#  Miuyim sajarah dak rai quân sự VN (HN) barau peih parang iek ““Đại tướng Văn Tiến Dũng – rai diuk saong bruk ngak”. Parang iek hu parang tabiak labaih 300 harak gar, thaot binguk, pandap panda, hu 5 kadha lac: Palei negar,umo ranaih saong dom harei camereip ngak bruk cách mạng di Đại tướng Văn Tiến Dũng; Đại tướng dalam bruk mesruh metak pacang kol prang (1945 - 1954); Đại tướng dalam bruk mesruh pacang kol Mỹ, daong taneh ia (1954 - 1975); Đại tướng dalam bruk dak padang saong khik caga taneh ia palei negar (1975 - 1986); bak hatung bak hatian. Parang iek rah tabiak tal abih harei 15-5.

      #  Pahadar harei peih paha gah meraong negar, yasa taneh ia (30/4) saong harei dunya urang ngak (1/5), dalam dom harei tapa, miuyim Dân tộc học Việt Nam peih dom bruk ngak yau: tamia rối cạn, tamia rối ia, me-in dom kadha me-in bhap bini… hu ba bui sambai chreih chrai ka bhap bini tuk padeih lễ, taphia di nan paglaong bruk ba tangin tame khik ramik inem krung ilamu bangsa. Cambaih laih, dalam bein kiến trúc bhap bini, peih bruk me-in saong pakacah dom kadha me-in bhap bini; di sang Việt: Chơi chuyền, chat talei;  di sang Chăm: bik kayau, me-in quay; di sang rông: nao goòng, pambuak thúng; di sang Ê đê: dui brak, me-in u; di sang Tày: Ô ăn quan, Rải ranh; di sang Dao: blah dok, jhul gai; di sang Mông: taong cầu lông gà (Mông), bik pao (Mông); di sang Hà Nhì: chat bao bố, nao cà kheo (Cao Lan).

      # Pahadar 42 thun harei peih paha gah meraong negar, yasa taneh ia, harei dunya urang ngak 1/5 saong 70 thun harei wa Hồ mbang akaok meti mai rivang tỉnh Hòa Bình, miuyim tỉnh Hòa Bình barau peih parang iek ngan saong kadha “Chủ tịch HCM saong tỉnh Hòa Bình”. Parang iek hu parang tabiak labaih 100 harak gar, pandap panda ka 4 mbang Chủ tịch HCM mai rivang tỉnh Hòa Bình dalam dom thun 1947, 1958, 1962 saong 1964 gam saong ralo arak gar yau thư di wa rivang sua, pok meyaom, pachreih ba bol bala saong bhap bini tỉnh Hòa Bình dalam bruk mesruh metak saong pala drak. 

     # Đại sứ quán Ấn Độ di Việt Nam saong mintri ilamu, Thể thao saong Du lịch barau tabiak mbaok pasak ilamu Ấn Độ piah jhul pakhang bruk taom gaok ndom meyai nao mai ilamu di dua taneh ia. Ini lac sa tổ chức phi lợi nhuận di Đại sứ quán Ấn Độ di Việt Nam, Hội đồng pambuak bruk ilamu saong mintri ilamu di taneh ia ayut. Pasak hu peih dom tal pato Yoga, pato nhạc saong nhạc meng kan, pato sap Anh saong sap Hin-đu, dom tal thủ công mỹ nghệ Ấn Độ, parang me-in daoh tamia, chiếu phim, parang iek, nyaom meyai, peih bruk xúc tiến pambuak tal saong bruk ngak ilamu, pambuak saong dom bruk ngak di bhap bini Ấn Độ di Việt Nam. Hadei di tuk tabiak mbaok, dom học viên di pasak hu parang me-in ralo kadha daoh tamia nhạc meng kan di Ấn Độ.

     # Di Hà Nội, Viện ruah duah Hán Nôm (Viện Hàn lâm Khoa học Xã hội Việt Nam) barau peih nyaom meyai khoa học "Ruah duah tư liệu Hán Nôm ka tasik pulao saong taphia negar di but pajaih Nguyễn Huy daok di huyện Can Lộc, Hà Tĩnh". Nyaom meyai piah taong yaom hệ thống dữ liệu sajarah dak rai di but pajaih Nguyễn Huy daok di Trường Lưu, huyện Can Lộc, tỉnh Hà Tĩnh ngan saong dom tư liệu ka biên giới, tasik pulao VN. Labaih 10 tham luận hu ndom tal dom tư liệu meng abhap 17 tal abhap 20; dom tư liệu ka palei negar saong abih di nyu nan lac ka biên giới, pulao kaoh.

     # Pasak khik ramik inem krung medil Huế barau peih bruk brei thau saong peih ngak danak dak kích cầu “Adit ameh DL di inem krung Huế” mbang sa thun 2017 saong peih pabah mbang Đại Nội tuk melam piah duh tuai DL. Danak dak rah tabiak tal harei 28/4 di dom labik inem krung dalam domg inem krung medil Huế. Dalam tukvak ini, tuai damuai hu maong iek saoh dom bruk ngak brei mboh veik adat cambat dalam văng patao yau: hoạt cảnh Hoàng Thái Hậu hồi cung di Trường lang Tử Cấm Thành, bruk salih gauk khik iek yaok harei di anak Ngọ Môn, daoh Huế di Cung Trường Sanh.  

     # “Khái luận Âm nhạc học” baoh tapuk akaok meti di Việt Nam hu ndom tal tính chất khoa học di gah âm nhạc học kayua Tiến sĩ Nguyễn Thanh Hà ngak chủ biên barau tabiak mbaok di hội tapuk VN mbang ka 4 thun 2017. Meng jalan maong karei, hu taom gaok, hu mboh tapa dom nền pato pakai bahrau, Tiến sĩ Nguyễn Thanh Hà hu ba tal urang puac tapuk baoh tapuk cô đọng súc tích saong ba mai ka urang puac tapuk meta maong tổng quát ka âm nhạc học. Baoh tapuk ini hu duah, pataom, khik ramik, pasiam veik saong ruah duah dom hagait hu pambuak tal âm nhạc, piah cavap caloi panuac tangi sua “âm nhạc lac hagait”. Baoh tapuk jeng hu ndom tal dom hành vi âm nhạc (nan lac bruk sinh lý, bruk thẩm mỹ, bruk sáng táo, bruk parang me-in saong tiếp nhận hành vi) di dom bangsa, dom taneh ia jeng yau menuac urang dahlau daih saong urak ini./.