** Pacit daa Po Hùng - Lễ hội Đền Hùng thun Mậu Tuất – 2018 kayua Ủy ban bhap bani tỉnh Phú Thọ dang tabiak ngak, hu mbaok 4 tỉnh, bal nan lac: Thái Nguyên, Quảng Nam, Bình Dương saong Kiên Giang rah tabaik dalam 5 harei, meng harei 21 tal 25.4.2018 (njauk tame harei 6 bingun tal 10 bingun bilan 3 saka aia bulan). Adat cuh gilau pahadhar dom Po Hùng saong raok kiệu lễ vật kayua bal Việt Trì peih ngak dalam harei 20.4 (nan lac harei 5 bingun bilan 3 Mậu Tuất);  Lễ Giỗ Quốc Tổ Lạc Long Quân peih ngak di kalan Đức Quốc Tổ Lạc Long Quân - Labik inem mek dak rai sajarah Đền Hùng harei 21.4 (njauk tame harei 6 bingun bilan 3 Mậu Tuất). Pacit daa Po Hùng - Lễ hội Đền Hùng brei mboh adat “menyum aia hadar tal halau aia”, thaw dhal phol dom Po Hùng saong dom ong akaok ong akei buh pren padang taneh aia saong khik iek palei negar; pakajap bruk gul pataom taong abih bhangsa.

* * Muyim sajarah negar Hà Nội pambuak haong dom muyim di Việt Nam saong klau Muyim negar Đức nan lac: Herne, Chemnitz, Reiss-Engelhorn gam peih bruk parang iek “Báu vật khảo cổ học Việt Nam”. Tapa bruk parang iek ini, jaik 300 kaya pandap tiêu biểu meng jaman Tiền sử tal jaman Lê Trung Hưng (abap  XVII- XVIII) hu meyaih khan tal bhap bani tui klau asal kadha: “Báu vật khảo cổ học jaman Tiền sử”; “Báu vật khảo cổ học jaman Kim khí”; “Báu vật khảo cổ học jaman dakrai sajarah”.  Parang iek “Báu vật khảo cổ học Việt Nam” tamat dalam bilan 7.2018.

  ** Dự án palei bích họa Đà Nẵng bahrau ba tame pandar, taduan raok bhap bani saong tuai damuai mai rivang iek. Palei bích họa Đà Nẵng daok di quận Hải Châu, atah 1.500m. Dự án ini mai meng hatai saneng di dom urang jakar Đoàn phường Phước Ninh (quận Hải Châu), hu padang ngak meng dom blah rup cih ka địa danh, ilamo saong anek manuac Đà Nẵng. Palei bích họa ba mai labik trải nghiệm ilamo saong dak padang cộng đồng dalam nan hu tuai damuai saong bhap bani puk palei tapa ralo bruk ngak chreih chrai, yau: darak parang pandap mbang bhap bani saong khu lưu niệm, daoh tamia, ma-in kadha ma-in bhap bani…

** Pasak Nghệ thuật đương đại Vincom (VCCA) - Hà Nội hu peih parang iek “Bút Lực”, meyaih khan dom blah rup cih gheih abih di họa sĩ Phạm Lực – sa dalam dom urang hu angan di hội họa Việt Nam. “Bút Lực” meyaih khan tal bhap bani  60 blah rup cih di họa sĩ Phạm Lực hu palih ruah meng bộ sưu tập prong jaik 700 blah rup cih di ong. Kadha gheih mekre dalam blah rup cih di họa sĩ Phạm Lực kandaong veik dalam dom tác phẩm bình dị, jaik taphia haong rai diuk di bhap bani Việt Nam yau phong cảnh palei pala, hatung hatian anek amaik, rup binguk urang kamei, bruk ngak mbang ngak huak yaok harei. Parang iek peih pabah mbang tal abih harei 20.5.

** Muyim tỉnh Ninh Thuận hu peih parang iek di tuk pahadar 43 thun peih paha Ninh Thuận” (4/1975-4/2018). Meng labaih 300 kaya pandap, thaot binguk, tư liệu ka bol lin saong bhap bani Ninh Thuận dalam bruk mesruh metak taong Mỹ, daong taneh aia, parang iek piah hadar veik dakrai sajarah mesruh metak cách mạng, dom thun bilan bak apui saong darah, hadah hadai dalam dakrai sajarah mesuh metak pacang cakak ngoại xâm di bangsa; pok glaong saong thau dhal phol dom rik daong, var klaak rup drei di bol lin saong bhap bani Ninh Thuận dalam bruk taong Mỹ daong taneh aia. Parang iek jeng parang ralo kaya pandap, thaot binguk saong blah rup cih ka dom jak jeng bo tỉnh mek hu dalam luac 43 thun tapa. Parang iek rah tabiak tal abih bilan 7-2018.

** Harei pataom thanh long Bình Thuận mbang ka I/ thun 2018 tui kuhria rah tabiak dalam adit kreh bilan 10/2018 (meng 19 - 22/10) pambuak pagam haong dom bruk ngak pahadar 23 thun Harei Du lịch Bình Thuận (24/10/1995 - 24/10/2018) saong Nyaom biai pambuak bruk patagok du lịch Việt - Nga thun 2018. Labik rah tabiak dom bruk di harei pataom nan lac bal Phan Thiết ngan haong 3 labik praong nan lac: jalan Nguyễn Tất Thành (meng jalan Tôn Đức Thắng tal mblang bein Đồi Dương), khu đô thị tasik Rạng Đông saong jalan Nguyễn Đình Chiểu (khu du lịch Hàm Tiến - Mũi Né). Harei pataom Thanh long Bình Thuận gam meyaih khan ka pren khang di thanh long Bình Thuận, gam ngak jeng dom kadha pachreih tuai damuai mai rivang iek Phan Thiết - Bình Thuận./.