# Phaok Thủ tướng Vũ Đức Đam njauk hatai haong bruk caong khin di Rayo sap ndom Việt Nam ka bruk dak padang saong papar riyak Kênh Pren yava saong pandap mbang hacih sa-at salih ka Kênh papar sap angaok riyak FM Cảm xúc. Phaok Thủ tướng jao ka Mentri Thông tin saong Truyền thông brei adat tui thẩm quyền saong dom adat hukum urak ini.

    # Katê thun 2016 di bhap bani Cam Bình Thuận meda rah tabiak meng harei 29– 30/9/2016 pak Bimon Pô Sah Inư Phan Thiết. Adat praong hu peih ngak dalam harei 30/9, dalam nan hu dom adat yau salam uan harei Katê 2016, hadei di nan lac adat meng kan yau adat angui cuk khan ao bahrau ka Pô Sah Inư, adat raok kiệu saong khan ao di Po tagok bimon. Patui di nan lac dom adat peih pabah mbang, adat raco menei ka patau Linga – Yoni, adat cuk khan ao saong iew amuk akei angaok bimon. Pablak tame dom adat cambat lac dom danak dak  daoh tamia ndung bak ilamo meng kan.

      # Dalam dua harei 10 saong 11/9 tal, Muyim Bangsa bac meda peih danak dak bui ma-in Trung thu ka uranaih ngan haong kadha duah thau dom janih ilamo di bhap bani bhum kraong ribaong Bạc Liêu. Danak dak hu dom bruk ngak yau: pang nghệ nhân bhap bani pato tacei tapak ngak pandap ma-in Trung thu; ngak tò he, ngak bingu la meng tapung; ngak cốm Vòng; ngak har dẻo; pathram cakak tỉa baoh bingu;  ramik talam salao har Trung thu saong dak dalikanka Trung thu; ma-in dom kadha ma-in bhap bani...

      # Pak tỉnh Kiên Giang, Cục Mỹ thuật, Nhiếp ảnh saong Triển lãm dalam Mentri Ilano, Padhih saong Rivang ma-in bahrau peih parang iek thaot binguk nghệ thuật Việt Nam 2016. Parang iek hu parang tabiak 250 blah rup thaot, dalam nan hu 118 blah hu angan “Roh duah bhum taneh gah meraong” saong 133 blah hu angan tự do. Parang iek hu parang tabiak dom blah rup thaot hu chất lượng glaong, brei mboh ka rai diuk di manuac sia Việt Nam, dom salih bahrau saong dom jak jeng  dalam tuk salih bahrau  – mbeik drei yam tame angaok dom gah kinh tế - chính trị, ilamo – xã hội…

      # Nhà xuất bản Kim Đồng bahrau peih bruk pakacah vak ka palao tasik palei negar brei ka uranaih grauk labik dalam negar, hu angan iew lac “dom dalikan ndom ka pulao tasik”. Bruk pakacah brei ka uranaih umo meng 9-15 thun, diuk rai saong bac megru dalam negar. Kadha payua tame pakacah oh tapa 500 akhar, oh ka đăng báo atau in tapuk, payua mai ka Phòng Truyền thông, Nhà xuất bản Kim Đồng, 22 Hàng Chuối, Hà Nội. Ralo giải thưởng cá nhân saong tập thể hu khan brei thau saong jao giải dalam bilan 12 tal.   

      # Tui jalan pambuak bruk ilamo di dua negar Việt Nam saong Đức, meng harei 6/10 tal, pak 3 muyim prong di Đức meda rah tabiak mbang parang iek Báu vật khảo cổ học Việt Nam ngan haong labaih 200 pandap khảo cổ học hu duah mboh dalam 60 thun mai ini. Dalam nan hu 13 pandap di khu inem mek Mỹ Sơn hu mbaok dalam mbang parang iek ini nan lac rup patau Siva, limo thần Nanđin, Gajasimha, rup patau Laksmi, rup patau Dikpala, linga saong dom pandap trang trí meng haluk am./.