#Akok Mentri Ilamu - Thể thao saong Rivang main dulich Nguyễn Ngọc Thiện hu mbaok tangin tame Danak dak “ Pambuak bruk patagok kinh tế saong khik ramik, patagok ilamu dom bangsa takik” mbiah tal thun 2020 ngan saong phun jien labaih 54 tỉ đồng.Danak dak meda pamoang tal daong ka urang di 53 bangsa takik, dalam nan njauk brei daong dahlau dom bangsa takik manuac ngan saong ala 10.000 urang di dom tỉnh Hà Giang, Bắc Kạn, Kon Tum, Đắk Lắk, Đắk Nông, An Giang, Sóc Trăng…Tui kuhria, tamat danak dak ini brei padang 15 bruk patagok kinh tế pambuak saong bruk cak rok patagok kinh tế du lịch khang kajap; khik caga saong patagok 20 bruk ngak thủ công…

          # Mban Bangsa tỉnh Hà Giang birau pambuak saong UB bhap bini huyện Yên Minh peih ngak Le hoi ilamu meng kan di bangsa Cờ Lao thun 2016 pak xã Mậu Duệ. Tui nan, Le hoi hu peih ngak adat tanarakun Likau hajan daok iew lac ngak yang tangei birau, dom bruk ngak ilamu karei karei yau daoh pandao, daoh dom kadha meyaom Đảng, Wa Ho. Langiu di nan, dom kadha main bhap bini yau keo co, jhul gai…pachreih hu rilo mikva urang bangsa tame main.

        # Di ban Phan Rang –Tháp Chàm, Kapul Nghệ sĩ Thaok binguk Viet Nam pambuak saong Kapul Liên hiệp Văn học Nghệ thuật tỉnh Ninh Thuận peih bruk chấm điểm thaok binguk saong ginum biai Jum pataom Thaok binguk nghe thuat Khu vực miền Đông Nam bộ mbang 24 thun 2016.  Ban peih bruk Jum pataom taduan hu 1.922 blah thaok binguk di 269 urang cih vak mai meng dom tỉnh: Bà Rịa- Vũng Tàu,  Bình Phước, Bình Thuận,  Ninh Thuận và Tây Ninh. Tapa cham chung khao, Hoi ndong giam khao palih ruah hu 13 blah thaok  binguk  xuất sắc piah jao giải di Liên hoan thaot binguk Khu vực Miền Đông Nam bộ mbang 24 thun 2016 di Ninh Thuân, dalam nan hu tha huy chương ameh, 2 huy chương bac, 4 huy chương bar, 6 giải khuyen khich.

# Piah pakhang bruk khik ramik, pasang iek tani tanat an ninh trat tu, salamat ka tuia damuai, khik lam moi truong hacih sa-at, pandap mbang hacih, bruk taduan tuai damuai dalam harei lê Negar 2/9, Sở Ilamu, thể thao saong Dulich Bình Thuan birau tacei pato dom jabat ilamu thông tin dom huyện, dom ban khik iek dom khu, labik rivang main dulich,  dom doanh nghiep du lich brei khik yaom, khik hacih alam moi truong du lich, pakhang bruk pasang iek, khik brei salamat an ninh ka tuai damuai. Dalam nan, pataom tame dom jalan  khik caga, taong phat catang dom bruk bleik saleik,  dui katung urang tuai blei pablei pandap, khik salamat jakln mbak nao mai di dom labik hu rilo tuai damuai tame rivang main.

        # Liên hoan phim Đức mbang ka 7 peih ngak meng harei 8 tal harei 25 bilan 9 di 5 ban: Ha Noi, Hai Phong, Hue, Da Nang, Ban raya Ho Chi Minh. Lien hoan phim Đức mbang ka 7 ini brei ka urang maong iek dom bộ phim birau di abih saong hu rilo jak jeng di điện ảnh Đức, nan lac: “ Hơi thở”, Rico, Oskar saong dom binguk sup bí ẩn”, “”, “Đầu xuôi đuôi lọt”, “Đường đời”, “Mật ong trong đầu”, “Chuẩn men”, “Offline - Đời không là mơ” saong “Victoria”.  Tapa lien hoan phim, urang Viet Nam oh lac hu dauh thau saong hu iek dom bộ phim biak mekre di điện ảnh Đức bo daok hu bac megru jeng yau klak rabha dom ilamu dalam bruk ngak phim saong urang  ngak phim hu angan je meng negar langiu.

       #  Bộ phim “Thiên đường cách không xa” birau chieu iek mbang ka 2 di Đại sứ quán Việt Nam pak  Iran hu mbaok labaih 300 urang mai maong iek. Ini lac phim yaih khan gah du lich Viet Namcamereip tui sap Ba Tư saong kayua urang Iran ngak. Ini lac bộ phim bo dom ayut Iran tapa Viet Nam quay meng bilan1 thun 2016. Bộ phim atah 45 phút yaih khan ka thaot binguk siam gheih di Viet Nam yau Ha Noi, Ha Long, Ninh Bình, Hôi An, Ban raya Ho Chi Minh. Kapul ngak phim abih nan lac dom dama dara Iran. Abih di nyu, karei jang dom phim yaih khan du lich biak khat rilo jien, bộ phim nan hu buh tame biak rilo jien, mai meng kadung jien di dom urang ngak phim nan./.