** Dalam bui sambai chreih chai di bilan Giáng sinh saong salam uan thun bahrau, tuai damuai mai tal Công viên Hồ Tây (Hà Nội) dalam tukvak ini meda hu mboh labik yau  Giáng sinh châu Âu. Dalam labik bui sambai ma-in langiu langik, tuai damuai mboh yau hu yam tame dom labik yau “Bein bingu Tuyết mbong”, “Túp lều Giáng Sinh”, Phun thông saong ong taha Noel prong, talei phun Thùy Dương bilan tuyết laik…

** Danak dak daoh tamia “Melam Việt Nam 6” hu rah tabiak bloh di Pasak Nyaom biai negar  Hà Nội pataom mbaok ralo urang daoh hu angan  yau: Nguyễn Hưng, Đàm Vĩnh Hưng, Hồ Ngọc Hà, Đức Tuấn,  Quang Dũng, Linh Nga, nghệ sĩ Saxophone Trần Mạnh Tuấn.  “Melam Việt Nam 6” ngan haong kadha "Tình ca melam Noel" lac pandap biak ấm bilan Giáng sinh dalam dom harei brak li-an pak Hà Nội. Kadha praong di danak dak lac bruk hu mbaok di dàn diễn viên Sang daoh Bông Sen – bal raya HCM ngan haong dom kadha yau:  "Phật bà ribau meta ribau tangin", "Chim công"... Ini lac dom kadha tamia biak prong prang saong gheih meta gah dàn dựng padang ngak. 

    * Pak Hà Nội hu rah tabiak bruk pahadar 60 thun padang Hội Nhạc sĩ Việt Nam saong danak dak daoh tamia ngan haong kadha "60 thun nao gam haong bangsa". Dalam luac 60 thun, dom nhạc sĩ hu nao gam haong bangsa, meng nan paneh tabiak dom kadha  daoh tamia bất hủ, pachreih hatung hatai manuac urang. Meng 50 nhạc sĩ harei akaok mereip padang tagok di thun 1957, dom nhạc sĩ - nghệ sĩ hu angan je yau Nguyễn Xuân Khoát, Đỗ Nhuận, Lưu Hữu Phước, Phan Huỳnh Điểu, Lương Ngọc Trác... hu peih tabiak sa jalan sáng tạo ka âm nhạc chuyên nghiệp Việt Nam. Tal harei ini hu blaoh 22 nhạc sĩ lac Hội viên Hội Nhạc sĩ Việt Nam hu pok brei Giải thưởng Hồ Chí Minh, 120 nhạc sĩ mek hu Giải thưởng Karja ka văn học nghệ thuật.

** Bruk pok meyaom urang hu angan je, nhân sỹ trí thức saong doanh nhân naih gheih bangsa takik pakat negar mbang ka 1 thun 2017 hu peih tabiak pak Hà Nội, hu mbaok 512 urang naih gheih. Bruk nan piah pok meyaom dom kareih camin naih gheih dalam bhap bani urang bangsa takik dalam dom gah pato megru, ilamo, y tế, cakrok patagok kinh tế- xã hội bhum urang bangsa takik saong bhum ceik. Ini jeng lac tukvak piah ka urang hu angan je, nhân sỹ trí thức saong doanh nhân naih gheih taom gaok, bac megru ilamu di gauk saong pambak prong dom kareih camin naih gheih bhap bani urang bangsa takik dalam bruk ngak mbang pala drak, padang ngak palei pala bahrau.

* Mek meneing jien mek tame meng inem krung piah peih bruk pasiam veik, ngak bahrau dom inem mek dakrai sajarah karei daok khut, njauk pasiam veik di tỉnh. Ini lac jalan ngak bahrau di tỉnh Khánh Hòa dalam bruk pasiam veik dom inem mek, inem krung patrun naong trak kadung jien karja. Tui pasak khik ramik inem mek tỉnh Khánh Hòa, urak ini dalam tỉnh hu 59 inem mek njauk pasiam veik. Pasak kham merat tal thun 2020, taong abih inem mek dalam tỉnh hu pasiam veik piah duh ka  bhap bani jeng yau tuai damuai mai rivang iek.

   # Dalam chreih chai bui sambai di melam Giáng sinh saong salam uan thun bahrau 2018, Sang uranaih Bình Thuận peih ngak danak dak “Taom gaok ong taha Noel” saong “Salam thun bahrau – 2018” di melam ini 24 -12 ngan haong ralo asal kadha biak hu yaom brei ka uranaih. Tui nan dalam danak dak, dom adei hu taom gaok, ndom biai nao mai haong ong taha Noel tapa thử thách vũ điệu Noel, hóa trang jeng ong taha Noel, mong iek dom kadha tamia Rối, daoh tamia, Hiphop nghệ thuật angaok jalan phố saong hu mbaok dalam Lễ hội Salam uan thun bahrau. Taphia di nan, dalam mblang bein, sang uranaih trang trí dom cụm mô hình Noel piah ka dom adei mai ma-in saong thaot binguk. Langiu di nan, dom gian hàng Noel, pandap mbang menyum saong kadha ma-in meda duh ka uranaih saong amaik ame mai ma-in luac meng 16h – 21h30./.