#Dự án “100 thun âm nhạc Việt Nam” ngan saong dom melam parang me-in pok meyaom dom yaom glaong di tân nhạc Việt Nam jaik peih tabiak di Nhà hát Tuổi trẻ (Hà Nội). Tui kuhria, danak dak camereip abih hu peih tabiak di melam 25/8. Tuk camereip dự án hu ngak dalam 2 thun ngan saong 24 danak dak, yaok bilan hu 1 danak dak di Nhà hát Tuổi trẻ.

# Dự án âm nhạc "Những ngôi sao sân cỏ" piah ngak pachreih hatung hatai dom urang dalam kapul dit blong Việt Nam di SEA Games 2017 bahrau brei thau dom kadha biak gheih. Dự án nan, lac sa sáng tác bahrau di nhạc sĩ Hà Chương pambuak saong DJ Wang Trần ngak tabiak piah pachreih saong nao gam haong kapul dit blong Việt Nam di SEA Games. Kadha daoh tui lagu Latin, chreih chrai saong mbuan daoh piah daong pambak praong dalam bilan SEA Games, ba mai ka urang takre dit blong Việt dom bui sambai chreih chrai tuk ba drei tame bruk dit blong.

# Danak dak “Hội sách Thu” daok rah tabiak di Phố sách Hà Nội yau sa panuac thau dar phor tal urang puac tapuk ngan saong rilo bruk ngak biak chreih chrai. “Hội sách Thu” hu dom bruk ngak yau: trun yaom tapuk, pablei tapuk sa yaom yau gauk, trun yaom tapuk 35% meng 17-18h, pablei tapuk sa yaom 5.000 đồng, 10.000 đồng, 15.000 đồng…Meng hatai caong ba tapuk tal urang puac tapuk hu mbuan lagaih jang, piah ka yaok baoh tapuk lac sa pandap alin hadiah, “Hội sách Thu” pamaong tal bruk ngak brei bhian randap puac tapuk, maong nan lac ilamu mekre dalam raidiuk jeng ye di ban ine Hà Nội.

# Viện khik ramik inem krung bahrau tabiak mbaok  sách ảnh Kiến trúc đình làng Việt tapa tư liệu Viện khik ramik inem krung, dalam nan hu: dom bản vẽ saong kadha vak roh duah ka 15 baoh baha praong di gah brak. Baha palei lac bruk padang ngak praong di puk palei Việt samar dahlau, nyu peih tabiak camereip abih di bhum taneran kraong Hồng. Baha palei lac bruk padang ngak biak praong di Việt Nam dalam samar dahlau. 

# Parang iek lakhah saong Du lịch trăng mật mbang 9 daok rah tabiak di ban raya Hồ Chí Minh meng harei 11 tal 13/8 saong di Hà Nội meng harei 18 tal 20/8. Thun ini, ngan saong kadha “Trong rừng”,  parang iek pilih sambo hijao ka lakhah thun ini. Ini daok lac labik sanya nao tal di dom gu piah hu blei pandap yaom lap meng labaih 100 labik hu angan je dalam dịch vụ likhah.

# Adat Ariêu - Ping, daok ieu lac lễ bốc mả bahrau rah tabiak di xã Tà Rụt, huyện Đắc Krông, tỉnh Quảng Trị pachreih hu yaok ribau urang bnagsa Pa Kô hu mbaok tame. Ini lac harei pataom ilamu tâm linh gheih mekre, meng 10 tal 15 thun hu peih ngak sa mbang, piah brei mboh hatai thau dhar phor ong muk, ong kei di bhap bini Pa Kô daok di gah pai tỉnh Quảng Trị./.