*  Tỉnh TT-Huế bahrau peih pakak Pasak Nghệ thuật Điềm Phùng Thị dalam Pasak  Nghệ thuật Lê Bá Đảng saong Điềm Phùng Thị. Ini lac labik khik piah 367 tác phẩm hu yaom ngan haong 498 hiện vật di urang điêu khắc daneiy angan Điềm Phùng Thị; ngak jeng “phố bảo tàng” tui jalan Lê Lợi rah tui kraong Hương, bal Huế. Tui Bách khoa toàn thư mở Wikipedia, Điềm Phùng Thị  nan lac sa angan je prong di gah điêu khắc dunya, hu angan je dalam Từ điển La Rousse: Nghệ thuật abap XX; Viện sĩ Thông tấn Viện Hàn lâm Khoa học, Văn học saong Nghệ thuật châu Âu…

# Ban Hải Phòng barau tabiak Quyết định brei padang Hội đồng taong yaom rup patau 12 anek thak di libik du lịch dunya Hondau Resort, ngak srau kadau di tukvak tapa. Hội đồng hu brei bruk taong yaom, ngak cambaih bruk parang iek 12 rup patau anek thak padang di libik du lịch dunya Hondau Resort hu ngak suan tui adat pakauk ka dom bruk ilimo saong pablei salih dịch vụ ilimo công cộng hai oh, meng nan hu jalan langyah tui adat hukum. Dahlau di nan bein rup patau 12 anek thak  "khỏa thân" padang di libik du lịch dunya Hondau Resort, ngak srau kadau ngan saong rilo hatai sahneng karei di gauk. 

* Tukvak 30-4 saong 1-5, pak Khu du lịch Suối Tiên bal raya HCM, taphia dom bruk ma-in bui sambai bhian randap daok hu show diễu hành “Việt Nam gấm hoa” brei mboh kadha siam mekre, grauk labik dalam negar. Pak sân khấu Sang daoh Bến Thành - Quận 1 dalam melam 1/5 hu vở cải lương Thầy Ba Đợi hu mbaok labaih  60 nghệ sỹ dalam gah Meraong saong langiu Barak. Ini lac vở diễn pahadar 100 thun harei tabiak rai bộ môn nghệ thuật cải lương saong lac vở diễn akaok meti hu bruk pambuak gauk di  nghệ sỹ dua gah..v..v...

  # Di libik du lịch Sen Vàng, xã Diễn Thành, huyện Diễn Châu, uy mban bhapbini barau peih parang iek bản đồ saong tư liệu “Hoàng Sa, Trường Sa – dom bằng chứng sajarah saong pháp lý”. Parang iek yaih khan 154 tư liệu quý meng abap XVII tal akaok abap XX pambuak tal chủ quyền dua pulao kaoh Hoàng Sa saong Trường Sa di Việt Nam. Dom chứng cứ sajarah saong pháp lý di mbang parang iek ini brei thau chủ quyền oh meda kamlah hu di Việt Nam ka dua pulao kaoh Trường Sa saong Hoàng Sa”.

*  Salam uran pahadar 43 thun Harei gah Meraong peih paha yasa taneh aia (30/4/1975-30/4/2018),  tukvak 21h00 harei 30.4, mBlang bein Ilamo Đầm Sen bal raya HCM hu cuh pháo bingu ngan haong ralo janih pháo nghệ thuật piah pahadar 43 thun harei peih paha gah meraong saong yasa taneh aia harei 30.4.  Taphia di nan, Đầm Sen hu trang trí salam uan lễ 30.4 meng sa bản đồ Việt Nam glaong 13m, prong 8m, hu pagam yaok rituh baoh nduan la saong truac hadah anak quảng trường Âu Lạc. ini lac labik hadah abih dalam melam 30.4, ngak brei patagok bruk biak praong dalam  harei pahadar yasa taneh aia./.