# Pahadar 127 thun harei menek Chủ tịch Hồ Chí Minh (19/5/1890 - 19/5/2017),  mBan Tuyên giáo Trung ương saong Miuyim Hồ Chí Minh pambuak gauk peih parang iek “Dom kreih camin hadah njauk pok meyaom”. Tapa jaik 300 thaot binguk, harak gar, pandap panda, parang iek brei mboh bruk bac megru saong ngak tui jalan hadah krah siam mekre di Wa Hồ hu Đảng saong Karja drei ba tabiak hadei di tuk Chủ tịch Hồ Chí Minh palang lihik saong hu abih urang Đảng, abih bhap bini, abih urang lin bac megru, ngak tui. Parang iek rah tabiak tal akaok bilan 7 tal di Miuyim Hồ Chí Minh.

# Harei pataom baoh sang Việt Nam thun 2017 hu peih tabiak meng harei 24 - 28/6/2017, di pasak parang iek ilamu nghệ thuật Việt Nam, Hà Nội. Dalam dom harei nan, hu peih ngak rilo bruk pachreih tui yau: Parang iek “baoh sang dalam panuac pandao, panuac pandit, ragu daoh bhap bini Việt Nam”; Parang iek rup cih, rup patau ka baoh sang, ka bruk gheih mekre di urang kumei. Taphia di nan lac dom bruk taom gaok, ndom biai nao mai, parang me-in: Ginum biai “Jalan paglaong bruk likhah caga, baoh sang di Việt Nam urak ini"; Nyoam biai “Pok meyaom dom baoh sang urang bangsa takik ngak mbang naih joi saong hu ilamu dalam ban Hà Nội thun 2017”.

# Meng harei 16 tal harei 17/5, Bol bala bhap bini Việt Nam hu peih bruk pok meyaom 127 kreih camin urang lin ngak tui bruk jak ba "Patagok ilamu meng kan, buh pren yava tabiak ngak, njauk haong angan bộ đội Cụ Hồ". Ini lac dom kreih camin hadah lambaok ka dom gah, dom đơn vị quân sự địa phương, dom học viện, sang bac, dom kapul hu mbaok tapak dalam bruk lao động sản xuất, lambaok dam dara, urang kumei.

# Meng akaok bilan 5/2017,  Sở Du lịch ban raya Hồ Chí Minh peih ngak danak dak  biểu diễn nghệ thuật đường phố piah duh ka bhap bini saong tuai du lịch, hu angan ieu lac Ho Chi Minh City Street Show. Ini lac dom danak dak nghệ thuật đường phố hu neh tabiak tui kadha. Rah tui jalan nao takai Nguyễn Huệ lac 6 cụm sân khấu parang me-in sa mbang haong gauk dom janih nghệ thuật karei di gauk. Danak dak rah tabiak di harei car saong harei adit yaok adit.

# Meng harei 11 tal harei 14/6, di palei lụa Hội An, tỉnh Quảng Nam hu peih Festival Ilamu tơ lụa Việt Nam-châu Á 2017. Festival Ilamu tơ lụa Việt Nam-châu Á 2017 piah pok meyaom bruk ngak lụa tơ tằm di Việt Nam yau Vạn Phúc, Hội An, Mã Châu, Bảo Lộc, An Giang, Thái Bình, pachreih dom labik ngak, dom nghệ nhân khik ramik dom yaom glaong ilamu meng kan di bangsa./.