# Harei pataom pakat dunya võ meng kan di Viet Nam Mbang ka 6 thun 2016 hu rah tabiak dalam 3 harei, meng harei 2 tal harei 4 bilan 8 anak tal, pak ban Quy Nhơn, tỉnh Bình Định. 49 kapul ngan saong 900 võ sư, võ sinh, urang pasram pato saong vận động viên hu tut angan tame mai pataom mbaok; dalam nan hu 15 kapul võ thuật dunya mai meng dom taneh ia yau: Pháp, Italy, Nga, Mỹ, Canada, Bồ Đào Nha...

#“ Hadah tanyak meng hatai siam” nan lac kadha parang iek thaot binguk di dom urang vak mbao, nghe si thaot binguk…meda peih tabiak meng harei 8 tal 15 bilan 8 anak tal, di Ha Noi, piah pablei thaok binguk mek jien daong uranaih kan kathaot. Parang iek mbang ini hu 88 blah thaot binguk di 8 urang thaot nan lac: Bùi Hỏa Tiễn, Nguyễn Quang Tuấn, Hoàng Mạnh Cường, Trần Thiết Dũng, Trần Cao Bảo Long, Nguyễn Hồng Vĩnh, Kim Mạnh saong Chu Thu Hảo.

          # Kapul urang kumei xã Lạc Sỹ, huyện Yên Thủy, tỉnh Hòa  Bình pambuak  saong Danak dak Patagok bhum huyen Yên Thủy birau peih tal patao taong chieng Mường ka 12 urang daok dalam xã. Tal bac ini urang hu bac dom ilamu taong chieng meng kan, palaong ilmu taong chieng, taong tui rilo kadha di chieng, pato angui cuk ngan ao bangsa Mường…Tapa nan, dom urang bac oh lac hu mbaok tame dom bruk ngak ilamu, main taong chieng, bo daok rik tame khik ramik ilamu bangsa Muong.

# Palei 3, xã Vĩnh Thuận, huyện Vĩnh Thạnh, tỉnh Bình Định birau ngak salah blaoh saong ba tame pandar sang Rong birau. Sang Rông hu padang ngak tui Sarak 30a di Rajaei, yaom labaih 900 triệu đồng, praong abih tih jaik 200met vuong, got sang hu tuh betong cot thep, danieng kayau, tabung tauk kiak. Ini lac lac bik brei ka bhap bini pataom mbaok, rik tame bruk khik ramik ilamu di urang Bana Kriêm Vĩnh Thạnh.

# Urak ini, huyện Tuy Đức, tỉnh Dak Nong  hu 61 bộ chiêng, 1 urang pasiam veik chieng, 24 urang pato taong chieng, 72 urang main taong chieng, 7 kapul urang taong chieng, 8 kapul urang daoh tamia bhap bini…Meng dom bruk ngak di dom sang ilamu, urang hu tacei pato veik ka rairah ranaih umo, rik daong khik ramik ialmu bangsa.

#Pasak Ilamu tỉnh Tây Ninh birau peih danak dak daoh tamia bangsa Cam. Dom nghe si, urang daoh urang tamia bangsa Cam hu daoh tamia dom kadha pok meyaom taneh ia,palei negar, pok meyaom Đảng, Wa Ho, bhum taneh saong anek manuac Tay Ninh tapa 180 thun dak padang saong cakrok./.