# Harei pataom pamdap mbang bingi dom taneh ia mbang ka 12 meda paieh ngak  menmg harei 11 tal harei 14 bilan1 di mblang Bein Lê Văn Tám, Quận 1, Ban raya Hồ Chí Minh ngan saong kadha “ Pandap mbang huak Jalan pambuak dunya”. Labaih 100 labik pandap mbang kaya bingi di Viet Nam saong dom taneh ia di dunya hu yaih khan, meda ba mai ka tuai damuai hu mbang menyum saong duah thau ka ilamu  mbang huak siam gheih karei.

# Di tỉnh Hòa Bình, Hội Văn học Nghệ thuật dom bangsa takik Việt Nam hu peih mbang nyaom pataom iek veik dom bruk ngak hu dalam thun 2017 saong ba tabiak ngak ka thun 2018. Tapa nan, Hội Văn học Nghệ thuật dom bangsa takik Việt Nam hu alin brei giải thưởng văn học nghệ thuật dom bangsa Viet Nam thun 2017 ka 67 kadha, hu: 4 giải A, 13 giải B, 24 giải C, 22 giải khuyến saong 4 pandap thưởng ka dom urang umo taha.

# Dalam luac bilan 1 thun 2018, di Palei Ilamu – Dulich dom bangsa Việt Nam hu peih ngak rilo bruk bui sambai ngan saong kadha “Bingu pahe bhum glaong”. Danak dak “Bingu pahe bhum glaong” hu mbaok labaih 100 bhap bini urang bangsa takik ye: Tày, Dao, Mông, Thái, Mường, Khơ Mú, Tà Ôi, Cơ Tu, Raglai, Ê Đê saong Khmer meng 10 palei Thái Nguyên, Hà Nội, Hà Giang, Sơn La, Hòa Bình, Điện Biên, Thừa Thiên Huế, Ninh Thuận, Đắk Lắk, Sóc Trăng. Dalam nan, kadha praong lac “Xuân di palei adei” hu danak dak “Harei xuân dane miat panuac daoh then”, yaih khan kadha main di bhap bini bangsa Tày; padang veik “Adat Đâm đuống” di urang bangsa Mường; dom danak nghệ thuật…

# Thun 2018, gah Dulich tỉnh Trà Vinh ba tabiak bruk duh ka 785.000 mbang tuai damuai, kham merat duah hu 255 tỷ đồng. Tui nan, gah Dulich Trà Vinh sangka patagok du lịch sinh thái bein kayau saong dulich ilamu bangsa Khmer.

# Di tỉnh An Giang, Viện Hàn lâm Khoa học xã hội Việt Nam pambuak saong Ub bhap bini tỉnh An Giang peih nyaom biai ka bruk roh duah labik inem krung khảo cổ học Óc Eo-Ba Thê, Nền Chùa (ilamu Óc Eo Nam Bộ) thun 2017. Tiến sỹ Phạm Văn Triệu, Viện Khảo cổ học, Viện Hàn lâm Khoa học Xã hội Việt Nam brei thau, meng bilan 8 thun 2017 mbiah tal ini, hadei di sa tukvak roh duah saong khik eik labik nan di baha Linh Sơn dalam labik inem mek Óc Eo, Viện Khảo cổ học roh duah hu 2 lubang , sa lubang praong jaik 300 met vuông. Dom urang roh duah hu duah mboh rilo drap ar, labaih 20 ribau pandap dom janih yau krah lan, ceik panyin, pandap ngak meng patau…dom pandap nan hu meng abap 1 dahlau cong nguyên tal hadei abap 12./.