# Di tuk pahadar 88 thun harei MT negar Việt Nam (18/11/1930 - 18/11/2018), Phó akaok negar, amuk Đặng Thị Ngọc Thịnh hu mbaok di harei roya jum pataom abih bangsa di ấp Đồng Tâm, xã Tam Lập, huyện Phú Giáo, tỉnh Bình Dương. Ấp Đồng Tâm hu 335 sang gam saong labaih 1.800 menuac di 6 bangsa lac Kinh, Tày, Nùng, Khmer, Sán Chỉ saong Cao Lan. Thun 2018, hu 325 sang mek hu angan baoh sang ilamu, meblah 95%.  Bruk ngak mbang kinh tế di dom baoh sang cakrok patagok tani tanat

# Harei pataom bingu Tam Giác Mạch mbang ka IV di Hà Giang hhu rah tabiak dalam dom harei meng 23/11 tal abih bilan 11/2018 ngan saong kadha “MIỀN HOA – LAN TỎA” piah pok meyaom dom yaom glaong ilamu saong pren diukrai khang kadang di mikva dom bangsa daok di angaok Cao nguyên patau Đồng Văn, huyện Đồng Văn, tỉnh Hà Giang. Harei pataom thun ini daok hu sangka yaih khan dom yaom glaong ilamu, inem mek sajarah, danh lam thắng cảnh dalam huyện Đồng Văn saong bhum Công viên địa chất toàn cầu Cao nguyên đá. Lingiu di nan, tapa dom bruk ngak di harei pataom, hu panuac iei da-a urang buh jien tame ngak mbang piah ba gah du lịch dalam huyện cakrok patagok.

# Tỉnh Trà Vinh bahrau peih ngak Dự án palei ilamu, du lịch Khmer saong yaom phun jien buh tame ngak jaik 26 tỷ đồng. Dự án hu ngak meng ini tal thun 2020. Urak ini Trà Vinh daok hu labaih 300.000 urang bangsa Khmer saong 142 baoh baha Phật giáo Nam tông Khmer hu padang ngak tui ilamu di bangsa Khmer . Dom rija, roya meng kan di bhap bini Khmer lac: Ok Om Bok, Sene Đolta, Chol Chnam Thmay. Dalam nan, Ok Om Bok hu Mintri ilamu, Thể thao saong Du lịch pok brei angan lac inem krung ilamu phi vật thể pakat negar. Ini lac kadha piah ka tỉnh Trà Vinh jhul khang bruk du lịch ilamu saong tâm linh.

# Meng harei 16 -29/11, khán giả Việt Nam mead hu maong iek dom phim gheih abih di dunya tapa harei pataom Phim Châu Âu 2018. Bruk ini hu peih ngak mbang yaka 19 ngan saong rilo phim biak gheih hu pilih ruah tani tanat saong hu asal kadha ka baoh sang, ka Gia đình. Thun ini, 13 phim hu ba tabiak chiếu pamere urang Việt, brei mboh dom bruk, dom kadha karei di gauk dalam raidiuk, baoh sang di urang Châu Âu. Rilo phim dalam nan mek hu dom giải thưởng hu angan je brei ka dom khán giả hu umo thun karei di gauk, meng uraniah, dam dara tal urang praong thun, yau ye Lilly - Chú cá nhỏ, Vượt biển, Chơi đẹp, Bản hoan ca của biển... Harei pataom phim piah ba mai ka urang takre điện ảnh dom chreih chrai, bui sambai.

# Meng akaok thun tal ini, gah chức năng dalam taneh ia hu thụ lý jaik 500 bruk hiếp dâm uraniah. Yaok thun, dom jabat y tế giám định jaik 2000 uraniah mboh yau najuk xâm hại. Labaih 80% urang njauk xâm hại tình dục lac dom uranaih kumei. Min nan lac dom bruk hu khan brei thau, biak di nyu daok hu rilo jang. Makna ba tal bruk xâm hại tình dục uranaih tagok rilo lac meng kayua suy đồi đạo đức, jalan diukrai di dom menuac urang dalam xã hội, bruk takik caik hatai sangka di amaik ame saong bruk pambuak gauk di sang bac, di amaik ame anek saih saong xã hội dalam bruk khik iek uraniah oh ka catang.

Liau tapa dom khau tin dunya njauk caik hatai:

# Kapul khik caga quyền lợi tuia damuai di Mỹ (WATCH) bahrau ba tabiak angan dom pandap me-in nguy hiểm abih dalam thun 2018. Tui pathau khan bahrau abih di kapul WATCH, dang akaok dom pandap me-in oh siam lac harum tangin hu kakau atah di "Chiến binh báo đen" saong mbaik ndao katak "5 adei sa-ai siêu nhân". Dom pandap me-in ini meda ngak khut meta di uraniah. Lingiu di nan, phao pandap me-in, thú nhồi bông atau búp bê cải bắp jeng daok dalam angan pandap jhak oh siam. Lambaok kapul WATCH brei thau, dalam thun 2018, tui kuhria mboh, hu 240.000 mbang uraniah njauk rambus kayua dom pandap me-in.

#Sa blah thư vak di thun 1922 di nhà vật lý thiên tài Albert Einstein bahrau hu ba tabiak pablei to yaom 32.000 USD, lac jaik 750 triệu đồng. Dalam blah thư payua ka adei kumei, Einstein brei mboh duh hatai ka bruk “bài Do Thái” daok tagok di Đức, dalam tukvak nan Đức quốc xã oh ka tagok pan karja. 3 bilan hadei di tuk payua thư ini, Einstein mek hu giải Nobel Vật Lý. Tuk Đức daok ala bruk cai trị của phát xít, Einstein tah klaak quốc tịch Đức bloh tapa daok di Mỹ.

# Amuk Michelle Obama, dahlau daih lac diuk di Tong thống Mỹ Obama bahrau tabiak mbaok baoh tapuk hồi ký angan lac Becoming. Amuk Michelle Obama hu ký tặng bản sao di dom baoh tapuk hồi ký ka dom urang puac tapuk di sa hiệu sách di Chicago. Dalam baoh hồi ký, amuk Michelle brei thau ka dom kan kandah dalam bruk hôn nhân di amuk saong urang dahlau daih ngak Tổng thống Barack Obama saong bruk ndih tapui anek, jeng yau raidiuk tuk amuk jeng “đệ nhất phu nhân” asal Phi akaok meti di taneh ia Mỹ./.