# Mentri Ilamu – thể thao saong Dulich birau hu công văn payua Sở Ilamu – Thể thao saong Du lich tỉnh Hà Giang ka bruk peih tal pato ilamu phi vật thể meng kan ka urang bangsa Lô Lô tỉnh Hà Giang, thun 2016. Tapa nan, pachreih ba urang bangsa Lô Lô  dalam bruk khik ramik dom ilamu siam gheih di bangsa drei, rik tame ngak meda jang radiuk ilamu di urang bangsa.

# Adit thời trang dunya Viet Nam Thu Đông hu peih tabiak di Pasak Hội nghị negar meng harei 1 tal harei 6 bilan11 anak tal meda  ba mai ka urang maong iek khan ao ngui cuk thời trang siam gheih rilo. Ngan saong labaih 20 show diễn hu padang ngak biak siam, adit thời trang ini hu yaih khan dom bộ sưu tập biak gheih di abih, brei mboh jalan ngak tabiak khan ao Việt birau dalam dom bilan thu đông puac thun 2016.

#Muyim Hà Nội birau peih parang iek “ Bruk duah pataom hu, alin brei tài liệu, pandap panda thun 2015 -2016 saong peih bruk alin brei tài liệu, pandap panda anak tal. Dalam 150 harak tài liệu hu parang iek mbang ini hu 3 blah rup cih di họa sĩ Phùng Di Thuần. Muyim Ha Noi brei thau, dom blah rup cih hu makna praomng glaong nan yau brei mboh veik sajarah dak rai Ban Ine dalam bruk mesruh metak kiên cường bất khuất  pacang kol Prang saong kol Mỹ. Ini lac kadha praong dalam bruk parang iek mbang ini.

# Muyim Thanh Hóa daok peih pabah mbang “ Bilik parang iek ilamu bangsa Thái di Thanh Hóa” brei ka tuai damuai mai rivang iek, pabak hatai caong roh duah ilamu bangsa Thái daokdi Thanh Hóa. Bilik parang iek hu yaih khan jaik 200 tài liệu saong pandap dalam nan hu dom bộ sưu tập brei mboh dom siam gheih dalam raidiuk, jaln sahaneng  di bhap bini bangsa Thái daok di Thanh Hóa. 

# Lambaok Qũy Hòa bình Hàn – Việt birau alin brei Muyim Đà Nẵng 52 tài liệu, pandap panda brei mboh bruk pasiam veik dom pandik pandua kayua mesruh metak. Di var alih brei tai lieu, pandap panda, hu rilo sinh vien Han Quoc daok tui bac gah sajarah dak rai hu mboh saong brei thau hatai sahaneng di drei. Anak tal, Muyim Đà Nẵng brei yaih khan saong parang iek dom pandap hu alin brei piah pamơrơ tuai damuia mai maong iek, duah thau.

# Parang iek thaok binguk ngan saong kadha “ Dahlak anit ranam Taneh ia dahlak” birau peih pakak di Sang Ilamu Dam dara Ban raya Ho Chi Minh. Labik ini hu parang tabiak 180 blah rup cih khan ka sajarah dakrai, ilamu meng kan, bruk dak padang Kapul Dam dara Viet Nam; dom bruk dam dara dalam taneh ia dalam nan hu dam dara ban raya Ho Chi Minh ngak hu meng cong tac hội saong bruk dam dara; dom kreih camin dam dara naih gheih dalam bruk bac megru, ngak mbang, pala darak./.