# Akok Mentri Ilamu, The thao saong Du lich tabiak bruk brei harak meyaom ka Nghệ sĩ Ưu tú Giang Quốc Cơ song Nghệ sĩ Ưu tú Giang Quốc Nghiệp kayua mek hu  xuất sắc dalam mbang pakacah duah urang joi di Vương quốc Anh thun 2018. Dua adei sa-ai Quốc Cơ – Quốc Nghiệp ngak xiec brei ka urang maong iek di dunya saong Viet Nam hadar miat, rik tame yaih khan thaot binguk Viet Nam tal ayut sahabat di dunya.

# “Tri thức bản địa - Mạch sinh nguồn sống”lac angan di mbang parang iek birau peih ngak di Ha Noi piah yaih khan jeng yau pok meyaom dom ilamu siam gheih di dom bangsa takik di Viet Nam. Prang iek hu yaikkhan tal bhap  bini ban ine dom blah thaot binguk di 20 bangsa takik  mai meng 16 tỉnh dalam taneh ia yau: Tapuk rup thaot “dalikan di urang bangsa Mông”; Phim tai lieu  “ Khik glai tamo” di urang bangsa Tày, Lạng Sơn; Dom tapuk rup thaot ka Rija akok thun di bang sa Dao, tỉnh Bac Can; tapuk “ dalikan tapen ia” di bangsa Ê Đê, tỉnh Đak Lak…

# Meng ini tal harei 30 bilan 8, Harei pataom baoh kayau Nam bộ mbang ka 14 thun 2018 hu peih tabiak di Khu du lịch Văn hóa Suối Tiên, Quận 9, Ban raya Hồ Chí Minh. Harei pataom piah yaih khan tal tuai damuai dom ilamu siam ghieh, dom janih boah kayau yamen bingi di bhum taneh kraong ribaong Nam bộ saong piah meyaom dom bruk ngak hu dalam pala drak di mikva urang nong.

# Dom baoh tapuk vak ka dom adei urang naih di Hà Ngọc Nga hu tabiak mbaok urang puac tapuk meng harei 5/6 . Klau baoh tapuk nan lac: "Bé con của mẹ ơi", "Con đường mình thích nhất thế giới" saong "Đi ngủ thôi các bạn ơi". Ba baoh tapuk sit nao tal urang puac tapuk, urang vak caong khin hu daong dom amaik ame saong anek di drei yam tapa dom kan kandah tuk umo 3 thun saong thau hu dom tukvak biak karei piah daok pato ba anek, jeng yau ba mai dom siam lagaih di abih ka dom anek sit di drei.

#“Quỳnh búp bê” lac bộ phim atah 30 tap, ndem ka bruk pablei urang kumei, taong paok, kateik greik urang tame ngak kumei main ngan saong dom bruk kandauk dalam nao gam saong thar vak di yaok urang dalam phim hu ba tagok riyak papar binguk meng harei 15/6. Phim nan kayua Pasak ngak phim Truyền hình Việt Nam ngak dalam thun 2018. Ini jeng lac phim brei mboh bruk mai veik di đạo diễn, NSUT Mai Hồng Phong – urang abih hatai jai saong tuk halei jeng khin ngak phim ka bruk xa hoi .