# 300.000 angan tapuk, 30 triệu bản tapuk, 180 jabat hu mbaok tame saong labaih  900 gian hàng. Nan lac bruk njauk biai Harei pataom tapuk bal raya HCM mbang ka X meda rah tabiak di Mblang bein Lê Văn Tám meng harei 19-3 tal abih harei 25-3. Di mbang pataom tapuk ka X ini, meng dom jabat hu mbaok tame, meng dom số lượng gian hàng, akaok tapuk saong baoh tapuk ba mai, harei pataom tapuk bal raya HCM daok brei mboh labik dang “Pataom tapuk prong abih dalam negar”.

# Pak bal Móng Cái, tỉnh Quảng Ninh bahrau peih bruk padang ngak veik lễ tế đàn Xã Tắc piah khik ramik, patagok saong pok glaong dom yaom dakrai sajarah, ilamo meng kan di lễ tế đàn Xã Tắc saong inem mek dak rai sajarah ilamo đền Xã Tắc. Taphia di bruk ngak adat cambat daok hu dom kadha ma-in bhap bani yau: Cờ manuac, pakacah tram chim, tram menuk... Danak dak hu peih ngak pakat baltui kuhria hu labaih 1.000 urang hu mbaok tame.

# Pak Hà Nội, baoh sách ảnh du-dua sap Anh - Việt ndom ka Trường Sa di urang kamei ngak báo Mỹ Trà ngan haong kadha “Trường Sa – Labik drei nao tal” hu tabiak mbaok urang puac. Ngan haong 150 blah thaot hu palih ruah meng yaok ribau khoảnh khắc di nhà báo Mỹ Trà dalam 2 mbang nao ngak bruk di pulao tasik Trường Sa (thun 2016 - 2017).. Dom blah thaot ini brei mboh ralo cảm xúc saong ilamu nghệ thuật, ndung bak gah dalam dom hatai tự hào ka chủ quyền pulao tasik. 

# Ban Peih ngak Lễ hội đền Cao bal sit Chí Linh (tỉnh Hải Dương) bahrau peih bruk taduan mek bằng Inem mek dak rai sajarah pakat negar quần thể inem mek đền Cao saong peih hội meng kan thun 2018. Quần thể  inem mek đền Cao nan lac inem mek dakrai sajarah, pambuak pagam haong dom jayak praong di 5 urang tướng họ Vương, daong ka patao Lê Đại Hành jayak kaol khamang Tống meblah mek taneh aia di abap ka X.

# Pak Hà Nội saong bal raya HCM, Báo Thể thao saong Văn hóa (Thông tấn xã Việt Nam) bahrau peih bruk palih ruah Giải thưởng Âm nhạc Cống hiến mbang ka 13-2018. Dom angan đề cử giải thưởng Âm nhạc Cống hiến mbang 13-2018 hu 9 hạng mục lac: Nhà sản xuất di thun, Music Video di thun, Kadha daoh di thun, Nghệ sĩ bahrau di thun, Album di thun, Dom danak dak di thun, danak dak di thun, Nhạc sĩ di thun saong  Ca sĩ di thun hu brei thau di harei 5/2. Dom urang ngak báo meda buh phiếu palih ruah ka  giải thưởng Âm nhạc cống hiến mbang ka 13-2018 tui dom angan đề cử ini. 

# 22 nữ họa sĩ mai meng 4 negar  Đông Nam Á  lac  Myanmar, Malaysia, Thái Lan saong Việt Nam hu mbaok dalam mbang parang iek “Khúc ca xuân” pak Nam Kinh, Trung Quốc. Mban peih bruk brei thau, parang iek hu 50 tác phẩm hội họa ralo chất liệu saong phong cách di 22 urang kamei họa sĩ, piah jhul patagok, pambuak pagam nghệ thuật dalam khu vực. Mbang parang iek rah tabiak di cổng Hoàng Thành, bal Nam Kinh, Trung Quốc./.

Jasi/VOV HCM