# Pa-uan Harei Báo chí Cách mạng Việt Nam, kalup kapul phóng viên ảnh báo chí Hà Nội saong Hội Nhà báo Hà Nội  peih parang iek rup thaot angan “Dấu ấn” hu 135 blah di 38 tác giả di Hà Nội meng 15 – 19.6. Dom blah rup thaot hu parang iek brei mboh sajarah, bruk dak padang saong patagok di Hà Nội; raidiuk mbang ngui, daok dang di ban ine. Hadei di parang iek ini, kalup kapul phóng viên ảnh báo chí Hà Nội brei jhul khang dom bruk daong ka xã hội yau rik pataom saong pablei dom blah rup thaot di parang iek piah padang kadung jien daong ka urang kathaot, daong ka uraniah sang kan kandah daok di dom bhum atah bayah.

    # Di ban sit Nha Trang  hu rah tabiak 2 Festival lac: Inem krung Quảng Nam saong tasik Nha Trang - Khánh Hòa. Festival Inem krung Quảng Nam saong tasik Nha Trang - Khánh Hòa ngan saong 50 bruk ilamu, nghệ thuật, du lịch tapa dom mbang arang me-in di dom nghệ sĩ mai meng Pháp, Tây Ban Nha, Hàn Quốc...pachreih hu rilo tuai du lịch saong bhap bini.

    # Di xã Hòa Xuân Nam (huyện Đông Hòa, tỉnh Phú Yên), Quân chủng Hải quân peih pakak sang pahadar liệt sĩ Đoàn tàu Không số Vũng Rô. Ngan saong labik praong 19,5m2, sân tak kiak, kè patau, daning, bein bingu saong yaom jien ngak abih labaih 1,3 tỉ đồng kayua urang jakar saong urang lin Quân chủng Hải quân rik tame ngak piah hadar  dom anh hùng liệt sĩ, dom urang ndih trun ka taneh ia dalam saman mesruh taong Mỹ, daong taneh ia. Ini jeng lac sa labik sajarah, ilamu, rik daong ka bruk pato pakaiilamu anit taneh ia ka rai dam dara harei ini saong harei hadei. Inem mek Đoàn tàu Không số Vũng Rô hu brei angan lac inem mek sajarah pakat negar di harei 18.6.1997.

   #  Piah paglaong raidiuk ilamu ka bhap bini saong piah pamơrơ ka tuai du lịch tuk yam takai tal ban ribau bingu, dalam tuk hè 2017, Sở ilamu Thể thao Du lịch tỉnh Lâm Đồng hu tacei brei ngak 18 danak dak parang me-in nghệ thuật đặc sắc ndung bak ilamu di Tây Nguyên. Tui nan, yaok adit, di dom melam car saong adit dalam bilan 6 saong bilan 7.2017, di mblang bein Đà Lạt hu rah tabiak dom danak dak daoh tamia nghệ thuật brei maong iek saoh, kayua 3 labik lac: Pasak ilamu tỉnh Lâm Đồng, Kapul daoh tamia bangsa tỉnh Lâm Đồng saong Pasak ilamu ban sit  Đà Lạt dang tabiak ngak. Yaok labik padang ngak saong parang me-in 6 danak dak, ngan saong dom kadha yau: daoh, tamia, độc tấu dom alat ragam bangsa, dom ragu bhap bini meng kan, dom ragam tamia bharau.

    # Nhà xuất bản Kim Đồng bahrau yaih khan tal urang puac tapuk baoh tapuk angan “Lĩnh Nam chích quái” hu minh họa di họa sĩ Tạ Huy Long. Lĩnh Nam chích quái – baoh tapuk vak veik dom “chuyện kỳ lạ ở nước Nam”, brei mboh hatai sahneng di ong muk, ong kei drei ka sajarah bangsa, ka adat cambat tanarakun, ka jalan đối nhân xử thế... 36 truyện dalam Lĩnh Nam chích quái hu dom truyện thần tích, thần phả meng saman Hồng Bàng mbiah tal saman Trần. Nan lac dalikan ka Âu Cơ - Lạc Long Quân, dalikan Phun Paneng, dalikan CeikTản viên… Meng labaih 200 blah rup cih minh họa di họa sĩ Tạ Huy Long, Lĩnh Nam chích quái lac ấn bản akaok mereip hu tranh minh họa samo màu mekre, hu cih meng tangin, tui jalan ngak tranh khắc gỗ meng kan.

     # Parang iek Dunya EXPO-2017 ngan saong kadha “Năng lượng harei hadei” hu peih mbaok harei 9.6 di ban ine Astana, Kazakhstan saong peih pabah mbang brei tuai tame maong iek dalam tukvak meng harei 9.6 tal harei 10.9.2017.  Hu mbaok tame bruk ini di Kazakhstan, hu 115 negar, bhum lãnh thổ saong dom kapul nyaom dunya. Sang parang iek Việt Nam hu peih pabah mbang di labik parang iek ini piah yaih khan bruk gheih mekre di lingik tasik, bruk rap ar tuai damuai di anek menuac, dom ilamu hadah krah saong pren khang du lịch Việt Nam. Meng nan hu panuac ieu pambuak bruk, đầu tư quốc tế piah ngak mbang gah bruk nan piah patagok khang kajap di harei hadei./.