# Harei pataom Tamia dunya kayua Cục Nghệ thuật biểu diễn dang tabiak ngak, pambuak haong Cục Pambuak bruk dunya, Vụ Kế hoạch Tài chính, Hội Nghệ sĩ Tamia VN, Sở Ilamo Padhih saong Rivang ma-in tỉnh Ninh Bình pak ngak pak tỉnh Ninh Bình. Harei pataom tui kuhria hu pieh ngak dalam bilan 9.2017 di tỉnh Ninh Bình, pataom hu dom gah tamia naih gheih dalam negar saong ralo taneh aia langiu angaok dunya. Tapa nan, dom urang khik iek, dom nghệ sĩ tamia Việt Nam hu jalan piah mong iek veik, taong yaom bruk tamia urak ini.

     # Mentri Ilamo Padhih saong Rivang ma-in bahrau hu Quyết định jao ka Cục Nghệ thuật biểu diễn dang tabiak, pambuak haong Hội Nghệ sĩ sân khấu Việt Nam, Sở Ilamo Padhih saong Rivang ma-in tỉnh Nam Định saong dom jabat pambuak  tal peih “Bruk pakacah Tài năng ranaih me-in Kịch nói chuyên nghiệp pakat negar thun 2017” dalam bilan 5.2017 pak tỉnh Nam Định. Bruk pakacah piah duah dom tài năng ranaih di gah kịch nói, taphia di nan lac tuk piah ka dom diễn viên ranaih hu taom gaok, klah rabha ilamu, duah mboh dom kadha bahrau dalam bruk ngak nghệ thuật.

     # Melalm nhạc ngak pahla “Thần tượng - Đồng hành” bahrau rah tabiak di Pasak Nyaom biai negar, Mỹ Đình. Tui ong Lee Dae Joong, Akaok pasak Ilamo Hàn Quốc di Việt Nam melam nhạc "Thần tượng - Đồng hành" nan lac danak dak daoh tamia oh kuhria tal bruk duah laba, kayua Đại sứ quán Hàn Quốc pak Việt Nam saong Mentri Ilamo Padhih saong Rivang ma-in Việt Nam peih tabiak. Bruk ngak ini piah pahadhar 25 thun padang talei rohim pambuak bruk nao mai di Việt Nam saong Hàn Quốc.

     # Pak Bal raya Hồ Chí Minh, Mentri Ilamo padhih saong rivang ma-in pambuak haong Uỷ ban bhap bani tỉnh Bình Dương peih họp báo brei thau ka Harei pataom Đờn ca tài tử (ĐCTT) pakat negar mbang ka 2. Tui nan, Harei pataom ĐCTT pakat negar mbang ka 2 thun 2017 meda rah tabiak meng harei 8 tal harei 12-4 di tỉnh Bình Dương, hu mbaok di dom nghệ nhân đờn, ca tài tử, dom  nghệ sĩ mai meng 21 tỉnh bal gah meraong.

     # Mentri Ilamo, padhih saong rivang ma-in pambuak haong Ban Tuyên giáo Trung ương, Kapul dam dara Cộng sản Hồ Chí Minh pakat negar, Mentri Pato megru bahrau peih bruk pakacah Festival Nhiếp ảnh trẻ 2017 ngan haong kadha "jalan sahneng ranaih, jalan mong ranaih”. Taong abih bhap bani Việt Nam umo meng 18 tal 35, daok saong ngak bruk dalam negar saong negar langiu hu payua tame pakacah ralo abih di 8 blah thaot, brei mboh dom kadha dalam rai diuk bahrau, anek manuac, ilamo, phong cảnh, bruk dak padang saong khik iek palei negar. mBan peih bruk taduan mek thaot payua mai pakacah tapak di labik: http://www.festivalnhiepanhtre2017.com tal abih harei 30-6. 

      # Pak bal ine Hà Nội, bal raya Hồ Chí Minh, bal sit Vinh (tinh Nghệ An), bal sit Huế (tinh Thừa Thiên - Huế) bahrau rah tabiak Harei pataom phim sap Prang thun 2017. Hu 11 bộ phim di dom negar dalam taneh aia ndom sap Prang, ngan haong ralo kadha pagap yau: Ame dahlak nan lac thei (Bỉ); Peih meta mong  (Tuy-ni-di); Biệt thự prong, Blah khan khăn choàng màu bhong (Ma-rốc); Khinh miệt, Tình tay ba, Gus bé nhỏ và bầy chim di cư (Pháp); Cô bé Heidi (Thụy Sĩ), Là Laurence thôi (Ca-na-đa).  Điện ảnh Việt Nam hu mbaok dua bộ phim Ame saong anek haong..., Mỹ nhân. Taong abih dom phim jeng hu phụ đề sap Yuan  saong sap Prang./.