# Adit “jum pataom dom bangsa, inem krung ilamu Việt Nam” hu rh tabiak meng harei 18-23/11 di palei ilamu dom bangsa Việt Nam, hu mbaok 120 taha palei, akaok puk, nghệ nhân, bhap bini lambaok dom bangsa dalam taneh ia. Danak dak hu rilo bruk ngak piah yaih khan ilamu dom bangsa Việt Nam yau bruk pakacah thaot binguk saong parang iek thaot binguk ngan saong kadha “Palei ilamu Du lịch dom bangsa Việt Nam – baoh sang di  54 bangsa Việt Nam”; brei mboh veik raidiuk yaok harei di bhap bini dom bangsa, ngak iek bruk ngak meng kan, yaih khan khan bai, alat ragam, pandap ngak nong...; parang me-in dom ragu daoh, ragam tamia ..dom rija roya meng kan di bhap bini.

# Di tỉnh Hà Giang,  Harei pataom ilamu bangsa Mông pakat negar mbnag ka 2 hu peih ngak dalam 2 harei 18 saong 19/11. Bruk ini pachreih hu nghệ nhân, bhap bini Mông 13 tỉnh mai pataom mbaok. Harei pataom ilamu bangsa Mông mbang ini hu rilo bruk ngak yau ye : daoh tamia, parang iek khan ao meng kan di bangsa Mông; adat cambat meng kan di bangsa Mông; pakacah thể thao bangsa saong dom kadha me-in di bhap bini, bruk mbang huak di bangsa Mông…

# Ủy ban bhap bini tỉnh Quảng Nam bahrau alin hadih 72 pandap lan am Chu Đậu di miuyim Quảng Nam brei ka miuyim urang kumei Nam Bộ piah khik ramik, parang iek saong patagok dom yaom glaong. Dom janih pandap yau panyin, jam bình tỳ bà, klaok, lọ… lac lan am Chu Đậu abap XV-XVI hu duah mboh di bhum tasik Cù Lao Chàm (Hội An, Quảng Nam) di do thun 1997-1999.

# Piah cakrok brukpuac tapuk dalam bhap bini, abih di nyu na lac dom uraniah, dam dara, tukvak tapa, gilangtapuk Tổng hợpban sit Đà Nẵng hu pabak rilo tapuk uraniah ngan saong jaik 20 janih báo, tạp chí saong labaih 23.000 ấn phẩm. Dom urang jakar thư viện hu tư vấn, tacei pato dom adei pilih ruah saong puac tapuk ka nyu lagaih haong umo di drei, pachreih dom adei pilih ruah saong puac tapuk siam, hu yaom glaong dalam raidiuk.

# Di tỉnh Sóc Trăng daok rah tabiak bruk pakacah ghe Ngo di bhap bini Khmer. Lingiu di nana, dalam dom harei Óc Om Bóc – pakacah ghe Ngo, mikva daok peih ngak dom rija bhap bini yau ye kakuh ia bulan, palao gom ia.  Thun ini, tỉnh Sóc Trăng daok hu ngak veik baoh ghe Cà Hâu di bhap bini Khmer. Ini lac ghe piah pajeng dom ong bhik, sư sãi, kapul phleing ngũ âm, vận động viên saong pandap mbang menyum duh ka ghe Ngo dom baha dalam dom harei hu mbaok tame rija roya bo dom thun jaik di ini daok lihik nao.

# Meng harei 7 tal harei 14/1/2017  tal, di tỉnh Đồng Tháp hu peih adait Du lịch Đồng Tháp” thun 2017, ngamn saong kadha “labik 4 bilan hadah sambo, pambuak saong harei pataom bingu. Adit ini piah patagok bruk yaih khan ka lingik tasik, palei ngak bingu kiểng pambuak haong dom palei ngak karei, dom inem krung sajarah, ilamu saong dom pandap du lịch di Đồng Tháp. Tapan , jhuj khang bruk pablei salih, pachreih urang dalam taneh ia saong urang negar lingiu  buh jien tame ngak mbang, daong peih ngak hu kein laba, siam lagaih  Đề án cakrok du lịch Đồng Tháp tal thun 2020./.