# Di Hà Nội, Báo Giáo dục thời đại bahrau tabiak bruk pacakah vak "Anai gru di dahlak" mbang ka 2. Bruk pakacah brei ka urang Việt Nam daok dalam saong lingiu taneh ia; vak tui văn xuôi, truyện, ký, phóng sự, tản văn, thư,...; oh tapa 1.500 panuac ka sa kadha vak. Tukvak taduan mek kadha payua tame pakacah tal harei 22-2-2018;  bruk pataom iek veik saong jao giải thưởng tui kuhria hu peih tabiak di tuk salam uan harei dunya urang kumei 8/3/2018.

# Miuyim Dân tộc học Việt Nam bahrau peih parang iek ngan saong kadha “Lamen di Tây Nguyên”. Parang iek hu 40 janih pandap, 38 blah rup thaot saong phim video gam saong dom kadha vak tui 6 asal kadha lac: Bruk bhian randap di lamen; Cap saong pato lamen glai; Iek glang lamen; Lamen dalam bruk ngak mbang, Lamen dalam raidiuk, Lamen dalam ilamu…

# Meng dom saman ini mai, cồng chiêng hu maong lac suan yava dalam raidiuk di bhap bini Mường. Kayua rilo makna, bruk ndung bak ilamu bangsa ini daok takik nao. Labaih 10 thun tapa, amuk Nguyễn Thị Lâm, umo 75 thun daok di palei Gò Đá Chẹ kham merat ba abih pren yava tabiak khik ramik ilamu cồng chiêng di bhum glaong palei Mường, xã Khánh Thượng, huyện Ba Vì, Hà Nội.

# Di huyện Đồng Văn, bahrau peih harei pataom bingu tam giác mạch tỉnh Hà Giang mbang ka III thun 2017. Harei pataom piah pathau khan, padang angan, paglaong labik dang, rup binguk di Hà Giang dalam meta ayut sahabat dalam taneh ia saong lingiu dunya.  Cao nguyên đá Đồng Văn tui kuhrai yaok thun raok yaok rituh ribau tuai mai haong harei pataom bingu tam giác mạchsaong dom labik mekre hu angan yau Dinh Nhà Vương, geng daok Lũng Cú, Palei ilamu du lịch Lũng Cẩm, Đèo Mã Pì Lèng... Harei pataom nan hu rah tabiak tal abih harei 31/12.

# Ninh Thuận urak ini hu 149 inem krung ilamu, dalam nan hu 54 inem krung ilamu hu dak angan di dom pakat, nan lac: 2 inem krung pakat negar đặc biệt, 14 inem krung ilamu pakat negar , 2 inem krung ilamu phi vật thể pakat negar, 36 inem krung ilamu pakat tỉnh. Ninh Thuậnhu dom bimaong Cam ndung bak rilo ilamu, kiến trúc saong điêu khắc mbiah tal urak ini yau daok tamo yau tháp Hòa Lai,  bimaong Po Klong Garai, bimaong Po Rome hu gah ilamu khoa học dalam saong lingiu taneh ia taong yaom glaong ka bruk padang ngak di Chăm Pa./.