** Pak Hà Nội, Cục Mỹ thuật, Nhiếp ảnh saong Triển lãm (Mentri VHTTDL)  ba tabiak bruk parang iek blah rup cih biếm họa ndom ka “Pacang, caga tham nhũng”. Pacang caga tham nhũng nan lac sa kadha daok hu menuac sia sangka, jeng lac sa đề tài prong piah sáng tác dalam gah ilamo, nghệ thuật. Manuac urang hu mbaok tame mbang pakacah nan lac công dân Việt Nam umo meng 18 thun tagok. Blah rup cih biếm họa brei nao parang iek hu cih meng thun 2016- 2018. Yaok urang hu payua ralo abih 10 blah. Dalam blah rup cih meda hu gam panuac ndom atau oh hu. Tukvak payua tác phẩm meng 4-7.9.2018. BTC meda jao brei 1 giải Nhất yaom 30 triệu đồng. Langiu di nan daok hu 3 giải nhì, 6 giải ba, 10 giải khuyến khích saong giải thưởng ka tác giả hu blah rup cih parang ralo thun di abih saong sit thun di abih.

** Meng harei 10-25.6.2018, khu du lịch Sun World Fansipan Legend peih ngak adit Bingu hướng dương 2018 dalam nan hu ralo asal kadha yau: mong iek mbon bingu hướng dương prong yaok ribau m2 daok nerak, pakacah thaot binguk “Thei gheih jang bingu” ngan haong giải thưởng hấp dẫn, dom danak dak biểu diễn nghệ thuật, darak phiên Tây Bắc saong màn diễu hành di dom drei athaih jayak dalam mbang Nyaom pakacah athaih Bắc Hà 2018… Daok taphia jalan tame quảng trường ga nao cáp treo Fansipan dalam khu du lịch Sun World Fansipan Legend, mbon ceik bingu hướng dương prong yaok ribau m2 daok nerak bingu, pachreih ralo tuai damuai mai mong iek bingu di takai ceik Hoàng Liên. Tui urang khik iek khu du lịch, piah hu mblang taneh pala bingu hướng dương prong yau nan, jaik 4 triệu phun hướng dương hu pala meng akaok bilan 4 saong pala patui gauk gam gam piah khik ka nyu nerak bingu dui atah dalam luac bilan hè. Rah tabiak dalam kreh bilan 6, njauk tame tukvak mbon ceik bingu hướng dương nerak ralo di abih, adit Bingu hướng dương Fansipan 2018 daok ba mai ka tuai damuai ralo kadha kan var hu

** Lễ khai mạc Harei Baoh sang Việt Nam 2018 rah tabiak dalam melam 22.6 pak pasak Parang iek ilamo nghệ thuật Việt Nam. Ralo danak dak giao lưu ilamo  nghệ thuật hu peih ngak dalam tukvak ini, ngan haong dom asal kadha  yau: Diễn xướng adat chầu văn dom palei ngak, giao lưu nghệ thuật Sap daoh urang prong thun, harei pataom daoh tamia bhap bini: Kadha bui sambai baoh sang. Dua asal kadha parang iek “Pandap tinh hoa gia tộc nghề saong palei ngak meng kan Việt Nam” saong “Baoh sang ilamo puac tapuk” jeng lac kadha gheih mekre di mbang parang iek ini. Jeng dalam dom bruk di Harei pataom ini, daok hu ralo bruk ngak karei. Dahlau di nan, harei pataom daoh tamia “Kadha bui sambai baoh sang” pachreih hu 12 đơn vị dalam Công đoàn Khối Inem mek – Ilamo puk palei (Công đoàn Mintri VHTTDL) hu mbaok tame. Ini lac tukvak piah ka dom baoh sang công đoàn viên dalam Khối hu taom gaok, ndom biai nao mai, pambuak kajap hatai ranam saong jak gauk iek prong yaok baoh sang lac yaok tế bào xã hội.

** Pasak Khik ramik Inem mek Cố đô Huế brei thau meda peih ngak danak dak “Âm sắc Hoàng Cung” di tuk melam kuhria meng harei 1.7. Danak dak nghệ thuật ini hu peih ngak di Sang daoh Duyệt Thị Đường, khu inem mek Hoàng Cung Huế. Gam haong danak dak ini, pasak jeng meda peih ngak dom bruk ilamo nghệ thuật karei dalam tour Đại Nội di tuk melam. Pasak hu pambuak bruk  haong Sở Du lịch tỉnh Thừa Thiên Huế biên soạn asal kadha thuyết minh chuẩn ka dom labik inem mek dakrai sajarah ilamo. Urak ini, hu biên soạn asal kadha thuyết minh ka dự án Audio Guide di 5 labik: Đại Nội, chùa Thiên Mụ saong dom kalan Tự Đức, Khải Định, Minh Mạng. Meng yaom jien buh tame ngak labaih 16 tỉ đồng meng jien xã hội hóa, dự án Audio Guide pandar 12 sap ndom, dalam nan hu ralo sap ndom takik mboh yau sap Tây Ban Nha, Bồ Đào Nha, Đức, Ý...Kuhria tal abih harei 18.6, khu inem mek Huế taduan raok hu jaik 1,75 triệu mbang tuai, dalam nan hu tuai dunya jaik 1,2 triệu mbang, tagok labaih 37%. Taong abih jien mek tame meng bruk pablei vé tham quan hu labaih 195 tỉ đồng.

** UBND TP Nha Trang (t.Khánh Hòa) brei thau, hadei di tuk báo chí brei thau ka bruk “srau dhau” bảng hiệu, biển quảng cáo dalam tỉnh, jabat hu nao pasang iek, xử lý. Kapul urang pasang iek liên ngành bal Nha Trang pasang iek, duah mboh bruk ngak suan saong ngak biên bản, taong phạt hành chính 9 đơn vị ngan haong yaom jien 104 triệu đồng kayua dom labik ini meyaih khan pandap panda oh vak meng akhar Việt, vak akhar negar langiu hu khổ akhar tapa 3/4 khổ akhar Việt angaok bảng hiệu. Langiu di nan, dom xã phường jeng ngak biên bản 151 cơ sở, taong phạt 5 labik ngan haong yaom jien 14,2 triệu đồng kayua ngak suan gah tuan bảng hiệu, biển quảng cáo sap negar langiu suan adat hukum…/.