# Harei pataom ilamo dom bangsa tỉnh Phú Yên mbang ka 9 thun 2016 bahrau rah tabiak di bal sit Hai Riêng, huyện bhum ceik SÔNG Hinh. Harei pataom pachreih hu labaih 800 diễn viên, nghệ nhân bhap bani saong yaok ribau urang, tuai damuai dalam saong langiu negar. Harei pataom hu meyaih khan dom  ilamo meng kan, padhih, kadha ma-in bhap bani di 31 bangsa adei sa-ai daok dalam tỉnh Phú Yên.

      # Pak mblang bein pasak tỉnh Bình Định bahrau rah tabiak danak dak peih mbak Lễ hội du lịch hè 2016 ngan haong kadha “Quy Nhơn – Bình Định – mai bhum tasik hadar”. Bruk ngak ini piah meyah khan dom pren khang du lịch Quy Nhơn - Bình Ðịnh; pamong tal dak padang Lễ hội du lịch hè jeng harei roya yaok thun di du lịch Bình Ðịnh, piah daong pachreih dak harei dak ralo jang tuai damuai dalam saong langiu negar mai haong tỉnh ini.

        # Cục Nghệ thuật biểu diễn pambuak haong Kapul Nghệ sĩ tamia Việt Nam bahrau peih “Mbang pakacah Tài năng ranaih Biên đạo tamia pakat negar - 2016” pak bal raya Hồ Chí Minh. Mbang pakacah piah pok meyaom dom tài năng ranaih dalam gah biên đạo tamia; pok meyaom bruk roh duah, sáng tạo di dom nghệ sĩ dalam tukvak ngak nghệ thuật tamia. Mbang pakacah jeng lac labik piah ka dom biên đạo ranaih hu taom gaok, klah rabha bruk ngak, bac megru ilamu, paglaong chất lượng sáng tác saong biểu diễn nghệ thuật, thau dom quy chuẩn dom bruk pakacah khu vực saong dunya…

      # Hội Mỹ thuật bal Đà Nẵng bahrau peih trại sáng tác Mỹ thuật ngan haong kadha “Palei pala bahrau, đô thị văn minh thun 2016”, hu mbaok 24 trại viên. Hadei di 6 harei nao duah thau tapak, dom trại sinh ngak hu 22 tác phẩm điêu khắc, 26 tác phẩm hội họa. Hội Mỹ thuật bal Đà Nẵng hu peih mbang parang iek ngan haong kadha "Sambo màu – Taneh saong apui" pak mblang bein Đất nung Thanh Hà, bal Hội An, tỉnh Quảng Nam.

      # Pahadar harei baoh sang Việt Nam 28.6, Nhà xuất bản Kim Đồng brei  tabiak bộ tapuk “Nao gam ánh sáng” hu 15 tập. Ấn phẩm hu thau tal yau sa  bộ truyện tranh drut droi ka baoh sang Hikaru – sa uranaih tự kỷ. Dom hagait rah tabiak dalam rai diuk di baoh sang Hikaru hu brei mboh biak gheih, biak dalam. Meng jalan taom gaok biak tapak ka dom hagait rah tabiak dalam rai diuk, tác giả Keiko Tobe hu brei ka urang puac mboh hu cambaih laih ka sa baoh sang Nhật Bản urak ini piah pasang drei tame dalam yaok blah tapuk.

     # Tỉnh Phú Yên bahrau peih bruk parang iek tư liệu lac Hoàng Sa, Trường Sa nan di Việt Nam saong parang iek mỹ thuật ka “Taneh riya, anek manuac Phú Yên” pak bal sit Hai Riêng, huyện bhum ceik Kraong Hinh. Hu jaik 50 tác phẩm bản đồ, harak ba-ar, thaik binguk meng abap XVI tal ini di Việt Nam saong ralo taneh aia angaok dunya, yau phiên bản dom văn bản Hán Nôm, Việt ngữ, Pháp ngữ hu dom jaman patao  Việt Nam patabiak; bản đồ Đại Nam nhất thống chí jaman patao Minh Mạng saong brei mboh taong abih dom baoh pulao prong di Việt Nam…/.