# Urak ini, tỉnh Điện Biên hu 14 lễ hội bhap bani, adat cambat tanarakun saong tín ngưỡng di dom bangsa takik hu roh duah, pataom khik, cih vak veik jeng tư liệu. Hu dom lễ hội praong yau: Lễ Gạ ma thú (lễ cúng bản, Tết meng kan di bangsa Hà Nhì); Lễ Uan kaok padai bahrau (lễ cúng bản di bangsa Si La); Likau hajan di bangsa Thái (gah Thái jhuk)...

     # Mentri Ilamo, Padhih saong Rivang ma-in pambuak haong Sở Ilamo, Padhih saong rivang ma-in tỉnh Lào Cai bahrau peih tal pato ilamo phi vật thể bangsa Bố Y thun 2016 ka 53 anek saih lac urang bangsa Bố Y daok di xã Thanh Bình, huyện Mường Khương. Hu mbaok tame tal bac, dom anek saih hu pato veik dom kahda ma-in đồng dao di urang Bố Y tui jalan gam daoh gam ma-in, yau pala phun jru pahe, cầu nương, aia bulan, cờ vua, daoh jalan nao… Tapa nan, paglaong hatai caong khik ramik saong patagok ilamo bangsa Bố Y pak puk palei.

     # Gul pataom ba gauk patagok bruk ngak mbang kinh tế, patruh eik patrun kathaot nan lac asal kadha praong dalam bruk “Taong abih bhap bini gul pataom dak padang rai diuk ilamo” pak palei Lọng Tòng, xã Nậm Lạnh, huyện Sốp Cộp, tỉnh Sơn La. Meng jalan ngak ini, meng thun 2011 tal thun 2015, Lọng Tòng thun halei jeng khik kajap angan palei ilamo pakat huyện. Tal urak ini, taong abih baoh sang dalam palei hu 3 công trình hợp vệ sinh (aia hacih, sang menei, sang jaman). Bruk daoh tamia, ma-in padhih pahcreih hu ralo mikva hu mbaok tame.

     # Pasak ilamo, brei thau saong padhih huyện Sa Thầy, tỉnh Kon Tum pambuak gauk peih tal pato taong cồng chiêng, tamia xoang ka dam dara, uranaih bangsa takik daok dalam huyện. Hu mbaok tame tal bac hu 150 anek saih umo meng 11 tal 14 thun bangsa Gia Rai saong Hà Lăng daok dalam dom palei: Khúc Na, Bình Long, Lung Leng saong Kà Bầy. Dalam dua bilan, dom anek saih hu dom nghệ nhân di puk palei tacei pato ilamu taong cồng chiêng; dom ragu ragam di cồng chiêng; parang me-in dom ragam tamia xoang meng kan di bangsa drei.

     # Trại sáng tác mỹ thuật bal Đà Nẵng thun 2016 daok rah tabiak ngan haong bruk hu mbaok di 14 họa sĩ Việt Nam. Tamat trại sáng tác, dom tác phẩm meda hu ba nao parang iek pak Muyim Mỹ thuật Đà Nẵng.

     # Nao gam haong  Euro, 2 urang thiết kế thời trang Chula saong Ly Vũ bahrau peih van trình diễn thời trang ngan haong kadha “Thời trang saong Tea bỉar harei” số bilan 6. Dalam mbang trình diễn ini, angan je Chula tabiak bộ sưu tập pachreih tui Giải vô địch caoh mbanh châu Âu 2016. 24 thiết kế lambaok ka 24 đội tuyển hu mbaok dalam Euro 2016 saong kadha praong nan lac rup binguk biak karei di yaok taneh aia hu cih meng tangin tagok dom plah khan ao nan./.