# Di labik inem mek sajarah negar Canah klau Đồng Lộc, huyện Can Lộc, tỉnh Hà Tĩnh, mBan peih bruk pahadar 50 thun Jayak Đồng Lộc (24/7/1968 – 24/7/2018) hu peih pakak công trình kalan kakuh canah klau Đồng Lộc saong ba tame pandar.Công trình ini hu ngak meng thun 2015, di angaok ceik Mác (taphia tháp chuông canah klau Đồng Lộc), kayua mBan khik iek labik inem mek canah klau Đồng Lộc pambuak haong Công ty TNHH MTV pasiam veik công trình ilamo Việt ngak dự án hu padang 14 hạng mục, saong yaom jien buh tame ngak abih tih labaih 35,6 tỉ đồng meng jien xã hội hóa.

       # Festival Ilamo Cồng chiêng Tây Nguyên thun 2018 meda hu peih ngak di tỉnh Gia Lai di kreh adit bilan 11 thun 2018. Tui asal danak dak, ralo bruk meda hu 5 tỉnh Tây Nguyên pambuak gauk peih ngak yau: Lễ hội jalan phố; Padang ngak veik dom adat cambat, lễ hội meng kan di 11 bangsa takik labik nan; parang iek bruk pasiam chiêng; Ngak tượng kayau bhap bani, pak yot, menyim jih dalah, khan ka sử thi Tây Nguyên; Nyaom biai ka bruk khik ramik yaom glaong ilamo cồng chiêng; Parang iek, angui cuk khan ao bhangsa... 

     # “Khik ramik, patagok asal ilamo bangsa gah kreh negar dalam jaman salih bahrau – mbeik drei yam tame saong cakrok patagok khang kajap taneh aia” nan lac angan kadha di Harei pataom ilamo dom bangsa gah kreh negar mbang ka III thun 2018 meda rah tabiak di bal Tam Kỳ (Quảng Nam) meng harei 15 tal harei 17/8 anak tal. Ini lac bruk ngak kayua Mentri   VHTTDL pambuak haong UBND tỉnh Quảng Nam peih ngak, hu mbaok di labaih 1.000 diễn viên, vận động viên lambaok ka 20 bangsa mai meng 13 tỉnh, bal gah kreh negar (meng Thanh Hóa tal Bình Thuận) saong Muyim Ilamo dom bangsa Việt Nam.

# Gah Động vật châu Á bahrau daong brei 65.000 USD ka Bein negar Yok Đôn (Đắk Lắk) piah salih bruk du lịch pandar lamen pak ini, piah ka tuai damuai oh daok ndik lamen yau urak ini. Hadei di Bein negar Yok Đôn (Đắk Lắk) salih tapa bruk du lịch thân thiện, lamen hu nao mai tự do dalam labik ini yaok harei, oh njauk kak takai yaom lac oh hu tuai damuai; lamen oh daok njauk còng dua takai anak, atau njauk kak takai tuk melam mai... Ini lac jabat akaok meti ngak tui jalan ini piah peih prong danak dak tabiak grauk tỉnh saong grauk labik dalam negar hadei ini.

      # Dalam 2 harei 28 saong 29/7 anak tal, vở nhạc kịch daneiy angan “Der Freischütz - Nhà thiện xạ” hu parang me-in di Sang daoh TP HCM. Vở nhạc kịch hu đạo diễn David Hermann pagam haong bối cảnh Việt Nam dalam dalikan. Langiu di nan,  bruk vak kịch bản ndung bak suan yava Việt, gam haong dom ca sĩ urang Yuan meda ngak jeng vở nhạc kịch bahrau, brei ka urang di TP HCM tui jalan di sa tác phẩm daneiy angan di Đức. Piah daong ka urang mong iek mboh hu abih asal dalam kadha saong dom thông điệp hu payua tal dalam vở nhạc kịch, “Der Freischütz - Nhà thiện xạ” meda hu parang me-in meng sap Yuan ka puac ndom biai, daok panuac daoh meng sap Đức. 

   # 50 anek saih, sinh viên bal ine Hà Nội meda hu mbaok dalam danak dak về nguồn trải nghiệm gam haong inem krung ilamo oh mboh di meda di Pasak ilamo bal ine peih tabiak meng harei 25/7 tal 10/8. Dom ayut meda hu mai palei Triều Khúc, huyện Thanh Trì duah thau tamia trống bồng, nao rivang sang  taha nghệ nhân Hoàng Trọng Kha (quận Ba Đình) duah thau daoh hát văn, mai Tranh Thôn, huyện Phú Xuyên pang daoh ca trù, mai đình Hào Nam, quận Đống Đa mong iek chèo saong chầu văn.

# NXB Chính trị Quốc gia-Sự thật di Việt Nam hu tabiak veik mbang ka dua baoh tapuk “Việt Nam – Taneh aia con Rồng cháu Tiên” meng sap Yuan. Baoh tapuk “Việt Nam- Taneh aia con Rồng cháu Tiên” tabiak mbaok mbang akaok mereip di thun 2007 meng sap Nga, hu 222 blah. Dalam mbang tái bản di thun 2010, hu pabak dom kadha chreih chrai ka Việt Nam, hu 258 blah in. Baoh tapuk ini hu xuất bản meng sap Yuan mbang akaok meti di thun 2013. Baoh tapuk “Việt Nam - Đất nước con Rồng cháu Tiên” jeng hu gah Nga ba tame meyaih khan di dom harei ilamo Việt Nam pak Liên bang Nga. Urang Nga hu mong iek baoh tapuk lac “Bách khoa toàn thư ka rai diuk Việt Nam” saong thun 2007 hu karja bal Vladivostok (Nga) pok brei harak meyaom./.