# Di palei ilamu – pahat – sirah  dom bangsa Việt Nam (Đồng Mô, Sơn Tây, Hà Nội) daok rah tabiak rilo bruk ilamu, nghệ thuật ngan saong kadha “Bilan dane sap Tây Bắc”. Hu labaih 30 nghệ nhân di dom bangsa: Tày (Thái Nguyên), Thái (Nghệ An), Mường (Hòa Bình), Khơ Mú (Điện Biên), Ê Đê (Đắk Lắk), Khmer (Sóc Trăng) hu mbaok tame ngak dom bruk ilamu, taom gaok ndom biai nao mai di labik dom palei bangsa.

        # Pasak ngak phim truyền hình – Rayo papar binguk Việt Nam (VFC) bahrau tabiak  bộ phim truyền hình “giờ vàng” bahrau hu angan ieu lac Zippo, mù tạt saong adei. Phim ndom ka bruk meyut meyau di dom ayut meng tuk daok lac sinh viên mbiah tal tuk praong tagok saong rilo canah jalan, ndung bak dom kadha ka bruk anit ranam baoh sang, talei rohim di dom urang ngak bruk haong gauk dalam raidiuk bahrau urak ini.

      # Parang iek pakat dunya Phim saong Công nghệ truyền hình 2016 bahrau rah tabiak di Hà Nội. Parang iek hu 350 gian hàng di 200 đơn vị mai meng 15 taneh ia hu nền công nghiệp điện ảnh, truyền hình patagok yau Mỹ, Đức, Nhật Bản, Hàn Quốc, Ấn Độ, Thổ Nhĩ Kỳ, Trung Quốc, Malaysia, Thái Lan, Singapore…

      # Di Gilang tapuk tỉnh Khánh Hòa, 59 thí sinh (umo meng 6-15 thun) mai meng 8 huyện, ban sit dalam tỉnh Khánh Hòa hu mbaok tame Harei pataom uraniah dak dalikan tapuk thun 2016. Ngan saong kadha “Hadah miat hatai jia”, dom thí sinh hu ba tal Harei pataom 21 kadha, dalikan ka urang siam, bruk siam, urang naih gheih dalam ngak mbang, pala drak, dak padang saong khik caga taneh ia, dom kreih camin hadah di taong abih gah dalam raidiuk bo dom adei hu thau tapa dom blah tapuk, dom harak báo…

      # Pasak Nhịp cầu Văn hóa Việt Nam di Hàn Quốc bahrau peih ngak hu siam mekre Harei Ilamu Việt Nam di Hàn Quốc mbang yaka 2 di Hội quán văn hóa quận Dongdaemun, ban ine Seoul. Ini lac sa dalam dom bruk ilamu yaok thun piah pabak ka urang Việt Nam daok di Hàn Quốc, tapa nan patagok talei jum pataom, ndom biai nao mai saong yaih khan dom siam mekre taneh ia, palei negar urang Việt Nam tal bhap bini Hàn Quốc.

       # Vở kịch ô-pê-ra Các-men (di urang soạn nhạc Gioóc-giơ Bi-dét) dane angan meng taneh ia Prang bahrau hu parang me-in di Nhà hát ban raya Hồ Chí Minh. Ini lac sa dalam dom vở kịch ô-pê-ra kinh điển di dunya, mbang akaok meti taong abih phiên bản gốc hu padang ngak di Việt Nam, kayua dom ca sĩ sô-lô urang Việt Nam, Prang, Thái-lan saong Hàn Quốc parang me-in. Danak dak ini kayua Nhạc viện ban raya Hồ Chí Minh saong Công ty Lys Event ngak, tui hatai sahneng mboh di nghệ sĩ vĩ cầm urang Prang asal Việt angan Nguyễn Hữu Nguyên./.