeng bahrau rah tabiak pak palei Lao Táo, xã Pha Long, dalam tukvak tabiak nao ngak akaok thun, mek hu ralo jayak bahrau. Lễ hội Gầu Tào nan lac lễ hội me-in ceik atau lễ hội likau haniem phol meng kan mai di bangsa Mông pak Lào Cai saong dom tỉnh bhum ceik Tây Bắc, hu peih ngak tukvak akaok thun bahrau, hadei di Tết Nguyên đán.

# Tui Khu Inem mek dakrai sajarah Đền Hùng, tỉnh Phú Thọ, tukvak Tết thun ini,  langik tasik siam laghaih nan ye tuai damuai mai pok cuh gilau pahadar tal dom patao Hùng dalam dom harei akaok thun tagok đột biến. Kuhria meng harei 1 bingun Tết tal ini, hu labaih 6 pluh ribau mbang tuai damuai mai cuh gilau pahadhar tal dom Patao Hùng. Dalam nan, ta-eng harei 4 bingun Tết, hu jaik 2,5 vạn mbang tuai damuai mai Đền Hùng.

# Pak pabah mbang negar pakat duanya Hà Tiên, tỉnh Kiên Giang, yaok harei hu yaok ribau tuai damuai meng Campuchia tapa Việt Nam du xuân - thiếu tá Lưu Đắc Nhanh, Akaok Đồn Biên phòng cửa khẩu dunya Hà Tiên brei thau. Tuai damuai Campuchia mboh ralo mai meng dua tỉnh jaik taphia taphen negar haong Kiên Giang nan lac Kam Pot saong Ta Keo. Min jeng hu gam tuai damuai daok atah jang yau tỉnh Shihanuok Ville, gaok mai meng bal ine Phnom Penh. 

# Pak palei An Mỹ, xã Gio Mỹ, huyện Gio Linh saong xã Vĩnh Nam, huyện Vĩnh Linh, tỉnh Quảng Trị hu rah tabiak hội cù meng kan akaok thun bahrau. Hội cù nan lac lễ hội meng kan mai hu mbaok jaik yaok rituh thun ndung bak ilamo di bhap bani pak tỉnh Quảng Trị hu peih ngak yaok thun. Hội cù akaok thun bahrau nan ;ac tukvak piah ka bhap bani pathram pren yava, tapahia di nan lac harei hội cầu an, cầu phúc, cầu lộc, cầu tài, likau ka hajan siam angin laghaih, mek hu ralo padai, tangiey.

# Hoa hậu Pháp Iris Mittenaere mek hu angan Hoa hậu dunya mbang ka 65 dalam melam chung kết Hoa hậu Hoàn vũ 2016 "Miss Universe 2016" bahrau rah tabiak pak Pasak pablei salih Asia Arena pak bal ine Manila di hilippines. Á hậu 1 hu pok brei ka Hoa hậu Haiti Raquel Pelissier - 25 thun, daok Á hậu 2 hu brei ka urang siam binai mai meng Colombia Andrea Tovar - 23 thun./.