# Piah daong saong pachreih urang bangsa takik tame tui bruk Taneh ia padang mbang ngui, tui bruk ba tabiak “Oh caik ka urang halei daok veik gah likuk” saong pahadar 70 thun Harei Chu tich Ho Chi Minh tabiak panuac ieu pakacah gauk anit ranam taneh ia (11/6/1948 – 11/6/2018), di Nhà hát Lớn Hà Nội, Ủy ban Bangsa pambuak bruk saong Rayo sap ndem Việt Nam birau peih danak dak daoh tamia “Caong khin padang mbang ngui – hadah tanyak bhum palei”. Di Danak dak, 23 urang dam dara bangsa takik gah Barak kham merat dalam bruk padang mabng ngui hu meyaom. Ini lac dom urang naih gheih dalam rilo dam dara padang mbang ngui lac bangsa takik.

# Meng ini tal harei 3/6, Liên đoàn Xiếc Việt Nam peih ngak danak dak uan raok Tết Thiếu nhi ngan saong kadha “ Thế giới hoạt hình trong khu rừng thần tiên” di Rạp Xiếc trung ương, Hà Nội. Danak dak hu xiec menuac, xiec thú bui sambai chreih chrai, hu mbaok rilo nhân vật hoạt hình danei angan yau meyao mac Đô rê mon, Gấu Panda, 5 adei sa-ai siêu nhân, kra Haluman... “Thế giới hoạt hình trong khu rừng thần tiên” kayua NSƯT Tống Toàn Thắng padang ngak. 

# “Baoh taneh hijao” lac angan ieu di harei pataom Uranaih dunya thun 2018 hu peih ngak di Nha Trang, Khánh Hòa, meng harei 29/5 mbiah tal 3/6. Ini lac bruk hu peih ngak yaok thun kayua Rayo Papar binguk Viet Nam peih ngak di Harei Dunya uranaih 1/6 yaok thun, rik tame bruk pakhang jum pataom, pambuak talei rohim dom negar langiu, tapa bruk jum pataom. Tame Harei pataom Uranaih dunya thun ini hu  8 kapul uranaih, dalam nan, 4 kapul mai mong dom taneh ia ASEAN yau Thái Lan, Philippines, Indonesia, taneh ia po sang Việt Nam; 4 kapul daok veik mai meng LB Nga, Hàn Quốc, Trung Quốc, Nhật Bản.

#Meng harei 1 tal harei 17/6, harei pataom baoh kayau Nam bộ mbang 14 thun 2018 hu peih ngak di Khu du lịch Văn hóa Suối Tiên, Quận 9, Thành phố Hồ Chí Minh. Ini lac bruk ilamu dulich  yaok thun kayua Sở Du lịch Ban raya Hồ Chí Minh pambuak haong C.ty Cổ phần Du lịch Ilamu  Suối Tiên, Sở Ngak nong saong patagok palei pala, Sở Công Thương ban raya HCM peih ngak. Le hoi hu yaih khan tal tuai damuai dom ilamu gheih mekre, ralo janih baoh kayau bhum kraong ribaong Nam bộ saong pok meyaom bruk jak jeng gah ngak nong.

# Di Muyim Urang kumei Nam bộ, Ban raya HCM peih bruk parang eik “ Pandap jhik pet di urang kumei lin CM” yaih khan labaih 100 blah siuk tanyiak pet  meng tangin di dom urang kumei lin CM ngak dalam tuk mesruh saong kol khamang, khik caga taneh ia. Yaok pandap lac sa dalikan biak druat druai, brei urang iek hu thau tal raidiuk di đom urang var klak rup drei piah ngak jeng jayak hu vak tame sajarah  dakrai anh dũng, kiên cường di bangsa Viet Nam. Prang iek peih tabiak tal hrei 30/9.