# Bal Hà Nội hu ba tabiak danak dak ka bruk peih ngak Nyaom tapuk Hà Nội mbang ka 4 – thun 2017 ngan haong kadha tapuk saong bruk ngak. Tui danak dak, Nyaom tapuk thun ini meda hu peih tabiak meng harei 22 tal harei 26/9 pak Hoàng thành Thăng Long, tui kuhria hu meng 150 tal  200 gian hàng hu mbaok. Pak nyaom darak, Ban peih bruk meda peih ngak labik parang iek, patabiak tapuk ka chủ đề khởi nghiệp, dom ilamu saong dom kadha bac kinh nghiệm dalam tukvak padang bruk ngak; labik parang iek, khan brei thau ka tapuk brei ka dom nhà xuất bản negar langiu  hu mbaok tame nyaom darak.

#  Sang daoh prong Hà Nội hu peih ngak danak dak rivang ma-in "dak rai sajarah, kiến trúc saong ilamo meng kan”. Danak dak hu dua binah. Binah ka sa, tuai damuai meda duah thau ka dakrai sajarah dak padang saong kiểu kiến trúc di sang daoh; rivang iek dom hạng mục sang daoh... binah dua, tuai damuai meda hu mong iek danak dak daoh tamia Hồn Việt hu dom kadha daoh tamia nghệ thuật meng kan biak siam gheih hu palih ruah kayua dom nghệ sĩ hu angan je ngak.

# Jaik di ini, angaok ralo canah jalan di bal Hải Phòng hu mboh ralo "sân khấu" daoh tamia pahla, rik pataom jien daong brei di mikva. Danak dak daoh tamia ini hu peih ngak tui jalan "taong samar nduac drah", harei ini pak ini, paguh pak hadiah, oh cang tal bruk brei adat. Kadha daok ba tabiak nan lac jien pahla bo dom kapul nyaom daoh tamia ini pataom mek hu njauk buh tame kadung di dom urang nan, lợi dụng hatai jia, bruk ngak pahla di taong abih manuac urang piah thương mại hoá ngak ngak pahla. Dom jabat chức năng, karja puk palei njauk pasang iek ka nyu catang, plaih bruk hu mboh veik tình trạng ini, ngak pambak tal angan je di dom kapul nyaom ngak bruk pahla dalam bal.

    # Ginum biai “Bí mật di baoh tapuk raong ba hatai manuac tui jalan Shichida Nhật Bản” meda hu Nhà xuất bản Kim Đồng saong Viện Giáo dục Shichida Việt Nam pambuak bruk peih ngak pak Hà Nội dalam harei 9.9. Jalan pato pakai Shichida nan lac jalan pato hu meng lavik mai di Nhật Bản. Ngan haong ralo gah mong iek karei di gauk, van ginum biai meda ba mai ralo panuac langyah karei di gauk ka baoh tapuk brei ka dom urang ngak amaik ame jeng yau dom urang ngak tapuk di Viet Nam.

# Ủy ban bhap bani tỉnh Bến Tre bahrau peih bruk pok brei Giải thưởng Văn học nghệ  thuật  Nguyễn Đình Chiểu tỉnh Bến Tre mbang ka II thun 2017. Dalam mbang ini pok brei ini, giáo sư - tiến sĩ  Nguyễn Chí Bền, akaok Hội đồng khoa học Viện Văn học nghệ  thuật  Negar – mentri ilamo padhih saong rivang ma-in nan lac urang oh njauk lac daok di Bến Tre hu pok brei giải thưởng prong glaong ini ngan haong tác phẩm Duah thau ka dom hiện tượng imao bhap bani Bến Tre (xuất bản thun 1997) saong Ilamo Bến Tre (xuất bản 2015). 

     # Pak bal rayo Hồ Chí Minh, Công ty patabiak tapuk bal raya Hồ Chí Minh hu peih van tabiak mbaok – brei tabiak bộ tác phẩm "Nguyễn Bính toàn tập" tukvak pahadar 100 thun harei menek di Nhà thơ Nguyễn Bính. Van taom gaok daok hu mbaok di anek kumei Nhà thơ Nguyễn Bính – amuk Nguyễn Bính Hồng Cầu. Nguyễn Bính – angan biak lac Nguyễn Trọng Bính – ndih tapui thun 1918 pak huyện Vụ Bản, tỉnh Nam Định. Ong hu mong yau sa urang cuak ariya di bhum palei Việt Nam ngan haong dom kadha ariya mbuan puac mbuan kanar.