1./Cục Ilamu Cơ sở bahrau hu harak pathau khan payua tagok Mintri Ilamu, Thể thao saong Du lịch, ba tabiak jalan peih ngak lễ hội, pasang iek bruk ba lễ hội ginuh kubao Đồ Sơn tabiak truh angan inem krung ilamu phi vật thể pakat negar.

2./Di Hà Nội, Công ty Cổ phần đấu giá ka 5 – di negar bahrau peih họp báo, brei thau ka bruk pablei đấu giá dom pandap klak hu yaom gah sajarah, ilamu, pandap trang sức hu pagam dua asar patau Ruby sao Yên Bái; saong dom pandap nghệ thuật di nghệ nhân palei Kiêu Kỵ. Ini jeng lac dom kiệt tác nghệ thuật hu yaom sajarah – ilamu biak glaong hu khik piah saong daok biak siam

3./Di Miuyim tỉnh Lào Cai, Cục Mỹ thuật, Nhiếp ảnh saong Triển lãm di Mintri Ilamu, Thể thao saong Du lịch pambuak bruk haong Sở Ilamu, Thể thao saong Du lịch tỉnh Lào Cai peih parang iek rup thaot “Duah thau Việt Nam”, uan Thun Du lịch pakat negar 2017 - Lào Cai - Tây Bắc saong pahadar 110 thun harei padang tỉnh Lào Cai.

4./ Sở Ilamu, Thể thao saong Du lịch ban sit Cần Thơ bahrau peih mbaok “Harei pataom ilamu darak angaok kraong Cái Răng” thun 2017. Dalam dom harei tapa, di labik darak nan hu rah tabiak rilo bruk yau ye diễu hành kapal gilai du lịch angaok kraong; dom bruk pablei salih angaok kraong; pakacah  thuyền rồng, dom kadha me-in meng kan di bhap bini, labik pablei pandap meng kan, pablei salih dom janih baoh kayau; dom labik pable pandap mbang menyum, ahar di gah Nam Bộ; daoh đờn ca tài tử…

5./ Tạp chí Vietnam Heritage bahrau tabiak bruk pakacah Rup thaot inem krung Việt Nam mbang ka 6 thun 2017. Asal kadha di mbang pakacah thun ini hu: Lingik tasik, ilamu oh mboh di meta, ilamu mboh di anak meta, raidiuk. Dalam nan, bruk nyaom darak di dom bhum palei dalam taneh ia lac sa kadha bahrau dalam mbang pakacah thun ini. Urang pakacah di 2 janih lac ảnh đơn saong ảnh bộ hu thaot dalam 5 thun kuria meng bilan 9-2017.

6./Miuyim Chứng tích chiến tranh ban raya Hồ Chí Minh bahrau peih parang iek ngan saong kadha “Những khoảnh khắc lịch sử” di tuk pahadar 70 thun harei Thương binh, liệt sĩ 27.7. Ngan saong 4 asal kadha lac: Quảng Ninh; Hà Nội 12 harei melam thun 1972; Quảng Bình thun 1972; Bei Gon thun 1975… Parang iek Những khoảnh khắc lịch sử hu peih tabiak tal abih harei 10.9.2017.

7./ Đại sứ quán Việt Nam di Hà Lan bahrau peih parang iek rup cih ngan saong kadha: “Dom gheih mekre di Việt Nam: sa meta maong bharau” di pasak Nghệ thuật Việt Nam (ban The Hague, Hà Lan). Tapa nan, menuac sia dunya saong Hà Lan hu thau jang ka taneh ia, anek menuac Việt Nam rap ar tuai damuai.

8./Piah rik daong tame bruk cakrok khang kadang di uraniah Việt Nam tapa dom baoh tapuk siam, SeABank saong Tập đoàn BRG hu daong 440 triệu đồng ka “Mọt sách Mogu” – lac dự án lang sap, patabiak tapuk truyện thiếu nhi Nhật Bản brei ka uraniahViệt Nam. Dự án “Mọt sách Mogu” lingiu bruk pabak dom baoh tapuk gheih tame tủ sách tranh truyện uraniah, daok hu alin tapuk ka dom uranaih sang kan kandah./.