# Thủ tướng Raja-ei Nguyễn Xuân Phúc bahrau hu panuac tacei pato ka bruk pasiam veik dom gilang tapuk bhap bani dalam negar di Công văn ka 4343/VPCP-KGVX payua ka Mentri Ilamo padhih saong rivang ma-in, UBND dom tỉnh, bal dalam TƯ. Tui nan, Thủ tướng pandar Mentri VHTTDL samar pasang iek veik, taong yaom dom gilang tapuk bhap bani urak ini di taong abih gah, ba tabiak jalan ngak pasiam veik dom gilang tapuk bhap bani tui jalan di di Nghị quyết ka 19-NQ/TW di Nyaom biai mbang ka 6 Ban Chấp hành Trung ương khóa XII, khan brei Thủ tướng raja-ei thau dalam BILAN 5.2018.

# Pahadar 128 thun harei menek Chủ tịch Hồ Chí Minh, pak Hà Nội hu peih parang iek “60 thun Sang ton Wa Ho dalam Khu Phủ Chủ tịch”. Mbang parang iek hu parang tabiak 200 tư liệu thaik binguk, dom blah bản thảo hu bút tích ngan haong 3 binah asal kadha nan lac: Chủ tịch Hồ Chí Minh saong dom baoh sang ton di Chiến khu Việt Bắc; Baoh sang ton Wa Ho di bal ine Hà Nội; Sang ton Wa Ho - biểu tượng di jalan saneng, đạo đức, phong cách Hồ Chí Minh saong hatai gul pataom bangsa, mbeik drei yam tame dunya.

# Harei pataom nghệ thuật daoh Then, capi Tính pakat negar thun 2018 bahrau peih ngak di bal sit Hà Giang, tỉnh Hà Giang. Gam haong dom kadha daoh Then, capi Tính… dom trích đoạn nghi lễ Then ngak pachreih hatai urang mong iek. Ngan haong ralo bruk ngak yau biểu diễn daoh Then, đàn Tính; Padang ngak veik trích đoạn nghi lễ Then; parang iek dom janih pandap du lịch, kaya nong biak karei di dom bhum palei. Mban peih bruk Harei pataom hu pok brei 31 giải A, 30 giải B saong 24 giải C di dom asal kadha: Biểu diễn daoh Then, capi Tính; Trích đoạn nghi lễ Then; parang iek labik meyaih khan pandap panda.

# UBND tỉnh Ninh Bình bahrau brei thau, Công ty cổ phần Du lịch Tràng An hu harak payua ka UBND tỉnh Ninh Bình saong Đoàn Thanh tra liên ngành likau dui atah tukvak yah klaak công trình gai kanjal bê tông atah 510m ngan haong labaih 900 bậc kanjal  meng bê tông cốt thép padang ngak suan adat angaok Cái Hạ dalam khu inem mek Tràng An. Urak ini UBND tỉnh jeng daok mong iek kiến nghị ini di doanh nghiệp. Tui panuac langyah di Công ty, bruk yah klaak suai yau nan kayua gaok ralo kan kandah yau kurang urang ngak,  angaok labik ceik glaong dalam tuk njuak khik siam ka inem mek… nan ye tukvak yah klaak suai jang. Urak ini UBND tỉnh daok meng iek kiến nghị ini di doanh nghiệp.

# Adit Ilamo - Du lịch Lý Sơn tỉnh Quảng Ngãi mbang ka 1 ngan haong kadha “Lý Sơn - sa truyền thống, sa bản sắc” tui kuhria meda peih ngak meng harei 29.6 tal harei 3.7, ngan haong ralo bruk ilamo, padhih, rivang ma-in yau: parang iek angan “Lý Sơn – inem mek ilamo pulao tasik”; harei pataom phượt - Phượt Fest Lý Sơn ngan haong bruk hu mbaok di jaik 1.000 urang phượt gruk labik dalam negar; danak dak nghệ thuật ndung bak asal ilamo pulao tasik Lý Sơn ..v.v.. Tui nan, Lý Sơn daok hu peih ngak adat taduan raok harak brei angan inem mek pakat tỉnh di pulao Bé (xã An Bình) saong darak melam ẩm thực, đặc sản Lý Sơn...

# Pak mblang caoh mbal (dit blaong) Văn Lâm, UBND xã Phước Nam (Thuận Nam) tỉnh Ninh Thuận bahrau peih ngak danak dak văn nghệ-thể thao uan raok Ramưwan 2018. LABAIH 500 diễn viên saong VĐV hu mbaok tame danak dak daoh tamia di urang Cam saong đồng diễn võ thuật Karatedo; caoh mbal giao hữu di dom dam dara xã Phước Nam haong dam dara dom xã Phước Hậu, Phước Hữu (Ninh Phước). Ini lac bruk ngak ilamo – padhih di urang jakar saong bhap bani puk palei uan raok Ramưwan 2018 saong pahadar 128 harei menek di Chủ tịch Hồ Chí Minh (19/5/1890- 19/5/2018)./.